ဆေးလိပ်သောက်တာက သွေးကြောတွေကို ကျဉ်းစေပြီး သွေးထဲက nitric oxide ပမာဏကို ကျဆင်းစေနိုင်ပါတယ်။ ဒီလို ကျဆင်းမှုက လိင်တံဆီကို သွေးစီးဆင်းရောက်ရှိမှု နည်းစေပြီး လိင်တံ မထောင်မတ်နိုင်တာမျိုး ဖြစ်စေနိုင်ပါတယ်။
နေ့စဉ် ကိုယ်လက်လှုပ်ရှားမှု လုပ်ပေးပါ။ ဒီလို လုပ်ပေးတာက သွေးစီးဆင်းမှု ကောင်းစေပြီး ပန်းသေပန်းညှိုး မဖြစ်စေဖို့ ထိထိရောက်ရောက် ကာကွယ်ပေးနိုင်ပါတယ်။
ညဘက်တိုင်းမှာ ပြည့်ဝတဲ့ အိပ်စက်ချိန်ရှိအောင် ထားပေးပါ။ ဒီလိုပြောရတာက အိပ်ရေးဝတဲ့ အမျိုးသားတွေက ပန်းသေပန်းညှိုး ဖြစ်နိုင်ခြေ နည်းကြလို့ပါပဲ။
စိတ်ဖိစီးမှုက လိင်တံထောင်မတ်နိုင်စွမ်းကို ထိခိုက်စေနိုင်ပါတယ်။ လေ့ကျင့်ခန်းလုပ်တာ၊ တရားထိုင်တာ၊ စိတ်ပျော်ရွှင်စေမယ့် အရာတွေကို လုပ်ဆောင်ပြီး စိတ်ဖိစီးမှုကို လျှော့ချပေးပါ။
စိုးရိမ်စိတ် များနေတာမျိုး၊ စိတ်ဓာတ်ကျတာမျိုး ဖြစ်နေမယ်ဆိုရင် ကုထုံးပညာရှင်တွေနဲ့ ပြသတာမျိုး လုပ်ဆောင်ဖို့ လိုပါမယ်။
ကဲ ….. ဆီးချိုရှိပေမယ့် ပန်းသေပန်းညှိုး မဖြစ်အောင် အခုပြောပြခဲ့တဲ့ နည်းလမ်းလေးတွေကို လိုက်နာလုပ်ဆောင်ပြီး ကာကွယ်လိုက်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။