သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အမျိုးအစား-၁ ဆီးချို နဲ့ အမျိုးအစား-၂ ဆီးချို ဘယ်လိုကွာခြားလဲ။

    အမျိုးအစား-၁ ဆီးချို နဲ့ အမျိုးအစား-၂ ဆီးချို ဘယ်လိုကွာခြားလဲ။

    ဆီးချို လို့ဆိုလိုက်ရင် အားလုံးကို အတူတူပဲလို့ ယူဆတတ်ကြတာရှိသလို ဆီးချိုက နှစ်မျိုးရှိတယ်လို့ သိတဲ့သူတွေလည်း ရှိပါတယ်။ တကယ်ကတော့ ဆီးချိုကို အမျိုးအစား-၁ ဆီးချို နဲ့ အမျိုးအစား-၂ ဆီးချို ဆိုပြီး ၂ မျိုးရှိပါတယ်။

    ဒီဆီးချိုတွေက အမျိုးအစားတွေ ကွဲပြားသလို လက္ခဏာတွေရော ကုသမှုတွေမှာပါ ကွဲပြားမှုတွေ ရှိပါတယ်။ ဒီတစ်ခေါက်တော့ အမျိုးအစား-၁ ဆီးချိုနဲ့ အမျိုးအစား-၂ ဆီးချိုတို့ကြားက ကွာခြားချက်လေးတွေကို ပြောပြပေးချင်ပါတယ်။

    ဆီးချိုဆိုတိုင်း အတူတူလား …….

    ဆီးချိုလို့ အားလုံးကို ခြုံပြီး ပြောပေမယ့် ဆီးချိုမှာ အမျိုးအစား-၁ ဆီးချို၊ အမျိုးအစား-၂ ဆီးချိုဆိုပြီး အကြမ်းဖျဉ်း (၂) မျိုး ခွဲခြားထားပါတယ်။

    အမျိုးအစား-၁ ဆီးချိုရော အမျိုးအစား၂ ဆီးချိုရော နှစ်ခုစလုံးက သွေးတွင်းသကြားဓာတ် ပုံမှန်ထက် မြင့်တက်နေတာပါ။ အကြောင်းကတော့ ခန္ဓာကိုယ်က သွေးတွင်းသကြားဓာတ်ကို ထိန်းညှိပေးတဲ့ အင်ဆူလင်ဟော်မုန်းကို မထုတ်လုပ်နိုင်တာကြောင့်ပါ။ နောက်ထပ် ဖြစ်နိုင်ခြေတစ်ခုက အင်ဆူလင်ကို ကောင်းကောင်း အသုံးမပြုနိုင်တာကြောင့်ပါ။

    ဒီလိုဆိုလို့ ဆီးချိုက အမျိုးအစား-၁ ရော အမျိုးအစား-၂ ရော အတူတူပဲလို့ ယူဆစရာရှိပါတယ်။ တကယ်တော့ ဒီဆီးချို အမျိုးအစားတွေက ရောဂါဖြစ်ရတဲ့ အကြောင်းရင်းခံတွေ မတူသလို ခံစားရတဲ့ လက္ခဏာတွေရော ကုသနည်းတွေပါ ကွာခြားနေနိုင်ပါတယ်။

    အမျိုးအစား-၁ ဆီးချို နဲ့ အမျိုးအစား-၂ ဆီးချိုတို့ကြားက ကွာခြားချက်

    အမျိုးအစား-၁ ဆီးချို နဲ့ အမျိုးအစား-၂ ဆီးချိုတို့ကြားက ကွာခြားချက်

    အမျိုးအစား-၁ ဆီးချို နဲ့ အမျိုးအစား-၂ ဆီးချို ဘယ်လိုတွေ ကွာခြားနေလဲ……

    ဖြစ်ရတဲ့ အကြောင်းအရင်း

    • အမျိုးအစား-၁ ဆီးချိုခန္ဓာကိုယ်က ပန်ကရိယမှာရှိတဲ့ ဆဲလ်တွေကို တိုက်ခိုက်တာကြောင့် အင်ဆူလင် မထုတ်နိုင်တာကြောင့် ဖြစ်ရတာပါ။
    • အမျိုးအစား-၂ ဆီးချို – ခန္ဓာကိုယ်က အင်ဆူလင်ကို ကောင်းကောင်း အသုံးမချနိုင်တာကြောင့် ဖြစ်ရတာပါ။

    ရောဂါဖြစ်စေနိုင်တဲ့ အချက်တွေ

    • အမျိုးအစား-၁ ဆီးချို – အမျိုးအစား-၁ ဆီးချို ဖြစ်စေတဲ့ အကြောင်းအရင်းကို အခုချိန်ထိ တိတိကျကျ မသိရသေးပါဘူး။
    • အမျိုးအစား-၂ ဆီးချို – ကိုယ်အလေးချိန် ရှိသင့်တာထက် များနေတာ နေထိုင်စားသောက်မှုပုံစံ ကျန်းမာရေးနဲ့ မညီညွတ်တာတွေက အမျိုးအစား-၂ ဆီးချို ဖြစ်စေနိုင်ပါတယ်။

    လက္ခဏာတွေ

    • အမျိုးအစား-၁ ဆီးချို – အမျိုးအစား-၁ ဆီးချိုမှာ လက္ခဏာတွေက ပိုပြီး မြန်မြန် ပြသပါတယ်။
    • အမျိုးအစား-၂ ဆီးချို – အမျိုးအစား-၂ ဆီးချို လက္ခဏာတွေက သိသိသာသာ မဟုတ်ဘဲ ဖြည်းဖြည်းချင်း ပြသတာကြောင့် သိရှိကုသဖို့ ခက်ခဲပါတယ်။

    စီမံထိန်းချုပ်နည်းတွေ

    • အမျိုးအစား-၁ ဆီးချို – အမျိုးအစား-၁ ဆီးချိုကို အင်ဆူလင် ထိုးပြီး သွေးတွင်းသကြားဓာတ်ကို ထိန်းညှိတဲ့ နည်းနဲ့ပဲ အကောင်းဆုံး ထိန်းချုပ်နိုင်မှာပါ။
    • အမျိုးအစား-၂ ဆီးချို – အမျိုးအစား-၂ ဆီးချိုမှာတော့ သွေးတွင်းသကြားဓာတ်ကို ထိန်းညှိတဲ့နည်းက အမျိုးအစား-၁ ဆီးချိုထက် ပိုများပါတယ်။ အမျိုးအစား-၂ ဆီးချို ရှိသူတွေအနေနဲ့ သောက်ဆေးတွေအပြင် အင်ဆူလင် ထိုးပြီး သွေးတွင်းသကြားဓာတ် ထိန်းညှိလို့ ရပါတယ်။

    ၂မျိုးလုံးမှာ ဆေးဝါးနဲ့ ကုသတာ၊ လေ့ကျင့်ခန်းလုပ်တာ၊ ကျန်းမာရေးနဲ့ညီညွတ်အောင် စားသုံးတာတွေ လိုက်နာဖို့ လိုပါတယ်။

    ကာကွယ်ကုသနည်းတွေ

    အမျိုးအစား-၁ ဆီးချို – လက်ရှိမှာ အမျိုးအစား-၁ ဆီးချိုအတွက် ကုသနည်း မရှိသေးပါဘူး။ လေ့လာသုတေသန ပြုမှုတွေတော့ လုပ်ဆောင်နေပါတယ်။

    အမျိုးအစား-၂ ဆီးချို – အမျိုးအစား-၂ ဆီးချိုကို ပျောက်ကင်းအောင် ကုသလို့ မရပါဘူး။ ဒါပေမယ့် ဖြစ်နိုင်ခြေကို လျှော့ချလို့ရသလို သေချာလေး ဂရုစိုက်ပြီး ကျန်းမာရေးလိုက်စားမယ်ဆိုရင် သက်တမ်းစေ့ ကျန်းမာစွာ နေထိုင်နိုင်မှာပါ။

    သိထားဖို့လိုမယ့် ဆီးချိုရောဂါ လက္ခဏာများ

    ဆီးချိုရောဂါ အမျိုးအစား-၁ မှာရော အမျိုးအစား-၂ မှာပါ လက္ခဏာလေးတွေ ရှိပါတယ်။

    အမျိုးအစား-၁ ဆီးချို

    အခုပြောပြမယ့် လက္ခဏာတွေ ခံစားရမယ်ဆိုရင် အမျိုးအစား-၁ ဆီးချို ရှိနေတာ ဖြစ်နိုင်ပါတယ်။ အမျိုးအစား-၁ ဆီးချိုက အသက်ငယ်ငယ်ကလေးတွေမှာ ဖြစ်တတ်ပါတယ်။

    • ရေခဏခဏ ဆာမယ်
    • ဆီးခဏခဏ သွားမယ်
    • အကြောင်းအရင်းမရှိဘဲ ကိုယ်အလေးချိန် ကျမယ်
    • ပင်ပန်းနွမ်းနယ်မယ်။ အားမရှိသလို ခံစားရမယ်
    • အမြင်အာရုံတွေ ဝေဝါးမယ်။

    အမျိုးအစား-၂ ဆီးချို

    အမျိုးအစား-၂ ဆီးချို ခံစားရတဲ့အခါ အခုလို လက္ခဏာလေးတွေ ခံစားရနိုင်ပါတယ်။ အရင်က အသက် ၄၀အထက်မှာ ဖြစ်ပေမယ့် နေထိုင်စားသောက်မှု ပုံစံပြောင်းလဲလာတာကြောင့် ၄၀အောက်တွေမှာလည်း ဖြစ်လာတာကို တွေ့ရပါတယ်။

    • ရေအရမ်းဆာမယ်
    • ဆီးခဏခဏ သွားမယ်
    • ခြေလက်တွေ ထုံကျဉ်မယ်
    • ခြေကုန်လက်ပမ်းကျမယ်
    • အမြင်အာရုံ ဝေဝါးမယ်
    • ဗိုက်ခဏခဏ ဆာမယ်
    • အသားတွေ ယားမယ်။

    အမျိုးအစား-၁ ဆီးချိုနဲ့ အမျိုးအစား-၂ ဆီးချို က အခုလို ကွာခြားမှုလေးတွေ ရှိပါတယ်။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    What’s the difference between type 1 and type 2 diabetes? https://www.lifelinescreening.com/health-education/diabetes/type-1-type-2-diabetes?sourcecd=WNAT003 Accessed Date 8 November 2021

    differences between type 1 and type 2 diabetes https://www.diabetes.org.uk/diabetes-the-basics/differences-between-type-1-and-type-2-diabetes Accessed Date 8 November 2021

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: