ခံတွင်းအနံ့ဆိုးမဖြစ်အောင် ကာကွယ်နည်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 29, 2020 . 3 mins read
Share now

နေ့စဉ်ပြောဆိုဆက်ဆံနေရသူတွေအတွက် အရေးပါတဲ့ ဂရုစိုက်ရမယ့် တစ်ကိုယ်ရေသန့်ရှင်းရေးတစ်ခုက ခံတွင်းနံ့ဆိုးမရှိစေဖို့ပါ။ ပါးစပ်က အနံ့ဆိုးတွေ ထွက်နေမယ်ဆိုရင် ကိုယ်တိုင်မှာရော ပတ်ဝန်းကျင်က သူတွေကိုပါ အနှောင့်အယှက်ဖြစ်စေပါတယ်။ ခံတွင်းအနံ့ဆိုးကြောင့် လူကြားထဲမှာ စကားမပြောရဲတာမျိုးမဖြစ်စေဖို့ အတွက် ခံတွင်းနံ့ဆိုးကို ကာကွယ်ပေးနိုင်မယ့် နည်းလမ်း အချို့ မျှဝေပေးပါရစေ။

ခံတွင်းနံ့ဆိုးကိုဖြစ်စေတဲ့ အကြောင်းအရင်းတွေက

ခံတွင်းထဲမှာ ဘက်တီးရီးယားတွေ ပေါက်ဖွားမှုကြောင့် ခံတွင်းနံ့ဆိုးတွေဖြစ်ရတာပါ။ သွားနဲ့ခံတွင်းပြဿနာရှိရင်လည်း ခံတွင်းနံ့ဆိုးတတ် ပါတယ်။ ဒါ့အပြင် ဒီအချက်တွေကြောင့်လည်း ခံတွင်းနံ့ဆိုးဖြစ်ရတာပါ။

ခံတွင်းခြောက်တာ -ရေသောက်နည်းတာကြောင့် ခံတွင်းခြောက်ပြီး ခံတွင်းနံ့ဆိုးတွေဖြစ်နိုင်ပါတယ်။ ဒါကြောင့်နေ့စဉ်ရေလုံလောက်အောင်သောက်သုံးပေးပါ။

ခံတွင်းသန့်ရှင်းရေးအားနည်းတာ – ခံတွင်း သန့်ရှင်းရေးက မဖြစ်မနေလုပ်ဆောင်သင့်တဲ့ အချက်တစ်ခုပါ။ တစ်နေ့ကို မနက်တစ်ကြိမ် ညအိပ်ရာဝင်ခါနီးတစ်ကြိမ် သွားတိုက်ပေးဖို့မမေ့ပါနဲ့။ ခံတွင်းသန့်ရှင်းမှု အားနည်းတဲ့အခါ သွားနဲ့ သွားဖုံးမှာ ပိုးဝင်ကူးစက်ပြီးရောဂါတွေဖြစ်နိုင်ပါတယ်။ ရောဂါတွေဖြစ်လာတဲ့အခါ ခံတွင်းနံ့ဆိုးပါတယ်။

အနံ့ပြင်းတဲ့ အစားအစာတွေ – စားသုံးတဲ့ အစားအစာတွေထဲမှာ ကြက်သွန်ဖြူ၊ ကြက်သွန်နီ၊ ဒညင်းသီးတို့လိုမျိုး အနံ့ပြင်းတဲ့အစားအစာတွေက ခံတွင်းနံ့ကို ဆိုးစေနိုင်ပါတယ်။

ဖျားနာနေတာ ဖျားနာ‌နေတာကြောင့် ခံတွင်းနံ့ဆိုးနိုင်ပါတယ်။ ရိုးရိုးဖျားနာတာအပြင် ဆီးချိုရောဂါလိုမျိုးဝေဒနာတွေကြောင့်လည်း ခံတွင်းနံ့ဆိုးတာမျိုးဖြစ်နိုင်ပါတယ်။ ခံစားနေရတဲ့ဝေဒနာတစ်ခုခုကြောင့်သောက်သုံးနေရတဲ့ဆေးဝါးတွေကြောင့်လည်း ခံတွင်းနံ့ဆိုးတွေဖြစ်နိုင်ပါတယ်။

ခံတွင်းနံ့ဆိုးတာကို ကာကွယ်နိုင်မယ့်နည်းလမ်းတွေက

သွားကို တစ်နေ့နှစ်ကြိမ်တိုက်ပေးပါ– သွားကို မနက်အိပ်ရာထချိန်မှာ တစ်ကြိမ်၊ ညဘက်မအိပ်ခင်မှာ တစ်ကြိမ် ပုံမှန်တိုက်ပေးမယ်ဆိုရင် ခံတွင်းနံ့ဆိုးမဖြစ်အောင်ကာကွယ်ရုံသာမက သွားနဲ့ခံတွင်းရောဂါတွေကိုပါ ကာကွယ်နိုင်မှာပါ။

ရေဓာတ်ပြည့်ဝအောင်လုပ်ဆောင်ပါ – ခံတွင်းခြောက်တဲ့အခါ ဘက်တီးရီးယားတွေ အလွယ်တကူပေါက်ဖွားပြီး ခံတွင်းနံ့ဆိုးစေနိုင်ပါတယ်။ ဒါကြောင့် နေ့စဉ်လုံလောက်တဲ့ရေပမာဏ သောက်သုံးပေးပါ။ ရေဓာတ်ရအောင်ဆိုပြီး ကဖင်းပါတဲ့သောက်စရာတွေ၊ အယ်လ်ကိုဟောပါတဲ့သောက်စရာ၊ ကိုလာနဲ့ သစ်သီးဖျော်ရည်တွေနဲ့ Sports Drinksတွေကို မသောက်သုံးသင့်ပါဘူး။ ခံတွင်းနံ့ကင်းစေဖို့ရေနဲ့ရေနွေးကြမ်းတို့ကိုပဲသောက်သုံးပေးပါ။

သွားပွတ်ကြိုး သုံးပေးပါ – သွားပွတ်ကြိုးအသုံးပြုမှုက ခံတွင်းကျန်းမာဖို့အတွက် လုပ်ဆောင်သင့်တဲ့အရာတစ်ခုပါ။ ဒီလိုလုပ်ပေးခြင်းက သွားတစ်ခုနဲ့တစ်ခုကြားက စားကြွင်းစားကျန်တွေကို ဖယ်ရှားပေးနိုင်တာကြောင့် သွားပျက်စီးတာကို ကာကွယ်ပြီးသားဖြစ်သွားသလို ခံတွင်းနံ့ဆိုးကို ကာကွယ်နိုင်မှာပါ။

ပုံမှန်သွားစစ်ဆေးမှုလုပ်ပေးပါ – သွားနဲ့ခံတွင်းရောဂါတွေရှိ၊ မရှိ ပုံမှန် ၆ လတစ်ကြိမ်စစ်ဆေးမှုလုပ်ပေးပါ။ ဒီလိုလုပ်ပေးတဲ့အခါ သွား၊သွားဖုံး နဲ့ ခံတွင်းရောဂါတွေကိုကာကွယ်ပြီးသားဖြစ်မှာပါ။

သကြားမပါတဲ့ ပီကေ၊ ပူရှိန်းဝါးပေးပါ – သကြားမပါတဲ့ ပီကေ၊ ပူရှိန်းတွေကရေလိုပါပဲ။ တံထွေးကို ပိုထွက်စေနိုင်တာကြောင့် ခံတွင်းထဲမှာဘက်တီးရီးယားတွေ မပေါက်ဖွားအောင်ကာကွယ်ပေးနိုင်ပါတယ်။ ခံတွင်းနံ့ဆိုးမဖြစ်အောင်ကာကွယ်ပေးနိုင်တဲ့ အချက်တစ်ခုဖြစ်တာကြောင့် ပီကေဝါးပေးတာမျိုး၊ ပူရှိန်းစားပေးတာမျိုးလုပ်ပေးပါ။

ဗီတာမင် D ကြွယ်ဝတာတွေစားပေးပါ ဗီတာမင် D ကခံတွင်းထဲမှာ ဘက်တီးရီးယားတွေ မပေါက်ဖွားအောင်ကာကွယ်ပေးနိုင်ပါတယ်။ ဒါကြောင့် ဗီတာမင် D ပါဝင်တဲ့ အစားအစာတွေကိုနေ့စဉ်စားသုံးပေးပါ။ မနက်ခင်းနေရောင်ခြည်ကနေလည်း ဗီတာမင် D ကိုရရှိနိုင်ပါတယ်။

အမျှင်ဓါတ်ပါဝင်တဲ့ အစားအစာတွေကို စားသုံးပေးပါ – လတ်ဆတ်ပြီး အမျှင်ဓာတ်ကြွယ်ဝတဲ့ သစ်သီးတွေဟင်းသီးဟင်းရွက်တွေက သွားကို သန့်စင်စေနိုင်သလို ခံတွင်းအန့ဆိုးမဖြစ်အောင်လည်း ကာကွယ်ပေးပါတယ်။ အမျှင်ဓါတ်များတဲ့ အစားအစာတွေက အစာခြေစနစ်ကို တိုးတက်ကောင်းမွန်စေနိုင်ပြီး ကိုယ်တွင်းအဆိပ်အတောက်တွေကို ဖယ်ရှားပေးပါတယ်။

ဆေးလိပ်နဲ့ဆေးရွက်ကြီးကိုရှောင်ပါဆေးလိပ်သောက်တာ၊ဆေးရွက်ကြီးသုံးစွဲတာတွေက ခံတွင်းနံ့ဆိုးကိုဖြစ်စေနိုင်ပါတယ်။ဆေးလိပ်သောက်တဲ့သူတွေက အခြားသူတွေထက်ခံတွင်းနံ့ပိုဆိုးတတ်ပါတယ်။ ဒါကြောင့် ခံတွင်းနံ့မဆိုးအောင်ကာကွယ်ချင်တယ်ဆိုရင် အကောင်းဆုံးသောနည်းလမ်းကဆေးလိပ်ဖြတ်လိုက်ပါ။

လျှာကို သန့်ရှင်းဖို့ မမေ့ပါနဲ့ – သွားတိုက်တဲ့အခါ လျှာကိုရောသန့်ရှင်းမိရဲ့လား။ သွားတွေပဲတိုက် ပလုတ်ကျင်းလိုက်တာလား။ ဒါဆိုရင်တော့ ဒီနေ့ကစပြီး သွားတိုက်တိုင်း လျှာကိုပါ သန့်စင်ဖို့ မမေ့ပါနဲ့။ လျှာကို သန့်စင်ပေးတာက ခံတွင်းနံ့ဆိုးကိုဖြစ်စေတဲ့ ဘက်တီးရီးယားတွေကို ၇၅ ရာခိုင်နှုန်းအထိ ဖယ်ရှားနိုင်ပါတယ်။

ခံတွင်းသန့်ဆေးရည်ဆောင်ထားပါ – ခံတွင်းအနံ့ဆိုးတွေကို ကင်းစင်စေနိုင်မယ့်နေရာမရွေး အချိန်မရွေးအသုံးပြုလို့ရတဲ့ ရိုးစင်းလွယ်ကူတဲ့နည်းလမ်းလေးအချို့ရှိပါသေးတယ်။ အရေးပေါ် အစည်းအဝေးဝင်ခါနီးရင်ဖြစ်ဖြစ် အရေးကြီးတဲ့ တစ်ယောက်ယောက်နဲ့ စကားပြောရမယ့်အခါမျိုးမှာ သွားတိုက်ဖို့ မဖြစ်နိုင်တဲ့အနေအထားမျိုးကြုံရနိုင်ပါတယ်။

ဒီလိုအခါမျိုးမှာ ခံတွင်းသန့်ဆေးရည်၊ ခံတွင်းဖြန်းဆေးလိုမျိုးဆေးရည်လေးတွေကိုဆောင်ထားမယ်ဆိုရင် အရေးကြီးတဲ့အခါ ပလုတ်လေးကျင်းရုံ၊ တစ်ချက်လောက် ပါးစပ်လေးဟပြီးဖြန်းလိုက်ရုံနဲ့ လတ်ဆတ်သင်းပျံ့တဲ့ ခံတွင်းနံ့ကိုရရှိစေမှာပါ။ ဒါကြောင့် အိတ်ထဲမှာ ခံတွင်းသန့်ဆေးရည် ဘူးသေးသေးလေးတစ်ဘူးလောက်တော့ ဆောင်ထားဖို့လိုမယ်နော်။ အချိန်တိုင်း ခံတွင်းနံ့ကောင်းတဲ့ အနေအထားကလည်း စိတ်ကြည်လင်စေတဲ့အချက်တစ်ခုဆိုတာ မမေ့ပါနဲ့။

အခုပြောခဲ့တဲ့နည်းလေးတွေအတိုင်းလုပ်ဆောင်ကြည့်ပြီး ခံတွင်းနံ့ဆိုးကင်းတဲ့နေ့ရက်တိုင်းကို ပိုင်ဆိုင်နိုင်ကြပါစေကြောင်း……

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ကိုဗစ်ကနေ ပြန်လည် သက်သာလာတဲ့အခါ

ကိုဗစ် တစ်ကမ္ဘာလုံးကို ကိုင်လှုပ်နေတဲ့ ကပ်ရောဂါကြီးပေါ့။ မြန်မြန်သိ မြန်မြန်ကုသနိုင်ရင် ကိုဗစ်က ပျောက်ကင်းနိုင်ခြေ များပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 20, 2020 . 2 mins read

စမတ်ဖုန်းတွေပေါ်မှာ တစ်လနီးပါး ရှင်သန်နိုင်တဲ့ COVID-19 ဗိုင်းရပ်စ်ပိုး

ကမ္ဘာတစ်ဝှမ်းလုံးမှာ ကပ်ဘေးတစ်ခုအဖြစ် ဒုက္ခပေးနေတဲ့ COVID-19 ဗိုင်းရပ်စ်ပိုးတွေဟာ စမတ်ဖုန်းတွေပေါ်မှာ တစ်လနီးပါး ရှင်သန်နိုင်တယ်လို့ သိရှိလာရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 19, 2020 . 2 mins read

COVID ကာလ အိပ်မပျော်တာ ဟော်မုန်းတစ်ခုခုဖောက်ပြန်နေလို့များလား

အိပ်မပျော်တာ ဟော်မုန်းကြောင့် ဖြစ်နိုင်သလို အိပ်ရေးပျက်ရင်လည်း ဟော်မုန်းတွေ ကမောက်ကမ ဖြစ်နိုင်ပါတယ်။ ဒါကြောင့် အိပ်ရေးဝဖို့ အရေးကြီးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 16, 2020 . 3 mins read

ရင်သားကင်ဆာ ကာကွယ်ပေးမယ့် အစားအစာများ

ဖြစ်နိုင်ခြေများတဲ့ ရင်သားကင်ဆာ အန္တရာယ်ကနေ ကာကွယ်ဖို့ ဘာတွေကို စားသောက်သင့်လဲဆိုတာ ဒီဆောင်းပါးလေးထဲမှာ ဖတ်ကြည့်စေချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရင်သားကင်ဆာ, ကျန်းမာရေးစင်တာ အောက်တိုဘာ 15, 2020 . 2 mins read

သင့်အတွက် ရွေးချယ်ထားသည်

ခြေဖနောင့်အက်ကွဲ ခြင်း ပြဿနာ

ခြေဖနောင့်အက်ကွဲ ခြင်း ပြဿနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
တံတွေးဂလင်းပိုးဝင်ခြင်း

တံတွေးဂလင်းပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
အစာအိမ်ကင်ဆာဖြစ်စေတဲ့ အကြောင်းအရင်းများ

အစာအိမ်ကင်ဆာဖြစ်စေတဲ့ အကြောင်းအရင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ကိုဗစ်ကြောင့် အိပ်မပျော်တဲ့အခါ

ကိုဗစ်ကြောင့် အိပ်မပျော်တဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read