သင်ဟာ ကင်ဆာဝေဒနာခံစားနေရသူ ဖြစ်သွားတဲ့ အချက်က မိသားစုတွင်း ကဏ္ဍဆိုင်ရာ ပြောင်းလဲမှုတွေ ဖြစ်လာနိုင်ပါတယ်။ ကျန်းမာရေးစောင့်ရှောက်မှုပေးနေရသူ အဖြစ်ကနေ သင်ကိုယ်တိုင် စောင့်ရှောက်မှုခံယူရတဲ့အဖြစ်ကို အခြေအနေပြောင်းသွားနိုင်ပါတယ်။ အချို့ကိစ္စရပ်တွေမှာ ဒါဟာ အိမ်တွင်းရေး အခက်အခဲများ ဖြစ်စေကာ စိန်ခေါ်မှုတစ်ခုဖြစ်လာနိုင်ပါတယ်။
သင့် ကင်ဆာရောဂါနှင့် ကုသမှုကြောင့် သင့်ကလေးတွေမှာ အပြုအမူပိုင်းဆိုင်ရာ ပြောင်းလဲမှုအချို့ ရှိလာနိုင်ပါတယ်။ ငယ်ရွယ်တဲ့ကလေးတွေက မိဘကိုအရမ်းကပ်တာ (သို့) စိတ်လိုက်မာန်ပါလုပ်တာမျိုး ရှိနိုင်သလို ကလေးကြီး (သို့) ဆယ်ကျော်သက်တွေမှာတော့ စိတ်တိုစိတ်ဆတ်လာပြီး မိသားစုနဲ့ ရှောင်ဖယ်ဖယ်နေတာမျိုးတွေ ဖြစ်လာနိုင်ပါတယ်။
သင့်မိသားစုက သင့်ကို ဘယ်လို ထောက်ပံ့ပေးနိုင်သလဲ။
- တာဝန်တွေ မျှဝေခံစားနိုင်ပါတယ်။
ကင်ဆာက သင့်မိသားစုဘဝထဲကို ဝင်ရောက်လာတဲ့အခါ သင့်မိသားစုတွင်းမှာ တာဝန်တွေ အခန်းကဏ္ဍတွေ ပြောင်းလဲဖို့ လိုလာပါတယ်။ သင့်ကုသမှုကြောင့် သင်ဟာ အားအင်ကုန်ခမ်းကာ အချိန်မရှိတာမျိုးဖြစ်နိုင်သည်။ ထို့ကြောင့် သင့်မိသားစုဝင်များက အိမ်မှုကိစ္စလုပ်တာ (သို့) အပြင်ထွက် အလုပ်လုပ်တာမျိုးကို တာဝန်ယူလုပ်ကိုင်ဖို့ အရေးကြီးပါတယ်။
ဒီပြဿနာသည် ပိုက်ဆံရှာသူ၊ အိမ်ထောင်မှုထိန်းသိမ်းသူ၊ ကလေးစောင့်ရှောက်သူ (သို့) သက်ကြီးရွယ်အိုမိဘတွေကို စောင့်ရှောက်နေရသူများကို အဓိက ထိခိုက်နိုင်ပါတယ်။ ထိုအချိန်မျိုးတွင် သင်သည် သင့်ကလေးများကို အိမ်မှုကိစ္စ ဝိုင်းကူလုပ်ဖို့ သင်ကြားပေးရမည်။ ထိုသို့ ဝိုင်းကူညီခြင်းဖြင့် ကလေးများသည် မိသားစုအခြေအနေကို အတွင်းကျကျ နားလည်ကာ သူများတွေနှင့် ဘယ်လိုမျှဝေခံစားရသလဲ ဆိုတာကိုလည်း သိတတ်လာပါလိမ့်မည်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။