ဘယ်နေရာမှာမဆို ကောင်းကျိုးဆိုးကျိုးဒွန်တွဲနေသလိုပဲ လေ့ကျင့်ခန်းလုပ်ပြီးချိန် အိပ်စက်ခြင်းကြောင့် အောက်ပါဆိုးကျိုးတွေ ရှိနိုင်ပါတယ်။
ကောင်းစွာ မအိပ်စက်နိုင်ခြင်း။ လေ့ကျင့်ခန်းပြုလုပ်ချိန်မှာ အင်ဒေါ်ဖင်ဟော်မုန်းနဲ့ ကိုယ်အပူချိန် တက်လာနိုင်ပါတယ်။ အဆိုပါအချိန်မှာ ဦးနှောက်နဲ့ ကိုယ်ခန္ဓာကို နိုးကြားလာစေပါတယ်။ လေ့ကျင့်ခန်းလုပ်ပြီးချိန် ပင်ပန်းတာကြောင့် ခဏတာ မှေးလိုက်ပေမယ့် အဆိုပါနိုးကြားမှုကလည်း ကျန်နေသေးရင် အိပ်ရေးကောင်းကောင်းမဝတာ ဖြစ်နိုင်ပါတယ်။
မလန်းဆန်းခြင်း။ မှေးပြီး ပြန်ထချိန်မှာ မူးနောက်နောက်နဲ့ မလန်းဆန်းဘဲ ဖြစ်တတ်ပါတယ်။ ဒီအခြေအနေကို ဆက်လက်ပြီး အိပ်ချင်စိတ်ပေါ်ခြင်း (sleep inertia) လို့ ခေါ်ပါတယ်။
ညအချိန် အိပ်မပျော်ခြင်း။ ခဏတာမှေးစက်ခြင်းအားဖြင့် တစ်နေ့တာလိုအပ်တဲ့ အိပ်ချိန်ကို ဖြည့်တင်းပေးရာ ရောက်ပေမယ့် ညအချိန်အိပ်စက်ခြင်းအတွက် အနှောင့်အယှက်ဖြစ်စေပါတယ်။ ညကျမှ အိပ်မပျော်တာမျိုး ကြုံနိုင်ပါတယ်။
ဘယ်လောက်ကြာကြာအိပ်သင့်သလဲ
မိနစ်နှစ်ဆယ်ခန့်သာ အိပ်သင့်ပါတယ်။ နာရီဝက်ကျော်ရင် sleep inertia အခြေအနေ ကြုံနိုင်ပါတယ်။ မအိပ်ခင် ရေအဝသောက်သင့်ပါတယ်။ နံနက်စောစော လေ့ကျင့်ခန်းလုပ်ပြီးချိန်ဆိုရင် အိပ်သင့်ပါတယ်။ ဒါပေမယ့် ညနေပိုင်း လေ့ကျင့်ခန်းလုပ်ရင်တော့ ပြန်မှေးတာမျိုးမလုပ်ဘဲ ညကျမှ ခပ်စောစော အိပ်သင့်ပါတယ်။ မအိပ်ခင်မှာ အကြောလျှော့သင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။