သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

လေ့ကျင့်ခန်း ပုံမှန်လုပ်ခြင်းကြောင့် ရနိုင်မယ့် အကျိုးကျေးဇူးတွေ ။

    လေ့ကျင့်ခန်း ပုံမှန်လုပ်ခြင်းကြောင့် ရနိုင်မယ့် အကျိုးကျေးဇူးတွေ ။

    လေ့ကျင့်ခန်း ပုံမှန်လုပ်တာဟာ ကောင်းတဲ့ အလေ့အကျင့်တစ်ခုဆိုတာ လူတိုင်းသိကြမှာပါ ။အဆီတွေကျဖို့၊ ကိုယ်အလေးချိန်တက်ဖို့၊ ကြွက်သားတွေ တက်စေဖို့ အပြင် လေ့ကျင့်ခန်းမှာ ကျန်းမာရေးအတွက် အကျိုးပြုတဲ့ အခြား အရာတွေ အများကြီးရှိပါသေးတယ်။ ပိန်ချင်တာတစ်ခုတည်းကြောင့် လေ့ကျင့်ခန်းလုပ်တာတော့မှန်ပါတယ်။ ဒါပေမယ့် ကိုယ်အလေးချိန်ကျတာက နောက်မှာ ခုပြောပြမယ့် အကျိုးကျေးဇူးတွေ အရင်ရမှာမို့ လေ့ကျင့်ခန်းမှာ ဘယ်လိုအကျိုးကျေးဇူးတွေ ရလဲဆိုတာ ကြည့်ရအောင် ။ ။

    လေ့ကျင့်ခန်းပုံမှန်လုပ်ခြင်းကြောင့် ရနိုင်တဲ့ အကျိုးကျေးဇူးတွေ

    လေ့ကျင့်ခန်းက ကိုယ်ခန္ဓာကို အသုံးပြုပြီးလုပ်ရတာမှန်ပေမယ့် လေ့ကျင့်ခန်းလုပ်တာကြောင့် ရနိုင်တဲ့ အကျိုးကျေးဇူးတွေက စိတ်ရော ကိုယ်ပေါ်မှာပါ သက်ရောက်မှုရှိပါတယ်။

    ( ၁ ) ကိုယ်အလေးချိန်ကို ထိန်းညှိပေးပါတယ်။

    လေ့ကျင့်ခန်းက ကိုယ်စားလိုက်တဲ့ ကယ်လိုရီ တွေ လောင်ကျွမ်းအောင် အားပေးတယ်၊ ပိုနေတဲ့ အဆီတွေကို ဖြိုခွဲပေးတယ်။ ဒါ့ကြောင့် လေ့ကျင့်ခန်း ပုံမှန်ုလုပ်နေတဲ့သူတစ်ယောက်ရဲ့ ကိုယ်ခန္ဓာက အမြဲအချိုးကျနေမှာဖြစ်တဲ့အပြင် ကိုယ့် ခန္ဓာကိုယ်နဲ့ ပက်သက်ပြီး ကိုယ့်ကိုယ်ကိုယ် ယုံကြည်မှုအမြဲရှိနေမှာပါ။

    ( ၂ ) နာတာရှည်ရောဂါတွေကို ကာကွယ်ပေးပါတယ်။

    ပုံမှန်လေ့ကျင့်ခန်းလုပ်တာကြောင့် လူတိုင်းကို ဒုက္ခပေးတဲ့နာတာရှည်ရောဂါတွေဖြစ်တဲ့ ဆီးချို၊ သွေးတိုး၊ နှလုံး၊ သွေးကြောကျဉ်း၊ လေဖြတ်တာနဲ့ ကင်ဆာ ရောဂါတို့ဟာ သင့်နဲ့ အဝေးဆုံးမှာ ရှိနေမှာပါ။

    (၃ ) ကိုယ်ခန္ဓာကို ကြံ့ခိုင်သန်စွမ်းစေပါတယ်။

    ပုံမှန်လေ့ကျင့်ခန်းလုပ်နေတဲ့သူတစ်ယောက်ဟာ မလုပ်တဲ့သူထက် သက်လုံပိုင်းမှာရော ကိုယ်ခန္ဓာကြံ့ခိုင်မှု အပိုင်းမှာရော ပိုပြီးသန်စွမ်းမှုရှိနေမှာ အမှန်ပဲ ဖြစ်ပါတယ်။ ဘာကြောင့်လဲဆိုတော့ စားထားတဲ့ အာဟာရဓာတ်တွေနဲ့ အရေးကြီးတဲ့ အောက်ဆီဂျင်တွေက လေ့ကျင့်ခန်းလုပ်နေစဉ် တစ်ရှူးတွေဆီ အလုံအလောက်ရောက်သွားတယ်ရယ်၊ လေ့ကျင့်ခန်းလုပ်ချိန်အတွင်းမှာ အသုံးပြုရတဲ့ ကြွက်သားနဲ့ အရိုးတွေ သန်မာလာတာကြောင့်ရယ်ဖြစ်ပါတယ်။ နောက်ပြီး လေ့ကျင့်ခန်းက ခုခံအားစနစ်ကိုလည်း အားပေးတဲ့ အရာတစ်ခုပါ။

    ( ၄ ) စိတ်ကို လန်းဆန်းစေပါတယ်။

    Gym စစချင်းသွားဖို့၊ လေ့ကျင့်ခန်းစလုပ်ဖို့ ပျင်းနေ စိတ်ညစ်နေပေမယ့် တကယ်လုပ်ပြီးသွားတဲ့အချိန်ကျ ကျေနပ်ပျော်ရွင်တဲ့ခံစားချက်တစ်မျိုး ခံစားရတယ်ဆိုတာ gym သွားတဲ့လူတိုင်းသိပါတယ်။ ကိုယ်လက်လှုပ်ရှားမှုလုပ်တဲ့အချိန်မှာ ဦးနှောက်ဆီကနေ endorphins လို့ခေါ်တဲ့ ဟော်မုန်းတစ်မျိုးထွက်လာပါတယ်။ အဲဒီ endorphins ဟော်မုန်းက စိတ်ကိုပျော်ရွင်စေတဲ့အပြင် စိတ်ကျရောဂါနဲ့ စိုးရိမ်ပူပန်လွန်တဲ့ ပြဿနာတွေကို ပါဖြေရှင်းပေးပါတယ်။

    ( ၅ ) စားကောင်း အိပ်ပျော်စေပါတယ်။

    လေ့ကျင့်ခန်းလုပ်ထားတဲ့ ရက်မှာ မြင်သမျှစားချင်နေတတ်ပြီး စားသမျှလည်း ကောင်းနေပါလိမ့်မယ်။ ညရောက်ရင်လည်း လေ့ကျင့်ခန်းကြောင့် ပင်ပန်းထားရတဲ့ဒဏ်နဲ့ တန်းပြီး အိပ်ပျော်မှာ ကျိန်းသေပါတယ်။

    ( ၆ ) ဓမ္မတာကြောင့် ကိုက်ခဲတာတွေကိုလည်း သက်သာစေမှာပါ။

    ဒါကလည်း လေ့ကျင့်လုပ်တဲ့ ပျိုမေတိုင်း ခံစားရတဲ့ အကျိုးကျေးဇူးတစ်ခုပါ။ လေ့ကျင့်ခန်း လုပ်စဉ် ထွက်နေတဲ့ endorphins ဟော်မုန်းက morphine လိုမျိုး အနာသက်သာစေတဲ့အာနိသင်ရှိတာကြောင့် ဓမ္မတာလာစဉ်ခံစားရတဲ့ကိုက်ခဲတဲ့ဝေဒနာတွေကို သက်သာစေမှာပါ။

    ( ၇ ) အသားအရေကို ကြည်လင်စေပါတယ်။

    လေ့ကျင့်ခန်းလုပ်တဲ့အချိန် ထွက်သွားတဲ့ချွေးတွေနဲ့အတူ အဆိပ်အတောက်တွေပါ ထွက်သွားတာကြောင့် အသားအရေ တွေပါ ကြည်လင်သွားမှာ ကျိန်းသေပါတယ်။

    ကဲဒီတော့ စိတ်ရောကိုယ်ပါ ကို အကျိုးရှိစေတဲ့ လေ့ကျင့်ခန်းလုပ်ဖို့ ဘာကြောင့် ပျင်းနေမှာလဲ။ ခုပဲ gym သွားလိုက်ရအောင် ။ ။

    .

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Dr. Thin Yadanar @ Frances မှ ရေးသားသည်။ 11/07/2022 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: