ဘေဘီလေးတို့အတွက် အကောင်းဆုံးသောက်စရာ နို့
ကလေးတွေက ကြီးထွားဖွံ့ဖြိုးဖို့ အရှိန်ယူနေတာဖြစ်ပြီး ဒီကာလမှာ အာဟာရပြည့်ဝမှုက တော်တော်လေး အရေးပါတာပါ။ ကလေးကို အသက် ၁ နှစ် ကနေ ၂ နှစ်အတွင်းမှာ အာဟာရပြည့်ဝတဲ့နို့ကို သေချာလေး တိုက်ကျွေးဖို့ လိုပါမယ်။ ကလေးက နို့သကြားဓာတ် မစုပ်ယူနိုင်တဲ့ ပြဿနာ (lactose intolerance) ရှိမယ်ဆိုရင်တော့ ဆိတ်နို့ တိုက်ပေးလို့ ရပါတယ်။
ကလေးကို နို့တိုက်ရမယ်ဆိုတာကြောင့် အာဟာရပြည့်ဝအောင်ဆိုပြီး ပဲနို့၊ မုယောအားဖြည့်သောက်စရာတွေကိုတော့ မတိုက်စေချင်ပါဘူး။ ဒါတွေက အာဟာရ ပါဝင်မှုထက် သကြားပါဝင်မှု ပိုများနေတာကြောင့် ကလေးကို ချောင်းဆိုးတာကစလို့ သွားပိုးစားတာ၊ အဝလွန်တာလိုမျိုး ကျန်းမာရေး ပြဿနာတွေဖြစ်စေနိုင်ပါတယ်။
အသက် ၁ နှစ်ကျော် ကလေးတစ်ယောက်ကို နေ့စဉ် အာဟာရပြည့်ဝတဲ့ နို့ ၅၀၀ မီလီလီတာ တိုက်ကျွေးပေးရပါမယ်။ ဒါမှလည်း ကလေးက အရိုးနဲ့ ကြွက်သားတွေ အကောင်းဆုံး ဖွံ့ဖြိုးမှာပါ။
ကလေးငယ်ငယ် သစ်သီးဖျော်ရည် မတိုက်ပါနဲ့ ပြောရတဲ့ အကြောင်းအရင်း
သစ်သီးဖျော်ရည်တွေက ဗီတာမင် C ကြွယ်ဝတာမှန်ပေမယ့် ကလေးအတွက် အရေးပါတဲ့ အာဟာရဓာတ်တစ်မျိုးဖြစ်တဲ့ အမျှင်ဓာတ် မပါဝင်ပါဘူး။ သစ်သီးဖျော်ရည်က ၁၀၀ ရာခိုင်နှုန်း အသီးဖျော်ရည် ဆိုရင်တောင်မှ အချိုပါဝင်မှုက မြင့်ပါတယ်။ ဒီလို အချိုများတဲ့ အစားအစာတွေက ကလေးကို အဝလွန်စေတာ၊ သွားပျက်စီးတာတွေ ဖြစ်စေနိုင်ပါတယ်။
ဒါကြောင့် ကလေးကို သစ်သီးဖျော်ရည်တိုက်ချင်တယ်ဆိုရင် ကိုယ်တိုင်သေချာ အသီးစစ်စစ်ကို ကြိတ်ဖျော်ပေးပါ။ သကြားလုံးဝ မထည့်ပါနဲ့။ ဒီ အသီးစစ်စစ် ဖျော်ရည်ကိုလည်း ကလေးကို ၁၂၀ မီလီလီတာကနေ ၁၈၀ မီလီလီတာလောက်ပဲ တိုက်ပါ။ အသီးဖျော်ရည်ထက် အသီးကို စားတာက အာဟာရပိုပြည့်ဝသလို ကလေးရဲ့ သွားနဲ့ မေးရိုးတွေ သန်စွမ်းအောင် လေ့ကျင့်ပြီးသား ဖြစ်သွားပါတယ်။
ကလေးကို ငယ်စဉ်ကတည်းက ရေသောက်တတ်အောင်၊ အချိုများတာတွေကို သိပ်မစားဖြစ်အောင် သေချာလေး ဂရုစိုက်ပေးတာက ကလေးကို ကျန်းမာပျော်ရွှင်စွာ ကြီးပြင်းလာစေမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။