သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အစားစားရင်း အသက်ရှူရခက်တဲ့အခါ ဒါတွေလုပ်ပါ။ ။

    အစားစားရင်း အသက်ရှူရခက်တဲ့အခါ ဒါတွေလုပ်ပါ။  ။

    အသက်ရှူရခက်ေနတဲ့ လူတိုင်း စိတ်ညစ်ရတာ ထမင်စားတဲ့အချိန်ပါ။ ကျန်တဲ့အချိန်တွေမှာ ပါးစပ် နှာခေါင်းပေါင်းပြီး အသက်ရှူလို့ရပေမယ့် ထမင်းစားတဲ့အချိန် ပါးစပ်က အလုပ်လုပ်နေတော့ နှာခေါင်းတစ်ပေါက်တည်းနဲ့ အသက်ရှူရတဲ့အခါ အသက်ရှူရခက်လာပါတော့တယ်။ ဒီလိုမျိုး ထမင်းစားတိုင်း အသက်ရှူရကြပ်နေတဲ့ ပြဿနာကို ဘယ်လိုဖြေရှင်းကြမလဲ။ ။

    အစားစားချိန်မှာ ဖြစ်တာဆိုတော့ အစားကို ဘယ်လိုစားသင့်လဲဆိုတာ ကြည့်ရအောင် ။ ။

    ( ၁) ထမင်းမစားခင် တစ်နာရီလောက်အလိုမှာ အဆုတ်ကို ရှင်းနေအောင်ထားပါ။ ဘယ်လိုလုပ်ရမလဲဆိုတော့

    • အသက်ကို ပြင်းပြင်းရှိုက်ရှူပါ။
    • လည်ချောင်းထဲမှာ သလိပ်ရှိရင်ထုတ်ပါ။
    • ရင်ဘတ်ကိုနည်းနည်း ပုတ်ပေးပါ။
    • ပန်းနာရင်ကြပ်သမားတွေဆိုရင် ရှူဆေးရှူလို့ရပါတယ်။

    ( ၂ ) ထမင်းမစားခင် ခဏလောက် အနားယူလိုက်ပါ။

    ( ၃ ) ထမင်းစားတဲ့အချိန်မှာ မတ်မတ်ထိုင်စားပါ။ ဒါမှ ရင်ဝမ်းခြားကြွက်သားနဲ့ အဆုတ်ကြားထဲနေရာလွတ်ကျယ်ကျယ်ရသွားလို့ အသက်ရှူရလွယ်စေပါတယ်။

    ( ၄) အစားအများကြီးမစားပါနဲ့။ အစာအိမ်က ပြည့်တင်းနေတဲ့အခါ အဆုတ်နဲ့ ရင်ဝမ်းခြားကြွက်သားတို့နေရာကျယ်ကျယ် အလုပ်လုပ်နိုင်ဖို့အတွက် အစာအိမ်တင်းနေလို့ မဖြစ်ပါဘူး။

    ( ၅ ) အစာကို နည်းနည်းနဲ့ အကြိမ်ရေများများစားပါ။ တစ်ခါတည်းနဲ့ အပြည့်အကြပ်စားတဲ့အခါ ရင်ဝမ်းခြားကြွက်သားကို အစာအိမ်ကသွားထောက်နေသလိုဖြစ်လို့ အသက်ရှူရ ပိုခက်စေပါတယ်။

    ( ၆ )လေပွစေတဲ့ အစားအသောက်တွေကို ရှောင်ပါ။

    လေပွတဲ့အခါ ဗိုက်ကြီးတင်းနေတတ်ပြီ အသက်ရှူရခက်စေလို့ပါ။ ဒါေ့ကြာင့် လေပွစေတဲ့အစားအစာတွေဖြစ်တဲ့

    • ပဲ အမျိုးမျိုး
    • ကြက်သွန်နီ၊ ကြက်သွန်ဖြူ၊ ကြက်သွန်မိတ်
    • ပန်းဂေါ်ဖီ၊ ကော်ဖီထုတ်၊ ပန်းဂေါ်ဖီစိမ်းနဲ့ ပဲပင်ပေါက်
    • သခွားသီး၊ ပန်းသီး
    • မုန်လာဥဖြူ
    • ရေကညွန့်၊ ပြောင်းဖူး
    • ကာဘွန်ပါတဲ့ အချိုရည်တွေ
    • ဆီကြော်မုန့်တွေနဲ့ အစပ်ပါတဲ့ အစားအသောက်တွေကိုရှောင်ပါ။

    ( ၇ ) အစားကို ဖြေးဖြေးနဲ့ ကြေညက်အောင် ဝါးစားပါ. – ဖြေးဖြေနဲ့ ကြေညက်အောင် ဝါးမှ အစာခြေရလွယ် အစာလည်း မြန်မြန်ကြေပြီး ဗိုက်အောင့်တာ သက်သာစေလို့ အသက်ရှူချောင်စေမှာပါ။

    ဒီအချက်လေးတွေကို သာသေချာ လိုက်နာပြီး အစားစားမယ်ဆိုရင် ထမင်းစားတိုင်း အသက်ရှူကြပ်တဲ့ ပြဿနာတွေ ကင်းဝေးစေမှာ အသေအချာပါ ။ ။

    Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 02/08/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: