အဓိပ္ပါယ်ဖွင့်ဆိုချက်
Arterial Thrombosis (သွေးလွှတ်ကြောအတွင်း သွေးခဲပိတ်ဆို့ခြင်း) ကဘာလဲ။
သွေးလွှတ်ကြောဆိုတာ သွေးများကို နှလုံးဆီကနေ ကိုယ်ခန္ဓါအစိတ်အပိုင်းတွေနဲ့ နှလုံးရဲ့ကြွက်သားဆီ သယ်ဆောင်ပေးတဲ့ သွေးကြောတွေပဲဖြစ်ပါတယ်။ သွေးလွှတ်ကြောအတွင်း သွေးခဲပိတ်ဆို့ခြင်းဟာ သွေးခဲကြောင့်ဖြစ်ပေါ်ပြီး အရေးကြီးတဲ့ အင်္ဂါအစိတ်အပိုင်းတွေဆီ သွေးရောက်ရှိမှု ရပ်တန့်စေတာကြောင့် အလွန်ဆိုးရွားတဲ့ ပြသနာဖြစ်ပါတယ်။
Arterial Thrombosis (သွေးလွှတ်ကြောအတွင်း သွေးခဲပိတ်ဆို့ခြင်း) က ဘယ်လောက်အဖြစ်များသလဲ
ပိုသိရအောင် ဆရာဝန်နဲ့ တိုင်ပင်ဆွေးနွေးပါ။
လက္ခဏာများ
Arterial Thrombosis (သွေးလွှတ်ကြောအတွင်း သွေးခဲပိတ်ဆို့ခြင်း) ရဲ့လက္ခဏာတွေကဘာတွေလဲ
သွေးခဲဟာ သွေးစီးဆင်းမှုကို မပိတ်ဆို့သရွေ့ လက္ခဏာ မပြပါဘူး။
ပိတ်ဆို့ပြီဆိုရင် အောက်ပါလက္ခဏာတွေ ပြသပါတယ်။
- နှလုံးထိခိုက်ခြင်း။ နှလုံးကြွက်သားဆီသွားတဲ့ သွေးစီးဆင်းမှု ရုတ်တရက် ရပ်တန့်သွားရင် ရင်ဘတ်အောင့်ခြင်း၊ အသက်ရှူကြပ်ခြင်း၊ မူးခြင်း ဖြစ်ပေါ်ပြီး ဦးနှောက်ကိုသွားတဲ့ သွေးစီးဆင်းမှု ပိတ်ဆို့ရင်တော့ လေဖြတ်နိုင်ပြီး မျက်နှာတဖက် ဆွဲသွားခြင်း၊ လက်တဖက်အားနည်းခြင်း၊ စကားမပီခြင်း စတာတွေ ဖြစ်တတ်ပါတယ်။
- ယာယီသွေးစီးဆင်းမဲပြတ်တောက်ခြင်းဟာ လေဖြတ်မှု အသေးစားဖြစ်ပြီး ဦးနှောက်ကိုသွားတဲ့ သွေးကြော ယာယီပိတ်ဆို့သွားတာကြောင့် ဖြစ်တတ်ပါတယ်။
- ခြေ၊လက် သွေးစီးမှုပြတ်တောက်ခြင်း။ ခြေလက်တွေကို သွေးစီးဆင်းမှုပြတ်တောက်တဲ့အခါ နာကျင်ခြင်း၊ အရောင်ပြောင်းခြင်း၊ အေးစက်ခြင်း စတာတွေ ဖြစ်ပေါ်ပါတယ်။
- အဲဒီအခြေအနေတွေဟာ အရေးပေါ် အခြေအနေတွေဖြစ်ပါတယ်။ သင်ဖြစ်စေ၊ ပတ်ဝန်းကျင်မှာဖြစ်စေ ဒီလက္ခဏာတွေ ကြုံရရင် ဆေးရုံဆေးခန်း ချက်ချင်းပြသပါ။
အထက်ပါဖော်ပြချက်တွေမှာ မပါသေးတဲ့ လက္ခဏာတွေလည်း ရှိနေနိုင်ပါသေးတယ်။ လက္ခဏာ တခုခုနဲ့ ပတ်သက်လို့ စိုးရိမ်မှုရှိရင် ဆရာဝန်နဲ့ တိုင်ပင်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။