လည်ချောင်းနာ သက်သာစေမယ့် နည်းလမ်းကောင်းတစ်ခု

ဘာမှကို မလုပ်နိုင်ဘူး၊ခေါင်းတွေတောင်ကိုက်နေပြီ။ ဖျားနေလို့လားဆိုတော့ မဟုတ်ဘူး။ အကြောင်းကတော့ လည်ချောင်းနာ နေတာပါ။ လည်ချောင်းနာတာက ခံရခက်တဲ့ဝေဒနာတစ်ခုပေါ့။ တစ်နေ့တာလုံး အလုပ်တွေကျောင်းစာတွေကိုကောင်းကောင်းအာရုံမစိုက်နိုင်တော့အောင်ကို လုပ်နိုင်တာပါ။ ဒီတော့ လည်ချောင်းနာတဲ့အခါ စိတ်ထဲမှာတွေးမိမှာတစ်ခုကမြန်မြန်သက်သာချင်လိုက်တာဆိုတဲ့အချက်ပါ။ ဘာပဲစားစား မျိုချရခက်တယ် မြန်မြန်လည်းပျောက်ချင်ပါရဲ့ ဒါပေမယ့် ဆေးသောက်ရမှာကြောက်တယ်၊ လည်ချောင်းနာတာလည်း သက်သာချင်တယ်ဆိုရင် နည်းလမ်းကောင်းလေးတစ်ခုပြောပြမယ်လေ။ ကဲ …. လည်ချောင်းနာ သက်သာစေမယ့် နည်းလမ်းကောင်းတစ်ခု က ဘာတွေဖြစ်မလဲဆိုတာကို အတူတူ ကြည့်လိုက်ရအောင်နော်။

လည်ချောင်းနာတာကိုဖြစ်စေတဲ့အကြောင်းအရင်း

လူတော်တော်များများယူဆထားတာက လည်ချောင်းနာတာကိုဖြစ်စေတာကအေးတာတွေစားလို့၊ အရမ်းအေးနေတဲ့ရေ၊ အချိုရည်တွေကိုသောက်လို့ စတဲ့အကြောင်းအရာတွေကြောင့်လို့ ထင်တတ်ကြပါတယ်။ တကယ်တော့ လည်ချောင်းနာစေတာက အအေးမိတုပ်ကွေး ဖြစ်စေတဲ့ ဗိုင်းရပ်စ်ကြောင့်ပါ။ အခုလို မိုးရာသီမှာဆိုရင် ပိုအဖြစ်များပါတယ်။

လည်ချောင်းနာနေပြီ။ ဘယ်လိုသက်သာအောင်လုပ်မလဲ……………

လည်ချောင်းနာနေပြီဆိုရင် ဒီအချက်လေးတွေကို စမ်းကြည့်သင့်ပါတယ်။

• ပြည့်ပြည့်ဝဝအနားယူပါ
• ရေများများသောက်ပါ
• အစိုဓါတ်ထိန်းစက်လေးဖွင့်ပေးပါ
• ရေနွေးငွေ့ရှုပေးပါ
• ရေနွေးနဲ့ပျားရည်လေးသောက်ပေးပါ
• ဆားရည် အာလုပ်ကျင်းပေးပါ
• ငုံဆေးငုံပေးပါ။

လည်ချောင်းနာ သက်သာစေမယ့် နည်းလမ်းကောင်းတစ်ခု

ဆေးကြောက်သူတွေအတွက် လည်ချောင်းနာတာကို သက်သာစေမယ့်နည်းလမ်းတစ်ခုကတော့ ငုံဆေးငုံတာပေါ့။ ငုံဆေးတွေကဆေးလို့ ခံစားရမှုကိုနည်းစေနိုင်တာကြောင့်လည်းဆေးကြောက်သူတွေနဲ့ အသင့်တော်ဆုံးကုထုံးတစ်ရပ်ပေါ့။ အလုပ်လည်းမပျက်ဘဲ ပါးစပ်ထဲမှာ ငုံထားလိုက်ရင်ကို အဆင်ပြေနေမှာပါ။

ငုံဆေးကလည်ချောင်းနာသက်သာစေဖို့သက်သက်ပဲလား……..

မဟုတ်ပါဘူး။ ငုံဆေးဆိုတာက လည်ချောင်းနာသက်သာစေဖို့အပြင် ခံတွင်းအနံ့ဆိုးကင်းပြီးချောင်းဆိုးတာကိုပါ သက်သာစေနိုင်ပါတယ်။ ငုံဆေးလေး ငုံထားရုံနဲ့ ခံတွင်းထဲက ဘက်တီးရီးယားတွေကိုတိုက်ဖျက်ပေးနိုင်တယ်ဆိုတော့ ခံတွင်းနံ့ဆိုးမှာစိုးတဲ့သူတွေ၊ လူကြားထဲမှာချောင်းဆိုးမှာစိုးနေတဲ့သူတွေ၊ ချွဲထနေတာကြောင့် လည်ချောင်းထဲမှာယားယံနေတာတွေကိုသက်သာစေနိုင်တာကြောင့်ချောင်းဆိုးချင်တာကိုအောင့်ထားရတဲ့ပြဿနာလည်းကင်းဝေးသွားမှာပါ။

လည်ချောင်းနာတာကို သက်သာစေဖို့ငုံဆေးကောင်းတစ်ရပ်ရဲ့လက္ခဏာတွေက ဘာတွေများလဲ……………..

လည်ချောင်းနာတာကို သက်သာစေဖို့ ငုံဆေးတိုင်းကို ငုံလို့မဖြစ်ပါဘူး။ လည်ချောင်းနာတာကိုဖြစ်စေတဲ့ ဘက်တီးရီးယားတွေကို တိုက်ထုတ်ပေးနိုင်တဲ့ အရာတွေပါတဲ့ ငုံဆေးတွေက အဆင်ပြေဆုံးဖြစ်မှာပါ။ ဒီတော့လည်ချောင်းနာတာကို သက်သာစေဖို့ ငုံဆေးရှာနေတယ်ဆိုရင် ဒီအချက်လေးတွေကို သတိထားဖို့လိုပါမယ်။

• လည်ချောင်းနာတာကို တကယ်သက်သာစေတာလား
• ဘက်တီးရီးယားတွေကို တိုက်ထုတ်ပေးနိုင်လား
• ပါဝင်ပစ္စည်းတွေကရောဘေးကင်းရဲ့လား ဆိုတာတွေကိုသေချာကြည့်ရပါမယ်။ ဒီအချက် ၃ ချက်ထဲမှာမှပါဝင်ပစ္စည်းတွေကိုသေချာကြည့်ရင်ကို အဆင်ပြေနေပါပြီ။

ဘက်တီးရီးယားတွေကို တိုက်ထုတ်ပေးမယ့်ပါဝင်ပစ္စည်းတွေဆိုတာက….

အပေါ်မှာလည်းပြောခဲ့ပြီးပါပြီ။ လည်ချောင်းနာရတာက ဗိုင်းရပ်စ်ကြောင့်ဆိုတာကိုပါ။ ဒီတော့ လည်ချောင်းနာတဲ့ ဘက်တီးရီးယားတွေကို နှိမ်နှင်းပေးမယ့် ပါဝင်ပစ္စည်းတွေကို သိရင်ကိုဆေးဝယ်ဖို့က အဆင်ပြေပါပြီ။ ဒီတော့ လည်ချောင်းနာသက်သာစေဖို့ ဒါလေးတွေသတိထားပေးပါ။

ပရုပ်အေး – ပူရှိန်းရှိန်းခံစားမှုနဲ့အတူ လည်ချောင်းထဲက တစ်ရှုးတွေကို ထုံသွားစေပြီး လည်ချောင်းနာတာကို သက်သာစေနိုင်ပါတယ်။ ခံတွင်းနံ့ဆိုးကင်းစေပြီး ခံတွင်းထဲက ဘက်တီးရီးယားတွေကို တိုက်ထုတ်ပေးနိုင်ပါတယ်။

ယူကလစ်ဆီ – အသက်ရှုလမ်းကြောင်းနဲ့လည်ချောင်းကို ကျန်းမာစေတဲ့ သဘာဝပစ္စည်းတစ်ခုပေါ့။ ဘက်တီးရီးယားတွေကြောင့်ဖြစ်တဲ့ချောင်းဆိုးတာ၊ လည်ချောင်းနာတာ၊ ဓါတ်မတည့်မှုပြဿနာတွေကို အထိရောက်ဆုံးဖြေရှင်းပေးနိုင်ပါတယ်။ ကိုယ်ခံအားကိုလည်းကောင်းစေပြီးရောဂါပိုးတွေ ကူးစက်ခံရမှုကလည်း အထိရောက်ဆုံးကာကွယ်ပေးနိုင်ပါတယ်။

ပျားရည် – ဘက်တီးရီးယားတွေကို တိုက်ဖျက်ပေးနိုင်စွမ်းရှိပါတယ်။ လည်ချောင်းနာကိုတင် သက်သာစေမှာမဟုတ်ဘဲ ကိုယ်ခံအားကိုပါ အားဖြည့်ပေးနိုင်ပါတယ်။ ၁ နှစ်အောက်ဘေဘီလေးတွေနဲ့တော့ မသင့်တော်ပါဘူး။

သံပုရာသီး – ဗီတာမင် စီ (ဗီတာမင် C) ပါဝင်နေတာကြောင့် ကိုယ်ခံအားကိုကောင်းစေပြီး ခန္ဓါကိုယ်ကို ရန်လာစတဲ့ ဘက်တီးရီးယားတွေကို အကောင်းဆုံးတိုက်ဖျက်ပေးနိုင်ပါတယ်။

သံပရိုသီး – အချဉ်ဓါတ် ပါတာကြောင့် ဗီတာမင် စီ (ဗီတာမင် C) ကြွယ်ဝတယ်ဆိုတာ ပြောနေစရာမလိုအောင်ပါ။ ခံတွင်းရှင်းစေပြီး အသက်ရှုစနစ်ကို ကျန်းမာစေသလို ကိုယ်ခံအားကောင်းစေဖို့လည်း အထောက်အပံ့ပေးပါတယ်။

ကဲ…ရာသီဥတု အခြေအနေနဲ့ ပတ်ဝန်းကျင်က ညစ်ညမ်းတဲ့ အရာတွေနဲ့ ရောပါလာတဲ့ ဘက်တီးရီးယားတွေကြောင့် လည်ချောင်းနာနေပြီဆိုရင် အကြာကြီးမခံစားနဲ့တော့နော်။ မြန်မြန်သက်သာစေမယ့် နည်းလမ်းကောင်းလေးကို ရွေးချယ်လိုက်ပါ။