ဘေဘီလေးနဲ့ ဆန်ပြုတ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 18, 2020 . 2 mins read
Share now

ဘေဘီလေးက ၆ လအထိ မိခင်နို့ တစ်မျိုးတည်းကိုသာ သောက်သုံးသင့်ပါတယ်။ ၆ လ ပြည့်ပြီးတဲ့အခါ ဘေဘီလေး ကြီးထွားဖွံ့ဖြိုးဖို့အတွက် လိုအပ်တဲ့ အာဟာရ လိုအပ်ချက်ပြည့်မီစေဖို့ မိခင်နို့အပြင် ဖြည့်စွက်စာလေးတွေ ကျွေးလာရပါတယ်။

ဒီလို ကျွေးတဲ့အခါ ဘေဘီလေးကို အာဟာရ ပြည့်စေဖို့ မြန်မာနိုင်ငံရဲ့ အဓိက အစားအစာ ဖြစ်တဲ့ ထမင်းကို ပိတ်ပါးစလေးနဲ့ တိုက်ပြီး ကျွေးတာ ရှိသလို ဆန်မှုန့်ကို ကျိုကျွေးတာမျိုးလည်း ရှိပါတယ်။ နောက်တစ်နည်းကတော့ ဆန်ပြုတ် ကျွေးတာပါ။

ဆန်ကို ဆန်စေ့ပျောက်အောင် ပြုတ်ထားတဲ့ ဆန်ပြုတ်က solid food စစားမယ့် ဘေဘီလေးအတွက် အထူးသင့်တော်ပါတယ်။ဘာကြောင့် ဒီလို ပြောရတာလဲဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။

ဆန်ပြုတ်မှာပါတဲ့ အာဟာရ

ဆန်ပြုတ် တစ်ခွက်မှာ

ဒီအာဟာရဓာတ်တွေက ကြီးထွားဖို့ အရှိန်ယူနေတဲ့ ဘေဘီလေးအတွက် မရှိမဖြစ် လိုအပ်တဲ့ အာဟာရဓာတ်တွေပါ။

ဘေဘီလေးကို ဆန်ပြုတ် ကျွေးတဲ့အခါ

အသက် ၆ လပြည့်ပြီဆိုရင် ဘေဘီလေးကို ဆန်ပြုတ် စကျွေးလို့ ရပါပြီ။ အိမ်မှာ ကိုယ်တိုင်ချက်ပြုတ်ထားတဲ့ ဆန်ပြုတ်လေးက ဘေဘီလေးကို

ခွန်အား တိုးစေတယ်

ဆန်ပြုတ် ၁၀၀ ဂရမ်က ကာဗိုဟိုက်ဒရိတ် ၈၃ ဂရမ်အထိ ပါဝင်နေပါတယ်။ ဘေဘီလေး ကြီးထွားဖို့ရော လန်းဆန်းတက်ကြွဖို့ပါ လုံလောက်တဲ့ ပမာဏပါ။

ဆန်ပြုတ် တစ်ခွက်မှာပါတဲ့ ကာဗိုဟိုက်ဒရိတ် ပမာဏက ဘေဘီလေး တစ်နေ့တာ လန်းဆန်းတက်ကြွနေစေဖို့ လုံလောက်တဲ့ အားအင် ပမာဏကို ပေးစွမ်းနိုင်ပါတယ်။

အစာကြေစေတယ်

ဆန်ပြုတ်က အခြား အစားစာတွေထက် အစာကြေလွယ်ပါတယ်။ နို့ကိုပဲ ချေဖျက်ခဲ့တဲ့ ဘေဘီလေးရဲ့ အစာအိမ်ကို ဝန်မပိုစေဘဲ ကြေလွယ်စေမှာပါ။ အာဟာရလည်း ပြည့်ဝစွာ ရရှိစေမှာဖြစ်ပါတယ်။

ဘေဘီလေးကို အစာမကြေတဲ့ ပြဿနာကနေ ကင်းစေမှာပါ။

အရိုးတွေ သန်မာစေတယ်

ဆန်ပြုတ်မှာ ဘေဘီလေး အရိုးတွေ သန်မာဖွံ့ဖြိုးစေဖို့ လိုအပ်တဲ့ ကယ်လ်ဆီယမ်နဲ့ မဂ္ဂနီဆီယမ် ပါဝင်နေပါတယ်။ မိခင်နို့ အပြင် ဘေဘီလေးကို နေ့စဉ် ဆန်ပြုတ် ကျွေးပေးတာက အရိုးတွေကို သန်မာစေမှာပါ။

ကျန်းမာစေတယ်

ဆန်ကို ပြုတ်ထားတဲ့ ဆန်ပြုတ်မှာ ဇင့်၊ copper နဲ့ ဆီလီနီယမ်လိုမျိုး ဘေဘီလေး ကြီးထွားဖွံ့ဖြိုး ကျန်းမာစေဖို့ မရှိမဖြစ် လိုအပ်တဲ့ အာဟာရဓာတ်တွေ ပါဝင်နေပါတယ်။ ဒီလို အာဟာရ ပြည့်ဝမှုက ဘေဘီလေးကို ကျန်းမာတဲ့ ကိုယ်ခံအား စနစ်တည်ဆောက်နိုင်စေဖို့ထောက်ကူပေးမှာပါ။

ဒါတွေအပြင် ဗီတာမင် C ပါဝင်မှုက ကိုယ်ခံအားကောင်းစေပြီး အရေပြားကို ကျန်းမာစေဖို့ ထောက်ကူပေးနိုင်မှာပါ။ ဖောလိတ်က ဦးနှောက် နဲ့ အမြင်အာရုံကို အကောင်းဆုံး ဖွံ့ဖြိုးစေနိုင်ပြီး ပရိုတင်းက အရိုးနဲ့ ကြွက်သားတွေကို သန်မာစေမှာပါ။

ဘေဘီလေးအတွက် ဆန်ပြုတ်ပြုတ်တဲ့အခါ

ဘေဘီလေးအတွက် ဆန်ပြုတ် ပြုတ်တဲ့အခါ ဆန်ကို အားဖြည့်ဆန် သုံးပါ။ ဆားကို လုံးဝမထည့်ပါနဲ့။ အချိုမှုန့်၊ ဆီစတာတွေကို မထည့်ပါနဲ့ဦး၊ ကြက်ပြုတ်ရည် နည်းနည်းထည့်လို့ ရပါတယ်။ နို့မှုန့်၊ မိခင်နို့ စတာတွေကို ထည့်​ပြီး ကျွေးပေးလို့ ရပါတယ်။

ဘေဘီလေးက အရွယ်ရောက်လာတဲ့အခါ မုန်လာဥနီ၊ ပန်းဂေါ်ဖီစိမ်း၊ ရွှေဖရုံသီး၊ ပြောင်းဖူးစတာတွေကို နူးနေအောင် ထည့်ပြုတ်ပြီး ကျွေးပေးလို့ ရပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မှတ်ဉာဏ်ကောင်းစေဖို့ ဒါတွေ စားပေးပါ။

မှတ်ဉာဏ်ကောင်းစေဖို့ စားပေးသင့်တဲ့ အစားအစာလေးတွေ ရှိပါတ်။ ဒါတွေက ဘာတွေ ဖြစ်မလဲဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မြန်မာနိုင်ငံမှာ အဖြစ်အများဆုံး ရောဂါ (၆) မျိုး ကနေ ကလေးတွေကိုဘယ်လိုကာကွယ်မလဲ။

မြန်မာနိုင်ငံမှာ အဖြစ်အများဆုံး ရောဂါ (၆) မျိုး ကြောင့် ဘေဘီလေးကို မထိခိုက်စေဖို့ဆိုရင် ကာကွယ်ပေးနိုင်မယ့် အရာလေးတစ်ခု ရှိနေပါတယ်။ ဒါကတော့.......

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်မေမေ ကော်လာဂျင် သောက်လို့ရလား………………….

ကိုယ်ဝန်ဆောင်ချိန်မှာ သွေးလည်ပတ်မှုကောင်းတာကြောင့် အသားအရေက ကြည်လင်လှပနေသလို ဆံသားကလည်း နက်မှောင်နေတတ်ပါတယ်။ ဒါဆို ဒီလိုကာလမှာရော ကော်လာဂျင်က လိုဦးမှာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 2, 2021 . 2 mins read
တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read