backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်

ကိုလက်စထရောတက်နေချိန်မှာ ဘယ်အသားတွေ စားလို့ရနိုင်မလဲ

မှ အချက်အလက် စစ်ဆေးထားပါသည်။ Dr. Thurein Hlaing Win


Dr. Ye Mhan Linn မှ ရေးသားသည်။ · 21/03/2022 တွင် အသစ်ဖြည့်စွက်ခဲ့သည်။

ကိုလက်စထရောတက်နေချိန်မှာ ဘယ်အသားတွေ စားလို့ရနိုင်မလဲ

ကိုလက်စထရောဟာ ခန္ဓါကိုယ်အတွက် အရေးပါတဲ့ဓါတ်တစ်မျိုး ဖြစ်ပေမယ့် လိုတာထက်လွန်ကဲလာရင်တော့ သွေးကြောတွေကို ပိတ်ဆို့နိုင်ပြီး နှလုံးတိုက်ခိုက်ခံရနိုင်ချေနဲ့ လေဖြတ်နိုင်ချေကို မြင်ေ့စပါတယ်။ ကျွန်တော်တို့ရဲ့ခန္ဓါကိုယ်က သဘာဝအလျောက် ကိုလက်စထရောထုတ်လုပ်ပေမယ့် ခန္ဓါကိုယ်မှာရှိတဲ့ ကိုလက်စထရောအများစုရဲ့ အဓိကအရင်းမြစ်ဟာ ပြည့်ဝဆီတွေပဲ ဖြစ်ပါတယ်။ တိရစ္ဆာန်ထွက်စားသောက်ကုန်တွေ အထူးသဖြင့် အဆီများတဲ့အသားတွေမှာ ပြည့်ဝဆီပါဝင်မှု အများဆုံးဖြစ်ပါတယ်။ ဒါပေမယ့် ကိုလက်စထရောတက်နေတိုင်း အသားလုံးဝမစားဘဲ ရှောင်နေစရာမလိုပါဘူး။ ကိုလက်စထရောတက်နေသူတွေ အသားစားသုံးရမယ့် နည်းစနစ်ပုံစံတွေအကြောင်း ဒီဆောင်းပါးမှာ လေ့လာဖတ်ရှုနိုင်ပါတယ်။

အဆီဓါတ်ကြွယ်ဝတဲ့ငါး

အဆီဓါတ်ကြွယ်ဝတဲ့ငါးမှာ မကောင်းတဲ့ကိုလက်စထရော LDL ကို လျော့ချနိုင်ပြီး ကောင်းတဲ့ကိုလက်စထရော HDL ကို မြှင့်တင်ပေးနိုင်တဲ့ omega-3 fatty acid ပါဝင်တယ်လို့ Maryland တက္ကသိုလ်ဆေးပညာဌာနရဲ့ သတင်းထုတ်ပြန်ချက်အရ သိရှိရပါတယ်။ ဆယ်လ်မွန်၊ မက်ကရယ်ငါး၊ albacore တူနာငါး၊ မြောက်အတ္တလန္တိတ်ဒေသထွက် ငါးသလောက်၊ ဆာဒင်းနဲ့ ရေချိုထရောက်ငါး စတာတွေဟာ အဆီဓါတ်ကြွယ်ဝတဲ့ငါးတွေပဲ ဖြစ်ပြီး လူတိုင်းလူတိုင်း တစ်ပတ်မှာအနည်းဆုံး ၂ကြိမ်လောက် စားပေးသင့်တယ်လို့ ပညာရှင်တွေက အကြံပြုထားပါတယ်။

ဥစားကြက်၊ဘဲ

ဥစားကြက်နဲ့ဘဲသားကို အရေခွံမပါဘဲ အသားချည်းသက်သက်စားမယ်ဆိုရင် ကိုလက်စထရောတက်နေသူတွေအတွက် သင့်တော်ပါတယ်။ အသားတိုင်းမှာ တူညီတဲ့ကိုလက်စထရောပမာဏ (အသား ၈၅ဂရမ်မှာ ကိုလက်စထရော ၇၀ မီလီဂရမ်မှ ၈၀ မီလီဂရမ်) ပါဝင်တယ်ဆိုပေမယ့် အရေခွံမပါဘဲစားမယ်ဆိုရင်တော့ အဆီလျော့ချဖို့အတွက် အကျိုးရှိနိုင်ပါတယ်။ အရောင်ရင့်တဲ့အသားတွေမှာ အဆီပါဝင်မှုများတဲ့အလျောက် ကြက်သား၊ဘဲသားလို အရောင်ဖျော့တဲ့အသား စားတာက ကျန်းမာရေးအတွက် ပိုသင့်တော့်ပါတယ်။ ဥစားကြက်၊ဘဲတွေကို ချက်တဲ့အခါ ကြော်တာထက် ပြုတ်စား၊ ကင်စားတာက သင့်အတွက် ပိုအဆင်ပြေပါလိမ့်မယ်။ ဥစားငှက်တွေထဲမှာမှ အဆီပါဝင်မှုပိုများတဲ့ ဘဲသားနဲ့ ဘဲငန်းသားထက် ကြက်ဆင်နဲ့ ကြက်သားကို ရွေးချယ်စားသုံးတာက အကောင်းဆုံး ဖြစ်ပါတယ်။

အနီရောင်အသား

ကိုလက်စထရောတက်နေသူတွေဟာ အနီရောင်အသား (ဥပမာ အမဲသား) လုံးဝမစားဘဲ ဖြတ်လိုက်ရတာမျိုး လုပ်စရာမလိုပါဘူး။ အဆီပါဝင်မှုနည်းပြီး အသားပြည့်တဲ့ အပိုင်းတွေကို ရွေးချယ်စားသုံးတတ်ဖို့သာလိုပါတယ်။ ကုပ်နဲ့နံကြားသား၊ ခါးဆစ်သား၊ ပေါင်ရင်းသားနဲ့ နောက်ခြေထောက်သားတွေဟာ အသားပြည့်တဲ့ အစိတ်အပိုင်းတွေပဲ ဖြစ်ပါတယ်။ အသားပြင်ဆင်ရာမှာ မျက်စိနဲ့မြင်ရသမျှ အဆီအားလုံးကို ဖယ်ရှားပစ်ဖို့လိုအပ်သလို ချက်ပြုတ်ရာမှာလည်း အဆီသက်သက် အသားသက်သက်ဖြစ်စေမယ့် ကင်ခြင်း၊ ဖုတ်ခြင်း၊ ကြပ်တိုက်ခြင်း စတဲ့နည်းလမ်းတွေနဲ့သာ ချက်ပြုတ်သင့်ပါတယ်။ ပညာရှင်တွေကတော့ လူတစ်ယောက်ဟာ ဘယ်အသားကိုမဆို တစ်နေ့ ၁၇၀ ဂရမ်ထက် ပိုမစားသင့်ဘူးလို့ အကြံပြုထားပါတယ်။

ဝက်သား

ကိုလက်စထရောတက်နေသူတွေအနေနဲ့ ဝက်သားစားသုံးမှုကိုတော့ ကန့်သတ်သင့်ပါတယ်။ ဒီလိုကန့်သတ်ရာမှာ ဝက်ပေါင်ခြောက်၊ ဝက်အူခြောင်းစတဲ့ ကြာရှည်ခံပစ္စည်းတွေ အများကြီးပါဝင်တဲ့ အစားအစာတွေကလွဲပြီး အခြားဝက်သားအမျိုးအစားတွေကိုတော့ ရံဖန်ရံခါ စားသုံးနိုင်ပါတယ်။ ဝက်သားချက်ပြုတ်ရာမှာလည်း အနီရောင်အသားတွေလိုပဲ မျက်စိနဲ့မြင်နိုင်သမျှ အဆီအားလုံးကို ဖယ်ရှားပြီး ကင်စားတာက အကောင်းဆုံးပါပဲ။ ဝက်ကလီစာကိုတော့ လုံးဝမစားဘဲ ရှောင်ကြဉ်သင့်ပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

မှ အချက်အလက် စစ်ဆေးထားပါသည်။

Dr. Thurein Hlaing Win


Dr. Ye Mhan Linn မှ ရေးသားသည်။ · 21/03/2022 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement