၂၄ နာရီအတွင်း ၇ အောင်စ (၂၀၀ ဂရမ်) ထက် ပိုပြီး ဝမ်းသွားရင် ဝမ်းပျက်တယ်လို့ သတ်မှတ်နိုင်ပါတယ်။ လက်တို့စ် မချေဖျက်နိုင်ခြင်းကြောင့် အူမကြီးထဲမှာ ရေပမာဏများလာပါတယ်။ အကျိုးဆက်အနေနဲ့ အရည်ဝမ်းသွားနိုင်ပါတယ်။ ဒီပြဿနာကို ကလေးတွေမှာ ပိုတွေ့ရတတ်ပါတယ်။
ယေဘုယျအားဖြင့် အူမကြီးထဲမှာ ကာဘိုဟိုက်ဒရိတ် ၁.၆ အောင်စ (၄၅ ဂရမ်) ထက် ပိုမိုပါဝင်ရင် ဝမ်းပျက်တတ်ပါတယ်။ လက်တို့စ်အတွက်ဆိုရင် ဒီပမာဏဟာ နွားနို့ ၇၅၀ မီလီလီတာကနေ တလီတာထိနဲ့ ညီမျှပါတယ်။
အူမကြီးထဲရောက်သွားတဲ့ လက်တို့စ်များ အချဉ်ပေါက်သွားတဲ့အခါ ဟိုက်ဒရိုဂျင်၊ မီသိန်းနဲ့ ကာဗွန်ဒိုင်အောက်ဆိုဒ် ဓာတ်ငွေ့တွေ ထွက်လာပါတယ်။
အဆိုပါ ဓာတ်ငွေ့တွေ ထွက်ပေါ်လာတဲ့ပမာဏဟာ လူတစ်ဦးနဲ့ တစ်ဦး ကွာခြားပါတယ်။ အူမကြီးထဲက ဘက်တီးရီးယားပမာဏ၊ အူမကြီးကနေ ဓာတ်ငွေ့များကို ပြန်လည်စုပ်ယူနိုင်တဲ့ပမာဏ စတာတွေအပေါ် မူတည်ပါတယ်။ အဆိုပါဓာတ်ငွေ့များကြောင့် ဝမ်းဗိုက်ဟာ ဖောင်းတင်းနေတတ်ပါတယ်။ လေလည်ရင်တော့ အနံ့မထွက်တတ်ပါဘူး။ လေလည်ရင်ထွက်တဲ့အနံ့ဟာ ပရိုတိန်းကို ဖြိုခွဲရာကနေ ထွက်ပေါ်ခြင်း ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။