ခန္ဓာကိုယ်မှာ ပိုတက်ဆီယမ်နည်းနေပြီလား..........

ပိုတက်ဆီယမ်က ခန္ဓာကိုယ်အတွက် ဘာလုပ်ပေးလဲ…………….

ပိုတက်ဆီယမ်က ခန္ဓာကိုယ်ကြီး အကောင်းဆုံးလုပ်ဆောင်နိုင်စေဖို့ လိုအပ်တဲ့ သတ္တုဓာတ်တစ်မျိုးပါ။ ခန္ဓာကိုယ်က

ခန္ဓာကိုယ်မှာ ပိုတက်ဆီယမ် နည်းနေတယ်ဆိုတာ

ခန္ဓာကိုယ်မှာ ပိုတက်ဆီယမ် နည်းနေတယ်ဆိုတာ သွေးတွင်းမှာ ပိုတက်ဆီယမ်နည်းနေတဲ့ အခြေအနေကိုခေါ်တာပါ။ ဒီအခြေအနေကို hypokalemia လို့လည်း ခေါ်ပါတယ်။ ကိုယ်တွင်းမှာ ပိုတက်ဆီယမ် လုံလောက်မှု မရှိတဲ့အခါ ကျန်းမာရေးပြဿနာတွေကို ခံစားရနိုင်ပါတယ်။

ဘာတွေက ပိုတက်ဆီယမ်ကို နည်းစေနိုင်တာလဲ……….

သွေးတွင်းမှာ ပိုတက်ဆီယမ်နည်းတာကို အဓိကဖြစ်စေရတဲ့ အကြောင်းအရင်းက စားသောက်တဲ့ အစားအစာတွေထဲမှာ ပိုတက်ဆီယမ်ပါဝင်မှုနည်းနေတာကြောင့်ပါ။ နောက်ထပ်ဖြစ်နိုင်သေးတာကတော့ နေ့စဉ်လုပ်နေကျ အပြုအမူတွေထဲမှာ အခုလို အပြုအမူတွေကို လုပ်မိနေတာပါပဲ။

• အရက် အလွန်အကျွံသောက်တာ
• ချွေးထွက်များတာ
• ဖောလစ်အက်ဆစ် ချို့တဲ့တာ
• ပဋိဇီဝဆေးတွေ သောက်သုံးနေရတာ
• သွေးထဲမှာ ကီတုန်းတွေများနေတာ
• ဆီးရွှင်စေမယ့် ဆေးတွေကို အချိန်ကြာမြင့်စွာ သောက်သုံးနေရတာ
• ဆေးရွက်ကြီး သုံးစွဲတာ
• ပန်းနာရင်ကျပ် သက်သာစေမယ့်ဆေးတွေ အသုံးပြုနေရတာ
• မဂ္ဂနီဆီယမ် ပြည့်ဝအောင်မစားသုံးမိတာတွေကြောင့်လည်း ပိုတက်ဆီယမ်နည်းတဲ့ပြဿနာကို ခံစားရနိုင်ပါတယ်။

ပိုတက်ဆီယမ်နည်းနေတာကို ဘယ်လိုသိနိုင်မလဲ…………..

များသောအားဖြင့်ကတော့ ကိုယ်တွင်းမှာ ပိုတက်ဆီယမ်နည်းနေတာကို သွေးစစ်တာကနေတဆင့် သိနိုင်ပါတယ်။ ကိုယ်တွင်းမှာ ပိုတက်ဆီယမ်နည်းတဲ့အခါ လက္ခဏာက တစ်ခုမက ပြတတ်ကြပါတယ်။ ကိုယ်တွင်းမှာ ပိုတက်ဆီယမ် နည်းလာတဲ့အခါ

• အားနည်းမယ်
• ပင်ပန်းနွမ်းနယ်မယ်
• ကြွက်တက်မယ်
• ဝမ်းချုပ်မယ်
• သွေးပေါင်ချိန်မြင့်မယ်
• အစာခြေစနစ်မှာ ပြဿနာရှိမယ်
• ထုံကျဉ်မယ်
• အသက်ရှူရခက်မယ်
• စိတ်ခံစားမှု ပြောင်းလဲမယ် စတဲ့ လက္ခဏာတွေကို ခံစားရနိုင်ပါတယ်။

တကယ်လို့များ နှလုံးခုန်နှုန်းက ပုံမှန်မဟုတ်တဲ့ အခြေအနေမျိုးဖြစ်လာမယ်ဆိုရင် ဒါက သွေးတွင်းပိုတက်ဆီယမ် နည်းပါးမှုရဲ့ အပြင်းထန်ဆုံးသော နောက်ဆက်တွဲလက္ခဏာတစ်ရပ်ပါ။ နှလုံးရောဂါရှိသူတွေမှာ အခုလို လက္ခဏာတွေက အဖြစ်များပါတယ်။ ဒီလိုအခြေအနေမျိုးမှာ ဆရာဝန်နဲ့ သေချာပြပြီး လိုအပ်တဲ့ ကုသမှုကို ခံယူဖို့ လိုပါမယ်။

ပိုတက်ဆီယမ်ကြွယ်ဝတဲ့ အစားအစာတွေက ဘာတွေများလဲ…………..

ပိုတက်ဆီယမ်ကြွယ်ဝတဲ့ အစားအစာတွေက

• ငှက်ပျောသီး
• လိမ္မော်သီး
• သခွားမွှေး
• တရုတ်ဇီးသီး
• ဂရိတ်ဖရုစ်
•  စွံပလွန်သီး
• စပျစ်သီးခြောက်
• အာလူး
• ထောပတ်သီး
• ပန်းဂေါ်ဖီစိမ်း
• ဟင်းနုနွယ်
• မှို
• သခွားသီး
• ပဲ စတာတွေက ပိုတက်ဆီယမ်ကြွယ်ဝတဲ့ အစားအစာတွေပါ။ နေ့စဉ် စားသုံးမှုမှာ ၂ မျိုးလောက် ပါအောင် စားသုံးရင်ကို အဆင်ပြေပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။