ဆံပင်ပါးနေတဲ့ကိုယ့်ကလေး ဆံပင်ထူလာအောင် ဘာလုပ်ပေးရမလဲ။ ။

ဆံပင်ဆိုတာ ဒုတိယမျက်နှာပါ။ ဆံပင်ပုံကျမှ၊ ဆံသားကောင်းမှ၊ ဆံပင်ထူမှ လူတစ်ယောက်ရဲ့ အလှအပက ပြည့်စုံတာပါ။ ဆံပင်ထူမှ လှတာပါ။ ဆံပင်ပါးလို့လှတယ်ဆိုတာ မရှိပါဘူး။ ဒါကြောင့် ပြည့်စုံလှပတဲ့ ဆံပင်ရဖို့အတွက် ငယ်ငယ်တည်းက ထိန်းသိမ်းခဲ့ဖို့တော့ လိုပါတယ်။

ကလေးတိုင်း မတူကြပါဘူး။ တချို့ကလေးတွေရဲ့ ဆံပင်ကထူပြီး ဆံပင်ပေါက်သန်သလို တချို့ကလေးတွေ ကျတော့ ဆံပင်ပါးပြီး ဆံပင်ပေါက်နှေးကြပါတယ်။ ဆံပင်ထူအောင် ငယ်ငယ်တည်းက မေမေတို့ မလုပ်ပေးခဲ့ရင် အရွယ်ရောက်လာတဲ့အချိန်မှာလည်း သ့င်ကလေးဆံပင်ပါးပါးလေးပဲ ရှိမှာပါ။ ဒါကြောင့် ဆံပင်ပါးနေတဲ့ သင့်ကလေး ကို ဆံပင်ထူလာအောင်၊ သန်လာအောင် လုပ်ပေးဖို့ မေမေတို့မှာ တာဝန် အပြည့်ရှိပါတယ်။ ။

(၁) ဆံပင်အတွက် လိုအပ်တဲ့ အာဟာရတွေ ကလေးကို များများကျွေးပါ။ ။

(၂) ကလေး ဦးရေပြားကို နှိပ်နှယ်ပေးပါ

• ဦးရေပြားကို နှိပ်နှယ်ပေးရင် ဆံပင်အမြစ်ကို သွေးလည်ပတ်မှု ကောင်းစေတာကြောင့် ဆံပင်သန်လာပါတယ်။

(၃) ဆံပင်သန်စွမ်းဖို့ရာအတွက် သဘာဝကရတဲ့ထုတ်ကုန်တွေကို အသုံးပြုပါ

• အုန်းဆီ၊ သံလွင်ဆီ၊ ရှားစောင်းလက်ပပ် အနှစ် ၊ ပျားရည် စတာတွေဟာ ဆံပင် သန်စွမ်းဖို့အတွက် လှုံ့ဆော်ပေးနိုင်တဲ့ သဘာဝကရတဲ့ ပစ္စည်းတွေဖြစ်ပါတယ်။ သူတို့ဟာ ဆံပင် အစိုဓာတ်ကို ထိန်းပေးထားနိုင်ပြီး ဆံပင်ကို ပိုပြီးနူးညံ့သန်စွမ်းအောင် ပြုလုပ်ပေးနိုင်ပါတယ်။

(၄) ကလေး အတွက် ထုတ်ထားတဲ့ ခေါင်းလျှော်ရည်တွေကိုသာ သုံးပါ။

• လူကြီးခေါင်းလျှော်ရည်တွေမှာ ပါဝင်တဲ့ ပစ္စည်းတွေဟာ ကလေးနဲ့ မတည့်တာမျိုးတွေဖြစ်တတ်တာကြောင့် သင့်ကလေးဆံသားကိုပျက်စီးစေပါတယ်။ ဒါကြောင့် ကလေးအတွတ် ထုတ်ထားတဲ့ ထုတ်ကုန်တွေကိုပဲ ရွေးဝယ်စေချင်ပါတယ်။

ဆံပင်ပါးနေတဲ့ သင့်ကလေး ဆံပင်ထူလာစေဖို့ ဆံပင်အတွက် အရေးကြီးတဲ့ အာဟာရဓာတ်တွေ ရနေဖို့နှင့် ဆံပင်ပျက်စီးတာကနေ ကာကွယ်တာထက် ပိုကောင်းတဲ့ နည်းလမ်း မရှိနိုင်တော့ပါဘူး။