backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်
မာတိကာ

ကြက်ဟင်းခါးညွန့် စားပေးသင့်တဲ့ အကြောင်းအရင်း

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 31/10/2022 တွင် အသစ်ဖြည့်စွက်ခဲ့သည်။

ကြက်ဟင်းခါးညွန့် စားပေးသင့်တဲ့ အကြောင်းအရင်း

ကြက်ဟင်းခါးသီးကို ဆေးဖက်ဝင်တယ်လို့ သိထားပြီး ဖြစ်ပေမယ့် ကြက်ဟင်းခါးညွန့် ဘယ်လို ဆေးဖက်ဝင်လဲဆိုတာကိုတော့ သိသူက ခပ်ရှားရှားပါ။ ဒါပေမယ့် ကြက်ဟင်းခါးညွန့်ကို ဗိုင်းရပ်စ်တွေ တိုက်ဖျက်ဖို့၊ ငှက်ဖျား၊ ဝက်သက်လိုမျိုး ကျန်းမာရေး ပြဿနာတွေ သက်သာစေဖို့ အရင်ကတည်းက အသုံးပြုခဲ့ကြသလို ဆီးချို ကျစေဖို့ သွေးတိုးသက်သာစေဖို့နဲ့ ကလေးမွေးဖွားရလွယ်ကူစေဖို့ ရှေးယခင် ကာလတွေကတည်းက အသုံးပြုခဲ့ကြပါတယ်။

ဒီတစ်ခေါက်တော့ ကြက်ဟင်းခါးညွန့် ဘယ်လို ဆေးဖက်ဝင်လဲဆိုတာကို ပြောပြပေးချင်ပါတယ်။

ကြက်ဟင်းခါးညွန့် ဆိုတာ

ကြက်ဟင်းခါးညွန့် ဆိုတာ ကြက်ဟင်းခါးပင်ရဲ့ အရွက်နုလေးတွေပါ။ အစိမ်းနုရောင်လေး ရှိပြီး အရွက်လေးတွေက ရွက်မြှောင်း ၃ ခု ၄ ခုလောက် ရှိပါတယ်။ အနားလေးတွေက ခပ်တွန့်တွန့်လေးနဲ့ နွယ်တက်နေတဲ့ အပင်လေးတစ်မျိုးပါ။

အတို့အမြှုပ်အဖြစ် စားကြပြီး ဆေးဖြစ်ဝါးဖြစ်ရယ် ဆိုတာထက် ဟင်းလျာ တစ်ရပ်အနေနဲ့ စားကြတာများပါတယ်။ အာရှဒေသအတော်များများမှာ ပေါက်ရောက်ကြပါတယ်။

ကြက်ဟင်းခါးညွန့်ရဲ့ အာဟာရတန်ဖိုး

ကြက်ဟင်းခါးညွန့်မှာ အခုလို အာဟာရဓာတ်တွေ ပါဝင်နေပါတယ်။

  • ကာဗိုဟိုက်ဒရိတ်
  • ပရိုတင်း
  • ဗီတာမင် K
  • ဗီတာမင် B6
  • ဗီတာမင် B9
  • ဗီတာမင် B2
  • ဗီတာမင် C နဲ့
  • သံဓာတ်
  • ကယ်လ်ဆီယမ်
  • ဖော့စဖရိတ်တို့ ပါဝင်နေပါတယ်။
  • ကြက်ဟင်းခါးညွန့် စားပေးသင့်တဲ့ အကြောင်းအရင်း

    ကြက်ဟင်းခါးညွန့် စားပေးသင့်တဲ့ အကြောင်းအရင်း

    ကြက်ဟင်းခါးညွန့် စားပေးတာက အခုလို ကျန်းမာရေး အကျိုးကျေးဇူးတွေ ရရှိစေနိုင်ပါတယ်။

    ဆီးချို သက်သာစေနိုင်တယ်

    ကြက်ဟင်းခါးညွန့်ကို ပြုတ်တို့တာဖြစ်ဖြစ်၊ အရွက်ကို ကြိတ်ခြေပြီး ရလာတဲ့ သတ္တုရည်ကို သောက်ပေးတာဖြစ်ဖြစ်၊ ပြုတ်ရည်ကိုသောက်တာဖြစ်ဖြစ် သောက်ပေးမယ်ဆိုရင် အမျိုးအစား – ၂ ဆီးချိုရောဂါကို သက်သာစေနိုင်မှာဖြစ်သလို ကာကွယ်ရာလည်းရောက်ပါတယ်။  ကြက်ဟင်းခါးညွန့်က သွေးတွင်းသကြားဓာတ်ကို ထိန်းညှိပေးနိုင်တာကြောင့်ပါ။

    လိပ်ခေါင်း သက်သာစေနိုင်တယ်

    လိပ်ခေါင်းရောဂါခံစားနေရသူတွေအနေနဲ့ ကြက်ဟင်းခါးညွန့်သတ္တုရည်ကို သောက်ပေးလို့ရပါတယ်။ မနက်ခင်းတိုင်း ကြက်ဟင်းခါးညွန့်ကြိတ်ရည်ကို သောက်သုံးပေးတာက လိပ်ခေါင်းသက်သာစေဖို့ အကောင်းဆုံး အထောက်အကူပြုပေးနိုင်မှာပါ။

    ဝမ်းပျက်ဝမ်းလျှော သက်သာစေနိုင်တယ်

    ဝမ်းပျက်ဝမ်းလျှောဖြစ်နေတာကို သက်သာချင်တယ်ဆိုရင် ဝမ်းပျက်ဝမ်းလျှောဖြစ်ဖြစ်ချင်းမှာ ကြက်ဟင်းခါးညွန့်ကြိတ်ရည်ကို သောက်ပေးလို့ရပါတယ်။

    ပန်းနာရင်ကျပ်ရောဂါ သက်သာစေနိုင်တယ်

    ပန်းနာရင်ကျပ်ရောဂါကို သက်သာစေဖို့ဆိုရင် ကြက်ဟင်းခါးညွန့်နဲ့ ပင်စိမ်းရွက်တို့ကို ဆတူရောလို့ ကြိတ်ပြီး ရလာတဲ့အနှစ်ကို ပျားရည်နဲ့ ရောပြီး လက်ဖက်ရည်ဇွန်းတစ်ဇွန်းစာ မနက်ခင်းမှာ စားသုံးပေးပါ။ ကာကွယ်ဖို့ရော ကုသဖို့ပါ အသုံးပြုလို့ရပါတယ်။

    လည်ချောင်းနာတာ သက်သာစေနိုင်တယ်

    လည်ချောင်းနာတာကို သက်သာစေဖို့အတွက်လည်း ရေနွေးဆူဆူထဲကို ကြက်ဟင်းခါးညွန့်နဲ့ ပင်စိမ်းရွက်တို့ကို ထည့်လို့ ၁၅ မိနစ်လောက်ထားပြီး ပျားရည်အနည်းငယ်ထည့်လို့ သောက်ပေးလို့ရပါတယ်။ အဖျားရှိခဲ့ရင်လည်း ဒီနည်းက အသုံးဝင်ပါတယ်။

    အဆစ်ရောင်နာ သက်သာစေနိုင်တယ်

    အဆစ်တွေရောင်ရမ်းနာကျင်နေတာကို သက်သာစေဖို့ဆိုရင် ကြက်ဟင်းခါးညွန့်ကို ကြိတ်လို့ရလာတဲ့ အရည်ထဲကို ပျားရည်နည်းနည်းထည့်လို့ သောက်ပေးလို့ရပါတယ်။

    အသည်းရောင် အသားဝါ သက်သာစေနိုင်တယ်

    အသည်းရောင်အသားဝါရှိသူတွေ အနေနဲ့လည်း သက်သာစေဖို့ ကြက်ဟင်းခါးညွန့်ကို စားသုံးပေးလို့ရပါတယ်။

    အရေပြားပြဿနာ သက်သာစေနိုင်တယ်

    အရေပြားပြဿနာအမျိုးမျိုးအတွက်လည်း ကြက်ဟင်းခါးညွန့်ကို ကြိတ်ခြေပြီး လိမ်းပေးလို့ရပါတယ်။ အပူလောင်တာကနေစလို့ အနာတွေဖြစ်တာအထိ အရေပြားပြဿနာ အမျိုးမျိုး အတွက် ကြက်ဟင်းခါးညွန့်ကို အသုံးပြုပေးလို့ရပါတယ်။

    လက်ဖျားခြေဖျားတွေပူတာ သက်သာစေနိုင်တယ်

    လက်ဖျားခြေဖျားတွေမှာ  ပူသလိုလို စပ်ဖျဉ်းဖျဉ်းဖြစ်တာမျိုးတွေကို သက်သာစေဖို့လည်း ကြက်ဟင်းခါးညွန့်ကြိတ်ရည်ကို လိမ်းပေးလို့ရပါတယ်။

    သွေးတိုးကျစေနိုင်တယ်

    သွေးတိုးရှိသူတွေအနေနဲ့ သွေးပေါင်ချိန်ကို ထိန်းညှိနိုင်ဖို့ဆိုရင် ကြက်ဟင်းခါးညွန့်ကို စားပေးလို့ ရပါတယ်။ ရေနွေးကြမ်းအနေနဲ့ သောက်ပေးလို့လည်း ရပါတယ်။

    ကဲ ….. ဒါကြောင့် ကြက်ဟင်းခါးညွန့်စားပေးသင့်တယ်လို့ ပြောရတာပါ။

    ဘယ်သူတွေ မစားသုံးသင့်ဘူးလဲ။

    ကြက်ဟင်းခါးညွန့်က ကျန်းမာရေးအတွက် အကျိုးများတာ မှန်ပေမယ့်

    • အရမ်းငယ်သေးတဲ့ ကလေးငယ်တွေ
    • နို့တိုက်မိခင်တွေ
    • ရောဂါအခံရှိသူတွေ
    • ကျန်းမာရေး အခြေအနေ တစ်ရပ်ရပ်ကြောင့် ဆေးသောက်နေရသူတွေက ဆရာဝန်နဲ့ တိုင်ပင်ပြီးမှ စားသုံးသင့်ပါတယ်။

    အလွန်အကျွံစားသုံးတာကိုလည်း ရှောင်သင့်ပါတယ်။ ကြက်ဟင်းခါးညွန့်က ဆေးဖက်ဝင်တတယ်ဆိုပေမယ့် ကောင်းကျိုးဆိုးကျိုးတွေကို တိတိကျကျ လေ့လာဖို့ လိုသေးတာကြောင့် ရောဂါတစ်ခုခုခံစားရတဲ့အခါ  တတ်ကျွမ်းနားလည်သူနဲ့သာ ကုသသင့်ပါတယ်။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Aye Thi Mon


    Aye Thi Mon မှ ရေးသားသည်။ · 31/10/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement