ကျန်းမာရေးကိရိယာများ
အွန်လိုင်းကနေ နှလုံးရောဂါ ဖြစ်နိုင်ခြေ စစ်ဆေး နိုင်ပါပြီ
လူကြီးတွေထိုးထားသင့်တဲ့ ကာကွယ်ဆေး တွေကို အွန်လိုင်းကနေ ရှာကြည့်မယ်
BMI တွက်ချက်ခြင်း ကို အွန်လိုင်းကနေ အချိန်ခဏပေးပြီး အဖြေထုတ်နိုင်ပါပြီ
အွန်လိုင်းကနေ သွေးဆုံးတော့မှာလား ဆိုတာကို တွက်ချက်ကြည့်လို့ရပါပြီ
ကလေးကြီးထွားမှုပြဇယား
ကယ်လိုရီလိုအပ်ချက် တွက်ချက်ခြင်းကို အွန်လိုင်းကနေ တွက်လို့ရပါပြီ
ဆီးချိုသမားတွေအတွက် အသင့်တော်ဆုံး ဟင်းချက်ဆီ ကိုသေသေချာချာ ရွေးချယ်တာက ဆီးချို အပြင် နောက်ဆက်တွဲ ဖြစ်လာနိုင်တဲ့ ကျန်းမာရေးပြဿနာတွေကိုပါ ကာကွယ်ရာရောက်ပါတယ်။
Canola oil က အပင်ကနေရတဲ့ ဟင်းချက်ဆီ တစ်မျိုးပါ။ မုန်ညှင်းမျိုးရင်းဝင် rapeseed အပင်တွေကနေ ထုတ်ထားတာပါ။ Canola oil မှာ သစ်ကြားသီးတွေမှာ တွေ့ရတဲ့ omega-3 fatty acid အမျိုးအစား တစ်မျိုးဖြစ်တဲ့ alpha-linolenic acid ပါဝင်နေသလို ထောပတ်သီး နဲ့ သံလွင်ဆီ တွေမှာ တွေ့ရတဲ့ ကျန်းမာရေးနဲ့ ညီညွတ်တဲ့ monounsaturated fatty acids ပါဝင်နေပါတယ်။
လေ့လာမှုတွေ အရကတော့ Canola oil က အမျိုးအစား (၂) ဆီးချိုရှိသူတွေမှာ သွေးတွင်းသကြားဓာတ် ကျစေဖို့ ထောက်ကူပေးသလို အကျိုးမပြု ကိုလက်စထရောပမာဏ ကျဆင်းစေဖို့လည်း လုပ်ဆောင်ပေးတယ်လို့ သိရပါတယ်။
သံလွင်ဆီက ဆီးချိုရှိသူတွေမှာ နှလုံးကျန်းမာစေဖို့ ထောက်ကူပေးတဲ့ ဟင်းချက်ဆီ တစ်မျိုးပါ။ သံလွင်ဆီမှာ အင်ဆူလင် တုံ့ပြန်နိုင်စွမ်း ကောင်းဖို့ လုပ်ဆောင်ပေးတဲ့ tyrosol လို့ ခေါ်တဲ့ ဓာတ်တိုးဆန့်ကျင်ပစ္စည်း ပါဝင်နေပါတယ်။ သွေးတွင်းသကြားဓာတ်ကို အထိရောက်ဆုံး ထိန်းညှိပေးမှာ ဖြစ်ပါတယ်။
နှမ်းကြတ်စေ့ဆီမှာ အမျှင်ဓာတ် တစ်မျိုး ပါဝင်နေတာကြောင့် အဆာခံနိုင်စေပါတယ်။ အစားအစာတွေထဲက သကြားဓာတ်ကို ဖြည်းဖြည်းချင်း ချေဖျက်ပေးပြီး သွေးကြောတွေထဲကို သကြားဓာတ် နည်းနည်းစီပဲ ပို့ဆောင်ပေးတာကြောင့် ရုတ်တရက် သွေးချို မြင့်တက်မှု မဖြစ်စေဖို့ အထိရောက်ဆုံး ဟန့်တားပေးနိုင်မှာပါ။
ဒါကြောင့် ဆီးချိုရှိသူတွေအနေနဲ့ သွေးတွင်းသကြားဓာတ်ကို ထိန်းညှိချင်တယ်ဆိုရင် နှမ်းကြတ်စေ့ဆီကို စားသုံးပေးလို့ ရပါတယ်။
သစ်ကြားသီးဆီမှာ နှလုံးကျန်းမာစေနိုင်တဲ့ omega-3 fatty acids နဲ့ polyunsaturated fats တို့ ပါဝင်နေပါတယ်။ အင်ဆူလင် တုံ့ပြန်မှု ကောင်းစေပြီး ပုံမုန် စားသုံးပေးတာက အမျိုးအစား (၂) ဆီးချိုကို ကာကွယ်ပေးနိုင်ပါတယ်။
နှမ်းဆီမှာ ဗီတာမင် E နဲ့ lignans လိုမျိုး ဓာတ်တိုးဆန့်ကျင်ပစ္စည်းတွေ ပါဝင်နေပါတယ်။ ဆီးချိုရှိသူတွေအတွက် သွေးတွင်းသကြားဓာတ်ကို ထိန်းညှိပေးသလို အမျိုးအစား (၂) ဆီးချိုရှိသူတွေမှလည်း သွေးတွင်းကိုလက်စထရော ထိန်းညှိပေးပါတယ်။
ဆီးချိုရှိသူတွေအတွက် ကျန်းမာရေးနဲ့ ညီညွတ်တဲ့ ဟင်းချက်ဆီ ကို ရွေးချယ် စားသုံးတာက သွေးတွင်းသကြားဓာတ်ကို ထိန်းညှိရာမှာ ထောက်ကူပေးနိုင်သလို နှလုံးကျန်းမာစေပြီး သွေးတွင်းကိုလက်စထရော ကျစေဖို့လည်း ဂရုစိုက်ရာ ကျပါတယ်။ နောက်ဆက်တွဲ ကျန်းမာရေး ပြဿနာတွေကိုလည်း ကာကွယ်ရာရောက်ပါတယ်။
ဒီတော့ ကျန်းမာရေးနဲ့ ညီညွတ်တဲ့ ဘယ် ဟင်းချက်ဆီ ကို ရွေးချယ်မလဲဆိုတာကတော့ ပြသနေကျ ဆရာဝန်နဲ့ သေချာ တိုင်ပင်လို့ ရွေးချယ် လိုက်ပါ။
[embed-health-tool-bmi]
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
5 Best Cooking Oil For Diabetes Patient https://www.onlymyhealth.com/best-cooking-oil-for-diabetes-patient-1570257848 Accessed Date 4 March 2021
ယခုပုံစံ
06/09/2023
Aye Thi Mon မှ ရေးသားသည်။
မှ အချက်အလက် စစ်ဆေးထားပါသည်။ Dr. Phyo Wai Lynn
Dr. Htet Htet Zaw Win မှ ပြင်ဆင်ခဲ့ပါသည်။
မှ အချက်အလက် စစ်ဆေးထားပါသည်။
Dr. Phyo Wai Lynn
advertisementဤဆောင်းပါးက အကူအညီဖြစ်ပါသလား။
advertisementadvertisement
