အာသီးကျောက်တည်တယ် ဆိုတာ ဘာလဲ.......

အာသီးကျောက်တည်တယ် ဆိုတာ

အာသီးကျောက်တည်တယ် ဆိုတာ က အပေါ်မှာ ပြောခဲ့သလို အာခေါင် နောက်ဖက်ကနေ ထွက်လာတဲ့ အဖြူရောင် အခဲလေးတွေပါ။ ဝါကျင့်ကျင့် အရောင်လည်း ဖြစ်နိုင်ပါတယ်။ ခပ်မာမာလေးဖြစ်ပြီး အနံ့ကတော့ တော်တော်လေး ဆိုးပါတယ်။ အကြောင်းကတော့ ဒါတွေက အာသီးလေးမှာ ကပ်ညှိနေတဲ့ ဘက်တီးရီးယားတွေနဲ့ အညစ်အကြေးတွေ စုမိတာမျိုးပါ။

အာသီးက လည်ချောင်းနောက်ဘက်မှာ ရှိတဲ့ ဂလင်းလိုမျိုး အစိတ်အပိုင်းလေးတွေပါ။ လည်ပင်း တစ်ဖက်တစ်ချက်စီမှာ ရှိပါတယ်။  အာသီးတွေကို ပြန်ရည်ကျိတ်တွေ၊ တစ်ရှူးတွေနဲ့ ဖွဲ့စည်းထားတာပါ။ ဒီဆဲလ်တွေက ကူးစက်နိုင်တဲ့ ရောဂါပိုးတွေကို ကာကွယ်ခုခံမှုတွေ လုပ်ဆောင်ပေးပါတယ်။

ဒါပေမယ့် အာသီးလေးတွေက အမြဲလိုလိုတော့ သူတို့ရဲ့ တာဝန်တွေကို အကောင်းမွန်ဆုံး မလုပ်ဆောင်နိုင်ပါဘူး။ အချို့သူတွေမှာတော့ အာသီးတွေက ကူညီမပေးဘဲ ထိခိုက်စေတာမျိုးတွေ ရှိပါတယ်။ ဒါကြောင့်လည်း အာသီးတွေကို ဘက်တီးရီးယားတွေနဲ့ ဗိုင်းရပ်စ်တွေ ကူးစက်မှုကနေ ကာကွယ်ဖို့အတွက် အာသီးတွေကို ဖယ်ထုတ်ထားတာမျိုးတွေ လုပ်ဆောင်ထားကြပါ။

ဘာကြောင့် အာသီးကျောက်တည်တာ ဖြစ်ရတာလဲ…….

အာသီးကျောက် ရှိနေရင် ဘယ်လို လက္ခဏာတွေ ရှိလဲ……..

အာသီးကျောက်တွေ ဆိုတဲ့နေရာမှာ ခပ်သေးသေးဆိုရင် လက္ခဏာရယ်လို့ တိတိကျကျ မသိရပေမယ့် အရမ်းကြီးလာပြီဆိုရင်တော့ အခုလို လက္ခဏာလေးတွေ ခံစားရနိုင်ပါတယ်။

• ခံတွင်းနံ့ဆိုးမယ် 

အာသီးကျောက်တွေ ရဲ့ အမြင်သာဆုံး လက္ခဏာတစ်ခုကတော့ ခံတွင်းနံ့ဆိုးတာပါ။ ခံတွင်းနံ့ အတော်လေးဆိုးတာက အာသီးကျောက်တွေ ရှိနေတာပါ။ ဒီလို ရှိနေတာနဲ့အတူ အာသီးမှာ ပိုးဝင်နေတာပါ။

• လည်ချောင်းနာမယ်

အာသီးကျောက်တွေက မာလာမယ် အရမ်းများလာမယ်ဆိုရင် လည်ချောင်းနာတာကို ခံစားရနိုင်ပါတယ်။ အာသီးကျောက်တွေ ရှိနေတာက လည်ချောင်းကို သက်သောင့်သက်သာ မဖြစ်တာမျိုး ခံစားရနိုင်ပါတယ်။

• ချောင်းဆိုးမယ်

အာသီးကျောက်တွေက လည်ချောင်းမှာ ကသိကအောင့် ဖြစ်စေတာကြောင့် ချောင်းဆိုးတာမျိုး ခံစားရနိုင်ပါတယ်။

• အဖြူရောင် အဖတ်လေးတွေ ထွက်မယ်

အဖြူရောင် အခဲလေးတွေ ထွက်တာကလည်း အာသီးကျောက်တွေ ရှိနေတယ်ဆိုတဲ့ လက္ခဏာ တစ်ရပ်ပါ။

• မျိုချရခက်မယ်

အာသီးကျောက်တွေ ရှိနေတဲ့နေရာ၊ အရွယ်အစားတွေကို လိုက်ပြီးဖြစ်ဖြစ် အာသီးကျောက်တွေ က မာနေရင်ဖြစ်ဖြစ် လည်ချောင်းထဲမှာ အစာ မျိုချရခက်တာမျိုး ခံစားရနိုင်ပါတယ်။

• နားနာမယ်

အာသီးကျောက်တွေက ဘယ်နေရာမှာ မဆိုဖြစ်နိုင်ပါတယ်။ ဒါပေမယ့် အာရုံကြောလမ်းကြောင်းပေါ်မှာ ဖြစ်မယ်ဆိုရင်တော့ နားနာတာမျိုး ခံစားရနိုင်ပါတယ်။

• အာသီးရောင်မယ်

အာသီးကျောက်တွေ များလာတာက ရောင်ရမ်းတာ၊ ပိုးဝင်တာတွေ ဖြစ်ပြီး အာသီးရောင်တာကို ခံစားရစေနိုင်ပါတယ်။