မိခင်လောင်းတစ်ယောက်ဖြစ်လာချိန်မှာ ကိုယ့်ရင်သွေးလေးအတွက် အာဟာရဖြစ်အောင်တစ်မျိုး၊ ကလေးထွားဖို့တစ်ဖုံ အမျိုးမျိုးကြိုးစားအားဖြည့်ဖို့ ဆန္ဒရှိကြမှာပါ။ ဒါပေမယ့် ကိုယ်ဝန်ဆောင်ဆီးချိုဆိုတာကြီးဖြစ်လာခဲ့ရင် သိပ်စိတ်ညစ်ရမှာပဲနော်။ ဘာစားရမလဲ၊ ဘယ်လိုနေရမလဲတွေးကြောက်ရင်း ဟိုရှောင်ဒီရှောင်နဲ့ လိုအပ်တဲ့အာဟာရတွေချို့တဲ့သွားသူတွေရှိသလို မတွေးဘဲ မဆင်မခြင်စားသောက်နေထိုင်သူတွေမှာနောက်ဆက်တွဲပြဿနာတွေဖြစ်လာစေနိုင်ပါတယ်။