စိတ်ကင်ဆာ တွေ ရနေပြီ။ စိတ်ကင်ဆာတွေ ပေးနေတာပဲဆိုတာ ဆိုရှယ်မီဒီယာမှာ ခေတ်စားလာတဲ့ ဗန်းစကားတစ်ခုပါ။ စိတ်ကတော့ ကင်ဆာမဖြစ်တတ်ပါဘူး။ ဒါပေမယ့် ကင်ဆာလိုမျိုး ကိုယ်တွင်းအစိတ်အပိုင်းတွေကို ဖျက်ဆီးနိုင်တဲ့အတွက် အမွှမ်းတင်ပြီး စိတ်ကင်ဆာလို့ ခေါ်တာဖြစ်ပါတယ်။
စိတ်ကင်ဆာ တွေ ရနေပြီ။ စိတ်ကင်ဆာတွေ ပေးနေတာပဲဆိုတာ ဆိုရှယ်မီဒီယာမှာ ခေတ်စားလာတဲ့ ဗန်းစကားတစ်ခုပါ။ စိတ်ကတော့ ကင်ဆာမဖြစ်တတ်ပါဘူး။ ဒါပေမယ့် ကင်ဆာလိုမျိုး ကိုယ်တွင်းအစိတ်အပိုင်းတွေကို ဖျက်ဆီးနိုင်တဲ့အတွက် အမွှမ်းတင်ပြီး စိတ်ကင်ဆာလို့ ခေါ်တာဖြစ်ပါတယ်။
ကင်ဆာရောဂါက ခန္ဓာကိုယ်ကို ဖျက်ဆီးနေသလိုပဲ စိတ်ကင်ဆာကလည်း စိတ်ကို ဖျက်စီးနေပါတယ်။ ခန္ဓာကိုယ်ထဲက ဆဲလ်တွေက ကင်ဆာဆဲလ်အဖြစ်ပြောင်းလဲသွားသလို ကိုယ့်စိတ်တွေ၊ အတွေးတွေကလည်း ကိုယ့်ကို အဆိပ်ဖြစ်စေနေပါတယ်။
ဒီလို ကိုယ့်ကိုယ်ကို စိတ်ဒုက္ခတွေပေးရာကနေ စိတ်ကျတာ၊ စိုးရိမ်စိတ်များတာ၊ ဆေးစွဲ၊ အရက်စွဲတာ၊ အစားအသောက်မမှန်တာ၊ ကိုယ့်ကိုယ်ကို နာကျင်အောင် လုပ်တာတွေအထိ ဖြစ်လာပါတယ်။
စိတ်ကင်ဆာက ရုပ်ကင်ဆာလိုပဲ သတိမထားရင် လက္ခဏာတွေ ရှိမှန်း မသိနိုင်ပါဘူး။ ဒီအချက်တွေရှိနေရင် စိတ်ကင်ဆာဖြစ်ဖို့ အလားအလာများပါတယ်။
ပြောရရင်တော့ အများကြီးပါပဲ။ အများစု သိကြတဲ့ imposter syndromeတို့၊ people pleaser တို့ဆိုတာလည်း စိတ်ကင်ဆာတွေပါပဲ။
ကိုယ့်ရဲ့ စိတ်ထဲမှာ နတ်ဆိုးလေးရှိတယ်ဆိုတာ သိလား။ သူကလေ ကိုယ်ဘယ်လောက် အကောင်းလုပ်လုပ် အကောင်းမမြင်ဘူး။ “နင် ဒါလေးတောင် မလုပ်နိုင်ဘူးလား။ သူများတွေတော့ ဘာဖြစ်နေပြီ။ တော်တော် အသုံးမကျတာပဲ။ ကြည့် ကြည့် အမှားလုပ်ပြန်ပြီ” ဆိုပြီး ခဏခဏ အပြစ်တင်တတ်တဲ့ နတ်ဆိုးပါ။ ဒါကြောင့် ကြာလာတဲ့အခါ ကိုယ့်ကိုယ်ကို ယုံကြည်မှုတွေ ပျောက်ဆုံးပြီး မလုပ်ရသေးဘူး အရှုံးပေးချင်နေပါပြီ။
အသားက မည်းလို့၊ လူကဝလို့၊ ပုလို့ စတဲ့ စံနှုန်းတွေနဲ့ သတ်မှတ်ပြီး ကိုယ့်ကိုယ်ကို မကျေနပ်တာပါ။ ဘယ်လိုပဲ ရုပ်ဆိုတာ အပေါ်ယံအလှ၊ စိတ်ထားကောင်းဖို့က အဓိကဆိုပေမယ့် ကိုယ့်ရုပ်ရည်ကို မကျေနပ်နိုင်တဲ့ အခါကျတော့ ကိုယ့်ကိုယ်ကို ယုံကြည်မှု ပျောက်ဆုံးလာပါတယ်။ ပိုဆိုးတာက အစားတွေ ရှောင်လွန်းတာ၊ မကျန်းမာတဲ့ နည်းတွေနဲ့ အလွန်အကျွံ ဝိတ်ချပြီး ကိုယ့်ကိုယ်ကို ထိခိုက်အောင် လုပ်တာပါ။
သူများက ဘာလေးပဲ ပြောလိုက် ပြောလိုက် လိုက်ခံစားပြီး နာကျင်နေရတာပါ။ ဝေဖန်တာလား၊ မကောင်းတဲ့စိတ်နဲ့ ပြောနေတာလားဆိုတာကို မခွဲခြားနိုင်ဘဲ ကိုယ့်မှာပဲ ချို့ယွင်းချက်ရှိနေတယ်လို့ လက်ခံလိုက်တာမျိုးပါ။
ဘယ်လောက်ပဲ ရင်းနှီးရင်းနှီး စည်းတစ်ခု ထားထားသင့်ပါတယ်။ ဒါမှ သူများတွေ လာမစော်ကားမှာပါ။ သမီးရည်းစားအချင်းချင်းပဲဖြစ်ဖြစ်၊ မိသားစုတွင်းမှာပဲဖြစ်ဖြစ် ကိုယ့်ကိုယ်စိတ်ပိုင်းဆိုင်ရာ လာစော်ကားတာတွေကို လက်ခံမိနေတာမျိုးပါ။ ဥပမာ ‘ငါက ချစ်လို့ ပြောတာ’ ဆိုတဲ့ စကားတွေနဲ့ မကြာခဏ အနိုင်ကျင့်ခံရပြီး ကိုယ့်အခွင့်အရေးတွေ ဆုံးရှုံးနေတာမျိုးပေါ့။
တစ်ခါတလေကျတော့လည်း အပေါ်က အချက်တွေနဲ့ မဆိုင်ဘဲ ကိုယ့်ကိုယ်ကို စိတ်ဒုက္ခပေးနေတာလည်း ရှိပါတယ်။ အနိုင်ကျင့်တတ်တဲ့ exကို မပြတ်နိုင်တာမျိုး၊ အချိန်ဖြုန်းတာမကောင်းမှန်း သိပေမယ့် ပြီးမှ နောင်တရတာမျိုး၊ ကိုယ့်ကျန်းမာရေးအတွက် မကောင်းတဲ့ အပြုအမူတွေကို စွဲလမ်းနေတာမျိုးပေါ့။
တကယ်တော့ စိတ်ကင်ဆာဆိုတာက သူများ ဒါမှမဟုတ် ကိုယ့်စိတ်က ကိုယ့်ကို အနိုင်ကျင့်နေတာကို ခွင့်ပြုထားတာပါ။ ဒီကနေ ရုန်းထွက်ပြီး ကိုယ့်ကိုယ်ကို ရှင်သန်ရအောင်ပါ။
အရင်ဆုံး ကိုယ်တိုင် လုပ်နိုင်တဲ့ အချက်တွေကတော့
စိတ်ကင်ဆာတွေ သိပ်ဆိုးလာပြီး ထွက်ပေါက်ပိတ်နေတယ်လို့ ခံစားရရင်တော့ နှစ်သိမ့်ဆွေးနွေးပေးတဲ့ counseling ယူဖို့ လိုလာပါပြီ။ စိတ်ကင်ဆာကလည်း ရုပ်ကင်ဆာလိုပဲ ပြင်းထန်တယ်ဆိုတာ သတိထားသင့်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Htet Htet Zaw Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။