backup og meta

ဘေဘီလေးတွေသောက်သင့်တဲ့ ရေပမာဏ

ထမင်းအသက် ၇ ရက်ရေအသက် တစ်မနက်တဲ့။ ကားတွေမောင်းလို့ရဖို့လောင်စာဆီလိုသလို ဦးနှောက်ကစလို့ ခန္ဓါကိုယ်တစ်ခုလုံးက အစိတ်အပိုင်းတွေကောင်းကောင်းလည်ပတ်စေဖို့အတွက်ရေလိုအပ်ပါမယ်နော်။ရေက ခန္ဓါကိုယ်အတွက် မရှိမဖြစ်လိုအပ်တဲ့ အာဟာရတစ်ခုပါ။ လူတစ်ယောက်ဟာ အစားမစားရဘဲ ၆ ပတ်လောက်အထိ အသက်ရှင်နိုင်ပေမယ့်ရေမသောက်ရဘဲ တစ်ပတ်ထက်ပိုမနေနိုင်ပါဘူးလို့လေ့လာချက်တွေအရသိရပါတယ်။ လူကြီးတစ်ယောက်တောင်ဒီလောက်ဆိုရင် နုနယ်သေးတဲ့ ကလေးတွေဆိုရေဓါတ်ကို ဘယ်လောက်တောင်လိုအပ်မလဲနော်။

ရေကခန္ဓါကိုယ်အတွက် ဘာတွေလုပ်ပေးလဲ

လူတစ်ယောက်ခန္ဓါကိုယ်အလေးချိန်ရဲ့ ၆၀ ရာခိုင်နှုန်းကရေတွေပါ။ ဒီလောက်ခန္ဓါကိုယ်မှာနေရာယူထားတဲ့ရေက ခန္ဓါကိုယ်ရဲ့ လုပ်ငန်းဆောင်တာတော်တော်များများမှာ အဓိကဇာတ်လိုက်အဖြစ်ပါဝင်နေပါတယ်။ ဒီလိုအဓိကနေရာက တာဝန်ယူထားတဲ့ရေက ခန္ဓါကိုယ်အတွက် ဒီလိုလုပ်ဆောင်ပေးပါတယ်နော်။

ကလေးတစ်ယောက်အနေနဲ့ တစ်နေ့တာကိုရေဘယ်လောက်သောက်ဖို့လိုမလဲ

ကလေးတစ်ယောက်ချင်းစီမှာ အသက်အရွယ်၊ ကိုယ်အလေးချိန်နဲ့ယောက်ျားလေး၊မိန်းကလေး ကွာဟမှုကိုလိုက်ပြီး လိုအပ်တဲ့ရေပမာဏကလည်း ကွာခြားနိုင်ပါတယ်။ ကလေးအသက်အရွယ်အလိုက်တစ်နေ့ကိုရေပမာဏဘယ်လောက်သောက်ရမလဲဆိုတာကိုပြောပြပေးမယ်နော်။

  • လမ်းလျှောက်တတ်စအရွယ် တစ်နေ့ကိုရေ ၂ ခွက် ကနေ ၄ ခွက်
  • အသက် ၄ နှစ်ကနေ ၈ နှစ် တစ်နေ့ကိုရေ ၇ ခွက်
  • အသက် ၉ နှစ်ကနေ ၁၃ နှစ်ယောက်ျားလေးဆိုရင် တစ်နေ့ကိုရေ ၁၀ ခွက်၊ မိန်းကလေးဆိုရင် တစ်နေ့ကိုရေ ၉ ခွက်
  • အသက် ၁၄ နှစ်ကနေ ၁၈ နှစ်ယောက်ျားလေးဆိုရင် တစ်နေ့ကို ရေ ၁၄ ခွက်၊ မိန်းကလေးဆိုရင် တစ်နေ့ကို ရေ ၁၀ ခွက် သောက်သုံးပေးရပါမယ်။

တကယ်လို့ ကလေးကပြေးလွှားဆော့မယ်၊ ကိုယ်လက်လေ့ကျင့်ခန်းလုပ်မယ် ဆိုရင်ရေကပိုမိုလိုအပ်မှာပါ။ ဒီလိုမျိုးအချိန်တွေမှာ ကလေးက ကစားရင်းဖြစ်ဖြစ်၊ ကစားပြီးချိန်ဖြစ်ဖြစ်ရေကို ပုံမှန်ထက် ၂ ခွက်ကနေ၃ခွက်လောက်အထိပိုသောက်တာမျိုးရှိနိုင်ပါတယ်။ ကလေးကရေအများကြီးသောက်တာကို သိပ်စိုးရိမ်ဖို့မလိုပါဘူး။ ကလေးဆိုတာက လှုပ်ရှားလိုက်၊ မောလိုက်၊ ချွေးထွက်လိုက်၊ရေသောက်လိုက်က ပုံမှန်လုပ်ငန်းစဉ်တစ်ခုပါပဲ။ တကယ်လို့ကလေးကရေသောက်နည်းရင်သာရေဓါတ်ခမ်းခြောက်မှာ စိုးရိမ်ရတာပါ။ ဒီလိုအချိန်မှာမေမေတို့အနေနဲ့ ကလေးကိုရေထဲမှာ ဘယ်ရီသီးလေးတွေထည့်စိမ်ပြီးတိုက်တာမျိုး ကလေးရေသောက်ချင်လာအောင်လုပ်ပေးရမှာဖြစ်ပါတယ်။ ကလေးကိုရေပဲမတိုက်ချင်ဘူးဆိုရင်တော့ရေဓါတ်ပြည့်ဝနေစေဖို့ ဖရဲသီး၊ ဆလတ်ရွက်၊သခွားသီးတို့လိုမျိုးရေဓါတ်ပြည့်ဝတဲ့ အသီးအနှံလေးတွေကိုကျွေးပေးပါ။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

[embed-health-tool-vaccination-tool]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Water: How Much Do Kids Need?https://www.eatright.org/fitness/sports-and-performance/hydrate-right/water-go-with-the-flow Accessed Date 14 December 2018

Smart Sips for Healthy Kidshttps://www.webmd.com/parenting/guide/kids-healthy-hydration#1 Accessed Date 14 December 2018

Why Drinking Water Is the Way to Gohttps://kidshealth.org/en/kids/water.html Accessed Date 14 December 2018

Waterhttps://healthy-kids.com.au/food-nutrition/drinks/water/ Accessed Date 14 December 2018

ယခုပုံစံ

19/09/2022

Aye Thi Mon မှ ရေးသားသည်။

Dr. Htet Htet Zaw Win မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ကလေးက မကြာခင်လမ်းလျှောက်တော့မှာလား

ဘေဘီလေးတွေကို နားသန့်ရှင်းပေးမယ်


Hello Sayarwon Panel မှ အချက်အလက်များ စစ်ဆေးထားပါသည်။ Aye Thi Mon မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 19/09/2022 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement