အသက် ၄၀ ပြည့်သောအခါလေ့ကျင့်ခန်းပြုလုပ်ခြင်းကိုမဖြစ်မနေစတင်သင့်ပုံ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 2 mins read
Share now

အသက်(၄၀)ဟူသောဘဝမှတ်တိုင်သည် များစွာသောကျန်းမာရေးပြဿနာများဖြစ်နိုင်ချေရှိလာခြင်းကိုပြသနေသည်။ ကျွမ်ကျင်သူများက( ၄၀)ပြည့်နှစ်မွေးနေ့သည် သင့်ကျန်းမာရေးကို ကိုယ်တိုင်စစ်ဆေး အကဲဖြတ်ရန်အကောင်းဆုံးအချိန်ဟုဆိုကြသည်။ လူများစွာတို့ သည်များပြားသောအလုပ်တာဝန်များ၊အသက်အရွယ်ရလာသောမိဘများ၊ရင်သွေးငယ်များစသည်တို့နှင့် မအားလပ်နိုင်ကြသည့်အတွက်ကျန်းမာရေးကိုဘေးချန်ထားမိတတ်ကြသည်။ သို့သော်အသက် (၄၀)ဟူသောကာလသည်သင်နေထိုင်ကောင်းမှုကိုဆန်းစစ်ရန်နှင့်ရေရှည်အတွက်အစီအစဉ်ဆွဲရန်ကာလတစ်ခုဖြစ်ပါသည်။

အမြင်အာရုံနှင့်ပတ်သက်သောပြဿနာများအတွက်သတိရှိပါ

အသက်(၄၀)အရွယ်တွင် အမြင်အာရုံပိုင်းအားနည်းစပြုလာသည့်အတွက်သင်၏မျက်လုံးကိုစစ်ဆေးရန်လိုအပ်လာသည်။ သင့်အနေနှင့်ဆေးပုလင်းများနှင့် အခြားသောအရာများပေါ်တွင်ရေးသားထားသောအညွှန်းများကို ဖတ်နိုင်ရမည်။ သင့်မှာစာကြည့်မျက်မှန်လည်းမရှိ၊စာလုံးသေးသေးလေးများကိုလည်းမမြင်နိုင်ဟုဆိုလျှင်အရေးကြီးသောအချက်များကိုသင်မသိလိုက်ဘဲဖြစ်သွားနိုင်သည်။

သက်ကြီးရွယ်အိုများတွင် မျက်စိကွယ်ရခြင်း၏အဓိက အကြောင်းရင်းတစ်ရပ်မှာMacular Degeneration ဟုခေါ်သောမြင်လွှာနောက်ခံသားပျက်စီးသည့်ရောဂါဖြစ်ပါသည်။ အသက်(၄၀) ကျော်ပြီးသူများ၏၉.၁သန်းခန့်တွင်ထိုရောဂါခံစားနေရသည်ဟုဆိုသည်။

နေကာမျက်မှန်တပ်ခြင်းကလည်း ကာကွယ်မှုထပ်မံရရှိနိုင်သည်။ နေရောင်ခြည်ကိုထိတွေ့မှုများလျှင် အတွင်းတိမ်ရောဂါဖြစ်စေနိုင်သည့်အတွက်နေကာမျက်မှန် တပ်ခြင်းသည်ကောင်းသောစိတ်ကူးဖြစ်သည်။ ထိုမျက်မှန်ကို ရွေးချယ်သည့်အခါခရမ်းလွန်ရောင်ခြည်အေနှင့်ဘီကိုကာကွယ်နိုင်သောအမျိုးအစားကိုရွေးပါ။

သင်နှင့်ပတ်သက်သောကိန်းဂဏန်းတန်ဖိုးတချို့ကိုသိအောင်လုပ်ပါ

အသက်(၄၀) အရွယ်တွင်သင်၏သွေးပေါင်ချိန်၊သွေးတွင်း အဆီဓါတ်ကိုလက်စထရော၊သွေးတွင်းသကြားဓါတ်နှင့် ကိုယ်အလေးချိန်စသည်တို့၏တန်ဖိုးကိုသင်ကိုယ်တိုင်သိအောင်လုပ်ရမည်။ မိမိ၏ကိုလက်စထရောပမာဏကိုသိရှိနေရန်လိုအပ်ပြီးယခင်က မစစ်ဆေးဖူးပါကအသက်(၄၀)အရွယ်တွင်စစ်ဆေးမှုပြုလုပ်သင့်ပါသည်။

နီးစပ်ရာဆေးခန်းတွင် သွေးပေါင်ချိန်တိုင်းခြင်း၊ဆရာဝန်နှင့်တိုင်ပင်၍သွေးတွင်း သကြားဓါတ်(ဆီးချိုရောဂါရှိ/မရှိ)တို့ကိုစစ်ဆေးသင့်သည်။ ထို တန်ဖိုးများကိုသိရှိခြင်းဖြင့်သင်ရောသင့်ဆရာဝန်ကပါတိမ်မြုပ်နေသောရောဂါတစ်ခုခုကိုတွေ့ရှိနိုင်သည်။

ကြွက်သားလေ့ကျင့်ခန်းများပြုလုပ်ပါ

အသက်(၄၀)အရွယ်မှစ၍၊၁နှစ်လျှင် ကြွက်သား၁%ခန့်ဆုံးရှုံးသွားသည်။ ထို့ကြောင့်အလေးမသောလေ့ကျင့်ခန်းများကိုနှလုံးကျန်းမာရေးဆိုင်ရာ ကာဒီယိုလေ့ကျင့်ခန်းများနှင့်တွဲဖက်၍တစ်ပတ်စာလေ့ကျင့်မှုအစီအစဉ်ဆွဲ၍အားထုတ်မည်ဆိုလျှင် အကျိုးကျေးဇူးများရရှိနိုင်ပါသည်။ အသက်အရွယ်ရလာလေလေ

ကိုယ်ခန္ဓါ၏ပျော့ပြောင်းမှုလည်းနည်းပါးလာလေဖြစ်သည်။ သင်နေ့စဉ်လေ့ကျင့်ခန်းများတွင်ယောဂကျင့်စဉ်နှင့် ခန္ဓါကိုယ်ဟန်ချက်လေ့ကျင့်ခန်းများ(Pilates)တို့ကိုပါ ထည့်သွင်းပြုလုပ်ပါ။ ထိုလေ့ကျင့်မှုများကသင့်ကိုယ်ခန္ဓါ၏ ကွေးဆန့်စွမ်းရည်၊ကိုယ်ခန္ဓါအတွင်းပိုင်းစွမ်းအား၊ဟန်ချက်ညီမှုနှင့်လှုပ်ရှားနိုင်မှုတို့ကိုတိုးတက်ကောင်းမွန်စေသည်။

အမျှင်ဓါတ်များများစားပါ

အစားအများကြီး စားသော်လည်းကိုယ်အလေးချိန်မတက်သောနေ့ရက်များကကုန်ဆုံးသွားပြီဖြစ်ပါသည်။ အသက်(၄၀)အရွယ်တွင်သင်ခန္ဓါကိုယ်၏ ဇီဝကမ္မဖြစ်စဉ်များကနှေးကွေးလာသည့်အတွက် ကယ်လိုရီနည်းနည်းစားမှသာကျန်းမာရေးနှင့်ညီညွှတ်နိုင်သည်။ သို့သော်လည်းလုံလောက်သော အမျှင်ဓါတ်ပမာဏကိုစားသုံးပေးဖို့နှင့်ရေများများသောက်ဖို့သတိရပါ။

ထိခိုက်ဒဏ်ရာနှင့်အဆစ်အမြစ်နာကျင်မှုများမဖြစ်အောင်ဂရုစိုက်ပါ

အသက်အရွယ်ရလာသောအခါ ကျွန်ုပ်တို့၏ကြွက်သားများနှင့်တွယ်ဆက်ထားသောအရွတ်များတောင့်တင်းလာသည့်အတွက်ဒဏ်ရာရရန်ပို၍လွယ်ကူလာသည်။ လေ့ကျင့်ခန်းပုံမှန်ပြုလုပ်သောအခါ အဆစ်အမြစ်များပတ်ပတ်လည်ရှိကြွက်သားများသန်မာလာသည့်အတွက်ဒဏ်ရာရနိုင်ချေနည်းသွားသည်။ ထို့ပြင် အဆစ်အမြစ်နာကျင်ကိုက်ခဲမှုကိုလည်းသက်သာစေပါသည်။

အရိုးကျန်းမာရေးဂရုပြုပါ

အသက်ကြီးလာသောအခါ အရိုးများပါးလာခြင်း၊ပွလာခြင်းတို့ဖြစ်လာသည်။ အရိုး သိပ်သည်းဆကိုထိန်းထားနိုင်ရန်အလေးမလေ့ကျင့်ခန်းနှင့် တွန်းကန်လေ့ကျင့်ခန်းများကိုပြုလုပ်ပေးရမည်။ လုပ်နေကျအလေးမလေ့ကျင့်ခန်းများသည်စက်နှင့်တွဲဖက်လေ့ကျင့်ရသည်။ ခန္ဓါကိုယ်တစ်ခုလုံးပါဝင်စေရန်စက်မပါဘဲ အလေးမတုံးသက်သက်ဖြင့်လေ့ကျင့်ခြင်း၊တွန်းကန်နိုင်သော သားရေပြားများနှင့်လေ့ကျင့်ခြင်းတို့ကိုပြုလုပ်ပေးပါ။ အောက်ပိုင်းထိုင်သောလေ့ကျင့်ခန်းများ၊ရှေ့တိုး နောက်ဆုတ်လေ့ကျင့်ခန်းများ၊ပခုံးနှင့် လက်မောင်းအရှေ့သားလေ့ကျင့်ခန်းတို့ဖြစ်ကြသည်။ ထိုလေ့ကျင့်မှုများသည်သင်နေ့စဉ်ဘဝတွင်ပြုလုပ်ရသောလှုပ်ရှားမှုများ(ဥပမာ- သေတ္တာမခြင်း၊လှေကားတက်ခြင်း)တို့နှင့်လည်းတူညီပါသည်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အသက်ကြီးပေမယ့်လည်း ကိုယ်ခံအား ကောင်းစေဖို့

အသက်ကြီးပေမယ့်လည်း ကိုယ်ခံအား ကောင်းစေဖို့ ဘယ်လိုနေထိုင် စားသောက်ရမလဲ။ ဘာတွေကို ဂရုစိုက်ရမလဲ သိပြီးပြီလား။ မသိသေးဘူးဆိုရင်တော့.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ထင်သလောက်မစွမ်း တော့ဘူးလား ကိုယ့်လူ

အမျိုးသားတွေဟာ သူတို့ရဲ့ လိင်မှုစွမ်းဆောင်ရည် အားနည်းနေပြီ၊ ကျဆင်းလာနေပြီဆိုတာကို ထုတ်ပြောဖို့ သပ်ပြီး တွန့်ဆုတ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အားကစားလုပ်ရင်း ဖြစ်နိုင်တဲ့ ထိခိုက်မှုတွေ

အားကစားလုပ်တာက ကျန်းမာရေးအတွက် ကောင်းတယ်ဆိုပေမယ့် အားကစားလုပ်ရင်း မတော်တဆ ထိခိုက်တာတွေ မဖြစ်စေဖို့ သေချာလေး ဂရုစိုက်သင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အစားအသောက်ကတစ်ဆင့် ကူးစက်နိုင်တဲ့ ရောဂါတွေ က သင်ထင်တာထက် ပိုဆိုးနေပြီလား

အစားအသောက်ကနေ  ပိုးကူးစက်ပြီး အစာအဆိပ်သင့်တာက အဖြစ်များပါတယ်။ ဝယ်ယူတာကစပြီး စားတာအထိ သန့်သန့်ရှင်းရှင်း လုပ်မယ်ဆိုရင် ပိုးကူးစက်မှုကို လျှော့ချနိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

home-remedies-for-eye-allergies မျက်လုံး ဓာတ်မတည့်မှု

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားတွေ စားပေးရမယ့် အထူးအစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
သန်စွမ်းကြံ့ခိုင်စေမည့် လေ့ကျင့်ခန်းများ

သန်စွမ်းကြံ့ခိုင်စေမည့် လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 5, 2021 . 3 mins read