သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

တစ်ကိုယ်ရေသန့်ရှင်းရေးကို ဂရုစိုက်နေရက်နဲ့ မိန်းမကိုယ်ယားယံရတဲ့ အကြောင်းအရင်းက

တစ်ကိုယ်ရေသန့်ရှင်းရေးကို ဂရုစိုက်နေရက်နဲ့ မိန်းမကိုယ်ယားယံရတဲ့ အကြောင်းအရင်းက

မိန်းမလှလေးတစ်ယောက်ဖြစ်ဖို့က တစ်ကိုယ်ရေသန့်ရှင်းရေးတော်တော်လေးအရေးကြီးပါတယ်။ အသန့်ကြိုက်တာကပြဿနာမဟုတ်ပါဘူး။ သန့်ရှင်းမှုအားနည်းတာကသာပြဿနာဖြစ်မှာပါ။ မိန်းကလေးတွေကယောကျာ်းလေးတွေထက် တစ်ကိုယ်ရေသန့်ရှင်းရေးကို ပိုပြီးဂရုစိုက်ဖို့လိုပါမယ်။ တစ်ကိုယ်ရေသန့်ရှင်းရေးကို ဂရုစိုက်တာက ကျန်းမာရေးအတွက်တော်တော်လေးအထောက်အကူဖြစ်စေတဲ့အရာပါ။ တစ်ခါတလေ တစ်ကိုယ်ရေသန့်ရှင်းရေးကို ဂရုစိုက်နေရက်နဲ့ အဆင်မပြေတာမျိုးဖြစ်ဖူးကြလားလေဒီတို့ရေ…. ဥပမာ အရေပြားယားယံတာမိန်းမကိုယ်ယားယံတာတို့လိုမျိုးပြဿနာတွေပေါ့။

ခန္ဓါကိုယ် အစိတ်အပိုင်းတစ်ခုခုမှာ ယားယံနေတဲ့အခါနေရထိုင်ရတော်တော်လေးခက်ခဲပါတယ်။ ဒီလိုယားယံမှုတွေထဲမှာမှ မိန်းမကိုယ်မှာယားယံတဲ့အခါတော်တော်လေးနေရထိုင်ရခက်စေပါတယ်။ ဒီလိုဖြစ်တာက အရမ်းကြီးစိတ်ပူရမယ့်ကိစ္စမဟုတ်ဘူးဆိုပေမယ့် တစ်ခါတရံမှာ မိန်းမကိုယ်ယားယံမှုကရောဂါပိုးတစ်ခုခုကူးစက်ခံထားရတဲ့ လက္ခဏာတစ်ရပ်ဖြစ်နေနိုင်ပါတယ်။

မိန်းမကိုယ်ယားယံမှုဖြစ်စေတဲ့ အကြောင်းအရင်းတွေက

မိန်းမကိုယ်ကပျော့ပျောင်းတဲ့ တစ်ရှုးလေးတွေနဲ့ ဖွဲ့စည်းထားတဲ့ အစိတ်အပိုင်းတစ်ခုပါ။ မိန်းကလေးတစ်ယောက်ပေါ့ပါးကျန်းမာနေစေဖို့ဆိုရင် ခန္ဓါကိုယ်ရဲ့ အစိတ်အပိုင်းတိုင်းကျန်းမာဖို့လိုအပ်မှာပါ။ ဒီထဲမှာ မိန်းမကိုယ်ကျန်းမာဖို့ကလည်း ချန်ထားလို့မရတဲ့ အချက်တစ်ခုပေါ့။ ကျန်းမာတဲ့ မိန်းမကိုယ်တစ်ခုဖြစ်ဖို့ဆိုရင် အကျိုးပြုဘက်တီးရီးယားလေးတွေရှင်သန်ဖို့လိုအပ်ပါတယ်။နောက်တစ်ချက်က အဖြူရောင် ဒါမှမဟုတ် အကြည်ရောင် အချွဲလေးတွေထုတ်ပေးဖို့လည်းလိုပါမယ်။ အနံ့အသက်ေတာ့ကင်းဖို့လိုတာပေါ့နော်။ ဒီအချွဲလေးတွေထွက်ရှိမှုပမာဏကဟော်မုန်းပမာဏေပါ်မှာလည်း မူတည်ပါသေးတယ်။

ဒီအချက်တွေကြောင့် မိန်းမကိုယ် ယားယံနိုင်ပါတယ်

မိန်းမကိုယ်ယားယံစေတဲ့အကြောင်းအရင်းတွေကတော်တော်လေးတော့များပါတယ်။

အကျိုးမပြုဘက်တီးရီးယားတွေများနေတာ – မိန်းမကိုယ်ထဲမှာ အကျိုးပြု ဘက်တီးရီးယားတွေရာ ၊ အကျိုးမပြုတဲ့ဘက်တီးရီးယားတွေရောမျိုးစုံအောင်ရှိနိုင်ပါတယ်။ အကျိုးပြုဘက်တီးရီးယားတွေ များနေတာက အကြောင်းမဟုတ်ပေမယ့် အကျိုးမပြုတဲ့ဘက်တီးရီးယားတွေများနေတာက မိန်းမကိုယ်ယားယံမှုကိုဖြစ်စေနိုင်ပါတယ်။

လိင်ဆက်ဆံမှုကတဆင့် ကူးစက်တဲ့ရောဂါခံစားနေရတာ – တစ်ခါတလေမှာ လိင်ဆက်ဆံမှုကနေတဆင့် ကူးစက်တဲ့ရောဂါတစ်ခုခုကို ခံစားနေရတာကြောင့် လည်း မိန်းမကိုယ်ယားယံတာမျိုးဖြစ်နိုင်ပါတယ်။

သွေးဆုံးချိန်ခံစားရတဲ့ လက္ခဏာကို ခံစားရတာ -သွေးဆုံးချိန်မှာလည်း အစိုဓါတ်ထိန်းနိုင်မှုလျော့ကျသွားတာကြောင့် မိန်းမကိုယ်ယားယံနိုင်ပါသေးတယ်။

ဓါတုပစ္စည်းတစ်ခုခုနဲ့ဓါတ်မတည့်တာလစဉ်သုံးပစ္စည်း ဒါမှမဟုတ် အသုံးပြုနေကျပစ္စည်းတစ်ခုခုမှာပါနေတဲ့ ဓါတုပစ္စည်းတွေနဲ့ ဓါတ်မတည့်တာကြောင့် လည်း မိန်းမကိုယ်ယားယံနိုင်ပါတယ်။

အဝတ်လျှော်တဲ့အခါသုံးတဲ့ ဆပ်ပြာနဲ့ ဓါတ်မတည့်တာအတွင်းခံတွေကိုလျှော်တဲ့အခါ အသုံးပြုတဲ့ ဆပ်ပြာမှုန့်တွေ၊ ဆပ်ပြာတုံးတွေနဲ့ ဓါတ်မတည့်တာကြောင့်လည်းဖြစ်နိုင်ပါတယ်။

အတွင်းခံကို ခပ်ကျပ်ကျပ်ဝတ်ထားမိတာ – အချို့လေဒီတွေက ကိုယ်လုံးထင်းချင်တဲ့ ဆန္ဒကြောင့် အတွင်းခံကို ခပ်ကျပ်ကျပ်ဝတ်တတ်ကြပါတယ်။ ဒီလိုဝတ်ဆင်တာကလေဝင်လေထွက်မကောင်းတဲ့အခြေအနေကိုဖြစ်စေပြီး မိန်းမကိုယ်ယားယံမှုကိုဖြစ်စေနိုင်ပါတယ်။

အနံ့ပြင်းတဲ့ရေအိမ်သုံးတစ်သျှူးတွေအသုံးပြုတာ – တစ်သျှူးမွှေးမွှေးလေးကို သဘောကျတယ်ဆိုရင်တောင်မှာ အပေါ့အပါးသွားပြီးတဲ့အခါမျိုးမှာတော့ အနံ့မပါတဲ့ တစ်သျှူးကိုပဲ အသုံးပြုပေးပါ။

နိုင်လွန်ပါနေတဲ့ အတွင်းခံဝတ်ဆင်တာ– အတွင်းခံရွေးချယ်တဲ့အခါမှာလည်း ချွေးစုပ်ပြီး နေရတာသက်တောင့်သက်သာဖြစ်တဲ့ ချည်သားအတွင်းခံတွေကိုပဲဝတ်ဆင်ပေးပါ။ နိုင်လွန်သားပါတဲ့ အတွင်းခံတွေက အနံ့အသက်ဆိုးကိုဖြစ်စေသလို မိန်းမကိုယ်ယားယံမှုကိုပါဖြစ်စေနိုင်ပါတယ်။

စက်ဘီးစီးတာ စက်ဘီးစီးတာ၊မြင်းစီးတာလိုမျိုး ကိစ္စတွေကို အချိန်ကြာမြင့်စွာလုပ်မိတဲ့အခါမျိုးမှာလည်း မိန်းမကိုယ်ယားယံတာမျိုးဖြစ်နိုင်ပါတယ်။

ဟော်မုန်းပြောင်းလဲမှုဖြစ်တာ – ကိုယ်တွင်းမှာ အက်စထရိုဂျင်ဟော်မုန်းနည်းလာတဲ့အခါမျိုးမှာလည်းဟော်မုန်းအပြောင်းအလဲကြောင့် မိန်းမကိုယ်ယားယံမှုဖြစ်နိုင်ပါတယ်။

ဒီပြဿနာတွေ ကင်းဝေးပြီး ကျန်းမာလှပတဲ့လေဒီလေးတစ်ယောက်ဖြစ်ဖို့ဆိုရင် အပေါ်မှာပြောခဲ့တဲ့ အချက်လေးတွေကို သတိထားရှောင်ကြဉ်လိုက်ပါ။နောက်ထပ်လုပ်လို့ရတဲ့ နည်းလမ်းတစ်ခုကတော့ Feminine wash အသုံးပြုပေးတာပါ။ အကျိုးပြုဘက်တီးရီးယားတွေကို အပြည့်အဝအားဖြည့်ပေးနိုင်တဲ့ Prebioticsပါတဲ့ Feminine wash ကို နည်းလမ်းမှန်မှန် အသုံးပြုပေးမယ်ဆိုရင် သဘာဝအတိုင်း အကာအကွယ်ပေးနိုင်မှာဖြစ်သလိုမိန်းမကိုယ်ခြောက်သွေ့ယားယံတာ မှိုစွဲတာ နဲ့ မိန်းကိုယ်က အနံ့အသက်ဆိုးတွေထွက်တာအပြင် အခြားသောပြဿနာတွေကို ကင်းဝေးစေမှာပါ။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

သားဥကြွေခြင်းကို တွက်ချက်ခြင်း

သားဥကြွေခြင်းကို တွက်ချက်ခြင်း

ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

သားဥကြွေခြင်းကို တွက်ချက်ခြင်း

ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

သားဥကြွေခြင်းကို တွက်ချက်ခြင်း

ရာသီစက်ဝန်း ရက်အရေအတွက်

(days) ရက်

28

ရာသီရက်စုစုပေါင်း

(days) ရက်

7

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Vaginal Itching, Burning, and Irritationhttps://www.webmd.com/women/guide/vaginal-itching-burning-irritation#1 Accessed Date 14 September 2018

Reasons Vaginal Itch Happens When You Don’t Have a Yeast Infectionhttps://www.healthline.com/health/vaginal-health/reasons-vaginal-itch-happens-when-you-dont-have-a-yeast-infection#1 Accessed Date 14 September 2018

It’s Itchy Down There! 5 Common Causes of Vaginal Itchinghttps://overlakeobgyn.com/its-itchy-down-there-5-common-causes-of-vaginal-itching/Accessed Date 14 September 2018

I’m Very Hygienic, But Still Itch Down There. Help!http://www.myfemcare.com.sg/intimate-care/im-hygienic-still-itch-help Accessed Date 14 September 2018

စာရေးသူ ဓာတ်ပုံbadge
Dr. Htet Htet Zaw Win မှ ရေးသားသည်။ 11/02/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။