Probiotics နဲ့ Prebiotics ဘာကွာလဲ........

Probiotics နဲ့ Prebiotics ဆိုတဲ့ စကားလုံးလေး နှစ်လုံးက သိပ်မကွာလှပေမယ့် တူလားဆိုတော့ မတူပါဘူး။ လူတစ်ယောက်ကျန်းမာဖို့ လိုအပ်တဲ့ပုံစံချင်းကတော့ သိပ်မကွာပါဘူး။ သူတို့နှစ်ခုက တစ်ခုနဲ့တစ်ခု ကိုင်းကျွန်းမှီ ကျွန်းကိုင်းမှီဆိုရင် ပိုမှန်မှာပါ။ ဒီတစ်ခေါက်တော့ သူတို့ နှစ်ခုဘာကွာနေလဲဆိုတာကို ပြောပြပေးပါမယ်။

Probiotics နဲ့ Prebiotics ဘာကွာလဲ……..

Probiotics နဲ့ Prebiotics နှစ်မျိုးစလုံးက ကျန်းမာရေးအတွက် အရေးကြီးပါတယ်။ ဒါပေမယ့် သူတို့တစ်ခုချင်းစီရဲ့ အခန်းကဏ္ဍကတော့ မတူပါဘူး။

Probiotics (အကျိုးပြုဘက်တီးရီးယား) ဆိုတာက

Probiotics ဆိုတာက အစာခြေစနစ် (အထူးသဖြင့် အူမကြီး) ထဲမှာရှင်သန်နေပြီး အစာခြေစနစ် ကျန်းမာစေဖို့လုပ်ဆောင်ပေးပါတယ်။ အစားအစာတွေနဲ့ဖြည့်စွက်စာတွေမှာပါဝင်နေတဲ့ သက်ရှိဘက်တီးရီးယားလေးတွေပါ။

Prebiotics (အကျိုးပြုဘက်တီးရီးယား အာဟာရ) ဆိုတာက

လူ့အစာခြေစနစ်က မချေဖျက်နိုင်တဲ့ အမျှင်ဓာတ်တစ်မျိုးပါ။ အစာခြေစနစ်တလျှောက်မှာရှိတဲ့ အကျိုးပြုဘက်တီးရီးယားတွေကိုအကောင်းဆုံး အာဟာရဖြည့်ပေးပါတယ်။

Probiotics နဲ့ Prebiotics ခန္ဓာကိုယ်အတွက် ဘာတွေလုပ်ပေးလဲ………..

အကျိုးပြုဘက်တီးရီးယား လို့ခေါ်တဲ့ (Probiotics ) တွေက အကျိုးပြုဘက်တီးရီးယား အာဟာရဖြစ်တဲ့ (Prebiotics) တွေကို စားသုံးပြီး အစာခြေစနစ်ကျန်းမာစေမှုအပြင် ခန္ဓာကိုယ် ကျန်းမာစေဖို့အကောင်းဆုံးလုပ်ဆောင်ပေးပါတယ်။ အူနံရံတွေကို အာဟာရဓာတ်တွေကို အကောင်းဆုံးစုပ်ယူနိုင်စေပြီး ခန္ဓာကိုယ်ကို အခုလိုအကျိုးကျေးဇူးတွေ ပေးစွမ်းပါတယ်။

ကိုယ်အလေးချိန်များလို့ လျှော့ချနေတဲ့သူတွေ၊ ကိုယ်အလေးချိန်ထိန်းချင်တဲ့သူတွေအတွက် တော်တော်လေးအဆင်ပြေစေနိုင်ပါတယ်။ အဝလွန်တာမျိုးမဖြစ်အောင်လည်း အထိရောက်ဆုံး ကာကွယ်နိုင်ပါတယ်။ အဝလွန်တာကို သက်သာစေဖို့အတွက်လည်း အသုံးပြုပေးလို့ရပါတယ်။ Lactobacillus အမျိုးအစား အကျိုးပြုဘက်တီးရီးယားက ကိုယ်အလေးချိန်ကို အကောင်းဆုံးထိန်းညှိပေးနိုင်ပါတယ်။ သွေးကြောတွေထဲမှာ အဆီတွေပိတ်ဆို့တာမျိုးမဖြစ်အောင်လည်း အကောင်းဆုံး ကာကွယ်ပေးနိုင်ပါသေးတယ်။ ကျန်းမာတဲ့ BMI ကိုထိန်းသိမ်းဖို့ အကောင်းဆုံး ပံ့ပိုးပေးနိုင်တဲ့ အရာတစ်မျိုးပေါ့။ လေ့လာမှုတွေအရတော့ အကျိုးပြုဘက်တီးရီးယားတွေက ကိုယ်တွင်းက အဆီတွေကိုလျှော့ချပေးပြီး ကိုယ်အလေးချိန်ကို ထိန်းညှိပေးတာပါ။

အစာခြေစနစ် ကျန်းမာစေနိုင်တယ်

အကျိုးပြုဘက်တီးရီးယားလေးတွေက အစာခြေစနစ်ကို အကောင်းဆုံးလုပ်ဆောင်နိုင်စေပြီး ဝမ်းချုပ်တဲ့ပြဿနာကနေ ကင်းဝေးစေမှာပါ။ လေပွတာ၊ အစာအိမ်နာတာတွေကို သက်သာစေဖို့လည်း အသုံးပြုပေးလို့ရပါတယ်။

• အအေးမိဖျားနာတာမျိုး မဖြစ်အောင် ကာကွယ်ပေးတယ်
• ကိုယ်ခံအားကောင်းစေနိုင်တယ်
• အဆုတ်ရောင်ရောဂါ မဖြစ်အောင်ကာကွယ်ပေးတယ်
• အသက်ရှူလမ်းကြောင်း ကျန်းမာစေတယ်
• ကိုယ်ဝန်ဆောင် ဆီးချိုကိုကာကွယ်ပေးတယ်
• မိန်းမကိုယ်ပိုးဝင်တာမဖြစ်အောင် ကာကွယ်ပေးတယ်
• မှိုပိုး ကူးစက်ခံရတာမျိုးမဖြစ်အောင်ကာကွယ်ပေးတယ်
• အရေပြားပြဿနာ ကင်းစေတယ်။

ဘယ်မှာတွေ့ရနိုင်လဲ……….

Probiotics (အကျိုးပြုဘက်တီးရီးယား) တွေကို အစားအစာတိုင်းမှာတော့ မတွေ့နိုင်ပါဘူး။ အကျိုးပြုဘက်တီးရီးယားကြွယ်ဝတဲ့ စားစရာတွေက

• ဒိန်ချဉ်
• ကီဖာ
• အချဉ်ဖောက်ထားတဲ့ စားစရာတွေ
• ပန်းသီးရှာလကာရည်
• ချိစ်
• Probiotics ဖြည့်စွက်ထားတဲ့ အစားအစာတွေထဲမှာ ပါဝင်နေပါတယ်။

Prebiotics (အကျိုးပြုဘက်တီးရီးယား အာဟာရ) တွေကိုတော့

• အမျှင်ဓာတ်များတဲ့အစားအစာတွေ
• ဟင်းသီးဟင်းရွက်တွေ
• သစ်သီးတွေ
• အုတ်ဂျုံ
• ကြက်သွန်ဖြူ
• ကြက်သွန်နီ
• ကညွတ်
• ဘယ်ရီသီး
• ငှက်ပျောသီးတွေကနေရရှိနိုင်ပါတယ်။