ဆူရှီက ကျန်းမာရေးအတွက် ဘယ်လို အကျိုးသက်ရောက်မှုတွေ ရှိတယ်ဆိုတဲ့အကြောင်း ကောင်းကျိုးရော၊ ဆိုးကျိုးတွေပါ ဖော်ပြပေးပြီးပြီမို့ ဒီတစ်ခါမှာတော့ ကျန်းမာရေးနဲ့ ပိုပြီး ညီညွတ်အောင် ဘယ်ဆူရှီတွေကို ဘယ်လို စားကြမလဲဆိုတဲ့အကြောင်း ဆက်ပြီး လေ့လာကြည့်ကြရအောင်။
ဆူရှီက ကျန်းမာရေးအတွက် ဘယ်လို အကျိုးသက်ရောက်မှုတွေ ရှိတယ်ဆိုတဲ့အကြောင်း ကောင်းကျိုးရော၊ ဆိုးကျိုးတွေပါ ဖော်ပြပေးပြီးပြီမို့ ဒီတစ်ခါမှာတော့ ကျန်းမာရေးနဲ့ ပိုပြီး ညီညွတ်အောင် ဘယ်ဆူရှီတွေကို ဘယ်လို စားကြမလဲဆိုတဲ့အကြောင်း ဆက်ပြီး လေ့လာကြည့်ကြရအောင်။
Salmon နဲ့ Tuna တို့လို ငါးတွေ ပါဝင်တဲ့ Nigiri Sushi နဲ့ Maki Suhi ဟာ ကျန်းမာရေးအတွက် ကောင်းပါတယ်။ ဒါပေမဲ့ အပေါ်က ဆော့စ်တွေ၊ ချိစ်တွေ ထပ်ထည့်တာကတော့ ကယ်လိုရီနဲ့ အဆီဓာတ်ကို ပိုများစေပါတယ်။
ထောပတ်သီးတစ်မျိုးတည်း ဖြစ်စေ၊ သခွားသီး၊ မုန်လာဥနီ၊ မှို၊ ကြက်သွန် နဲ့ တိုဖူး တို့အပါအဝင် အခြား ဟင်းသီးဟင်းရွက်မျိုးစုံနဲ့ ဖြစ်စေ။ လိပ်ထားတဲ့ ဆူရှီတွေနဲ့ California Roll တို့လို ဆူရှီတွေကို ရွေးချယ်စားတာက ကျောက်ကပ်၊ နှလုံး နဲ့ အာရုံကြောတွေကို ပိုပြီး အားကောင်းစေသလို အမျှင်ဓာတ်လည်း လုံလုံလောက်လောက် ရစေတာမို့ အစာခြေစနစ်ကို ပိုကောင်းမွန်စေပါတယ်။
ဆူရှီစားတဲ့အခါ တွဲချပေးတဲ့ ချင်း (ဂျင်း) ကိုလည်း မဖြစ်မနေ စားစေချင်ပါတယ်နော်။ ဒီချင်းတွေက ငါးတချို့မှာ ပါတဲ့ ဘက်တီးရီးယားတွေကို ဖယ်ရှားပေးနိုင်ပြီး ခုခံအားကို ပို ကောင်းမွန်စေတယ်လေ။
အခြေခံအားဖြင့်တော့ ချိစ်ပါတဲ့ ဆူရှီတွေနဲ့ Tempura တွေကို ရှောင်တာ ကောင်းပါတယ်။
နောက်ပြီး တချို့ငါးတွေမှာ မာကျူရီ ပမာဏမြင့်မားစွာ ပါဝင်တာကြောင့် ကိုယ်ဝန်ဆောင်တွေ၊ သက်ကြီးပိုင်းတွေ၊ ကလေးငယ်တွေနဲ့ နို့တိုက်မိခင်တွေ၊ ခုခံအားနည်းသူတွေ ရှောင်သင့်တယ်လို့ သတ်မှတ်ထားတာမျိုးလည်း ရှိပါတယ်။ ဘယ်လို ငါးတွေလဲဆိုတော့ Swordfish (ဓားရှည်နှုတ်သီး ငါး)၊ ငါးမန်း၊ မာလင်ငါးစတဲ့ ငါးတွေပါ။ တစ်ခု သတိထားရမှာက မက်ကရယ်လ် ငါးတွေပါပဲ။ အတ္တလန်တစ် မက်ကရယ်လ် ငါးတွေဟာ နှလုံးကျန်းမာရေးအတွက် ကောင်းမွန်တဲ့ ပရိုတိန်း၊ အိုမီဂါ 3 နဲ့ အခြားသော အာဟာရဓာတ်တွေ ပါဝင်တယ်ဆိုပေမဲ့ King Mackerel တွေကတော့ မာကျူရီပမာဏ မြင့်မားစွာ ပါဝင်နိုင်ခြေ ရှိတာကြောင့် ရှောင်ရှားသင့်တယ်လို့ ဆိုပါတယ်။
ဆူရှီတွေကို အန္တရာယ်ကင်းကင်း စားသုံးပြီး ကျန်းမာသက်ရှည် နေနိုင်ကြပါစေ။
Wathun Myet Chal
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။