အစာရေမျိုပြွန်ကင်ဆာကို ကြံ့ကြံ့ခံ ရင်ဆိုင်ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 27, 2020 . 2 mins read
Share now

လူတွေက တွေ့တိုင်း ပိန်သွားတယ်နော်။ ဝိတ်ချနေတာလားလို့ပဲ မေးနေတယ်။ တကယ်က ဝိတ်မချပါဘူး။ အစား စားလိုက်တိုင်း မျိုချရခက်လို့ မစားဘဲနေရင်းက အခုလို ဝိတ်ကျလာတာပေါ့။

ဒီလိုနဲ့ စားမဝင်ရင်းက ရင်ဘတ်ထဲက အောင့်အောင့်လာတာ၊ ချောင်းတွေဆိုးတာပါဖြစ်လာတော့ စိုးရိမ်ပြီး အိမ်က ဆရာဝန်နဲ့ ပြကြည့်ရအောင်လားဆိုတော့ ဆေးခန်းသွားပြဖြစ်တယ်။ လိုအပ်တဲ့ စစ်ဆေးမှုတွေကို ဆရာဝန်က ညွှန်ကြားပေးတယ်။ ဆေးစစ်ချက် အဖြေထွက်လာတော့ မျက်စိတွေပါပြာသွားတယ်။ ကမ္ဘာကြီးလည်းခြာခြာလည်သွားသလိုပဲ။ အစာရေမျိုပြွန် ကင်ဆာတဲ့လား။

မေးမိတာက ဆရာ ဒါဆို ကျွန်တော် သေရတော့မှာလားပေါ့။ ဒီမှာ ဆရာက ဒီလိုလည်း မဟုတ်သေးပါဘူးဆိုပြီး ရောဂါအကြောင်းရော ဘယ်လိုနေထိုင်ရမလဲဆိုတာကိုပါ ရှင်းပြပေးတယ်။

အစာရေမျိုပြွန်ကင်ဆာဆိုတာ

ကျွန်တော်တိုရဲ့ အစာခြေစနစ်က ပါးစပ်ကနေ စအိုဝအထိပါတယ်။ ဒီထဲမှာမှ လည်ပင်းကနေ အစာအိမ်အပေါ်ဘက်ပိုင်းကို ဆက်ထားတဲ့ ပြွန်ရှည်ရှည် တစ်ချောင်းရှိတယ်။ ပိုက်လုံးလို့ပေါ့။ ဒီပြွန်က စားလိုက်တဲ့ အစာတွေကို ချေဖျက်ဖို့ အစာအိမ်ဆီပို့ပေးတယ်။ သူ့ကိုအစာရေမျိုပြွန်ခေါ်တာပေါ့။

အခု ကင်ဆာဖြစ်နေတယ်ဆိုတာ အဲ့အစိတ်အပိုင်းလေးမှာပေါ့။ အစာရေမျိုပြွန်ကင်ဆာ ဘယ်လိုစဖြစ်လဲဆိုရင် အစာရေမျိုအတွင်းနံရံဆဲလ်တွေကနေစတာပေါ့။ အစာရေမျိုပြွန်ရဲ့ ဘယ်နေရာမှာဖြစ်ဖြစ် အစာရေမျိုပြွန်ကင်ဆာပဲလေ။ အမျိုးသားရော အမျိုးသမီးမှာပါဖြစ်နိုင်တယ်။ အဖြစ်လည်း များတယ်တဲ့။

အစာရေမျိုပြွန်ကင်ဆာဖြစ်ရင် ဘာလက္ခဏာတွေ ခံစားရနိုင်လဲ။

အစာရေမျိုပြွန်ကင်ဆာဖြစ်ပြီဆိုရင် အခုလိုလက္ခဏာတွေ ခံစားရတတ်တယ်

  • အစာ မျိုချရခက်တာ
  • အစား စားချင်စိတ် မရှိတာ
  • ခြေကုန်လက်ပမ်း ကျတာ
  • အကြောင်းအရင်း မရှိဘဲ ဝိတ်ကျတာ
  • ရင်ဘတ်အောင့်တာ
  • ရင်ပူတာ
  • အစာမကြေတာ
  • ချောင်းဆိုးတာ
  • အသက်ရှူရင် တရွှီရွှီ မြည်တာမျိုးတွေခံစားရမယ်တဲ့။
    ဟုတ်သား…အခုခံစားနေရတဲ့ လက္ခဏာတွေနဲ့ တူလိုက်တာ။

ဘာကြောင့် အစာရေမျိုပြွန်ကင်ဆာဖြစ်ရတာလဲ။

အစာရေမျိုပြွန်ကင်ဆာဖြစ်စေတဲ့ အကြောင်းအရင်းတွေကတော့ တစ်ခုမကဘူးဆိုပဲ။

ဘယ်လို ကုသမှုတွေ ခံယူနိုင်မလဲ။

အစာရေမျိုပြွန်ကင်ဆာက မြန်မြန်သိ၊ မြန်မြန်ကုရင် သက်သာနိုင်ခြေများပါတယ်လို့ ဆရာကဆက်ပြောပြတော့ နည်းနည်းစိတ်ပေါ့သွားတယ်။ ကင်ဆာ အခြေအနေကို လိုက်ပြီး ခံယူရတဲ့ ကုသမှုတွေကတော့ ကွာတာပေါ့။ ဆေးပညာတွေ တိုးတက်လာတော့ အရင်ကထက်တော့ ပိုပြီး ကောင်းမွန် အဆင်ပြေလာပါပြီတဲ့။

ခွဲစိတ်ကုသမှုခံယူရတာလည်း ရှိတယ်။ ခွဲစိတ်ကုသမှုဆိုတဲ့နေရာမှာ

  • ကင်ဆာဆဲလ်တွေ နဲ့ ကင်ဆာဆဲလ်တဝိုက်က တစ်ရှူးတွေက ဖယ်ပစ်တာ၊ အစာရေမျို တစ်စိတ်တစ်ပိုင်းကို ဖယ်ပစ်တာ၊ အစာရေမျိုအောက်ဘက်ပိုင်းနဲ့ အစာရေမျို အထက်ပိုင်းနားလေးကို ဖယ်ပစ်တဲ့ ခွဲစိတ်မှု (open surgery)
  • အပေါက်ငယ်လေးတွေ ဖောက်ပြီး မှန်ပြောင်းလေးတွေ၊ စက်ရုပ်လက်တံတွေကို အသုံးပြုပြီး ခွဲစိတ်တဲ့ ခွဲစိတ်မှု (minimally invasive surgery) ဆိုပြီး ရှိတယ်တဲ့။

ဒါတွေတင်မကဘဲ

  • ဆေးရည်သွင်းပြီး ကင်ဆာဆဲလ်တွေကို နှိမ်နှင်းတဲ့ ဆေးသွင်းကုထုံး (Chemotherapy) ဆိုတာရှိတယ်။
  • x-ray အမြင့်စားကို သုံးပြီး ကင်ဆာဆဲလ်တွေကိုဖယ်ရှားတဲ့ ဓာတ်ရောင်ခြည်ကုထုံး (Radiation therapy) ဆိုတာလည်း ရှိသေးတယ်။
  • သူတို့ နှစ်ခုလုံးကို ပေါင်းစပ် အသုံးပြုရတဲ့ ကုထုံးကလည်း အစာရေမျိုကင်ဆာအတွက် ထိရောက်တဲ့ ကုထုံးတစ်ရပ်ပဲတဲ့။
  • ဒါ့အပြင် ကင်ဆာဆဲလ်တွေရဲ့ကြီးထွားမှုကို ဟန့်တားပေးတာ ဒါမှမဟုတ် ကင်ဆာဆဲလ်တွေကို ဖျက်ဆီးပေးတဲ့ Targeted therapy ဆိုတဲ့ ကုထုံးကို အသုံးပြု ကုသလို့လည်းရတယ်။ ဒီကုထုံးကို ဆေးသွင်းကုထုံး (chemotheraphy) နဲ့ တွဲသုံးတာလည်း ရှိတယ်။
  • နောက်ဆုံးတစ်ခု ကျန်သေးတယ်။ ဒါကတော့ ကိုယ်ခံအားက ကင်ဆာဆဲလ်တွေကို တိုက်ထုတ်နိုင်စေဖို့ လှုံ့ဆော်ပေးတဲ့ ကုထုံးတစ်ရပ်ဖြစ်တဲ့ Immunotherapy ဆိုတာလည်း ရှိသေးတယ်။

ဒီကုထုံးတွေက သင့်တော်တဲ့ ကုထုံးကို ဆရာဝန်က ညွှန်ပေးတဲ့အတိုင်း စနစ်တကျ ဆက်ကုသမှု ခံယူခဲ့လိုက်တာ အခုတော့ တော်တော်လေး သက်သာနေပါပြီ။
ဆရာကမှာလိုက်သေးတယ် နောက်ဆက်တွဲ ကျန်းမာရေး ပြဿနာတွေ မဖြစ်အောင် ဆေးလိပ် နဲ့ အရက်ကိုဖြတ်ဖို့၊ အာဟာရ သင့်တင့်မျှတအောင် စားဖို့နဲ့ ကိုယ်လက်လှုပ်ရှားမှု လုပ်ဖို့ပေါ့။ ပုံမှန် ဆေးစစ်မှု ခံယူဖို့လည်း ပြောပါတယ်။ ဒါတွေကို လိုက်နာရင်း အခုတော့ ကျန်းကျန်းမာမာ ပျော်ပျော်ရွှင်နဲ့ အစာရေမျိုကင်ဆာကို အံတု နေထိုင်နေတယ်လေ။

ရောဂါဖြစ်ရင် ကြောက်ဖို့ မလိုပါဘူး။ အနာသိရင် ဆေးရှိပါတယ်။ မြန်မြန်သိ မြန်မြန် ကုသနိုင်ရင်တော့ ပိုထိရောက်တာပေါ့။ ကင်ဆာဆိုလို့ အသက် သေမယ်ချည်းပဲ မတွေးပါနဲ့။ တိုးတက်လာတဲ့ ဆေးပညာရဲ့ ထောက်ကူမှုနဲ့ လူ့သက်တမ်းစေ့ နေနိုင်ဖို့ ကြိုးစားကြည့်ကြပါ။

ဒီကုသမှုကို ကျွမ်းကျင်ဆရာဝန်ကြီးတွေ ရှိတဲ့ Mount Elizabeth ဆေးရုံကြီးမှာ နောက်ဆုံးပေါ်ကုထုံးတွေကို သုံးပြီး ကုသမှုခံယူခဲ့တာပဲ ဖြစ်ပါတယ်။

အစာရေမျိုပြွန်ကင်ဆာအတွက် နောက်ဆုံးပေါ် စစ်ဆေးမှုနည်းလမ်းများ၊ ကုသမှုများကို ပိုမိုသိရှိလိုပါက စင်ကာပူနိုင်ငံ Mount Elizabeth ဆေးရုံကြီးရဲ့ မြန်မာနိုင်ငံရုံးများမှာ ဆက်သွယ်မေးမြန်းနိုင်ပါတယ်။

ဆက်သွယ်ရန် –

Mount Elizabeth Hospitals Singapore, Myanmar Office

ရန်ကုန် Helpline : 09-430 66666, 09-430 66663

မန္တလေး Helpline: 09-430 66667, 09-7930 66667

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

Pepper Spray နဲ့ ဖြန်းခံထိတဲ့အခါ

Pepper Spray နဲ့ ဖြန်းမိတဲ့အခါ ဘာတွေ လုပ်ရမလဲ။ ဆေးခန်းပဲ ပြေးရမလား။ အိမ်မှာပဲ သက်သာအောင် လုပ်လို့ ရမလား။ ဘာတွေ ဖြစ်နိုင်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်မေမေ ကော်လာဂျင် သောက်လို့ရလား………………….

ကိုယ်ဝန်ဆောင်ချိန်မှာ သွေးလည်ပတ်မှုကောင်းတာကြောင့် အသားအရေက ကြည်လင်လှပနေသလို ဆံသားကလည်း နက်မှောင်နေတတ်ပါတယ်။ ဒါဆို ဒီလိုကာလမှာရော ကော်လာဂျင်က လိုဦးမှာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးရဲ့အနာဂတ် လှပစေဖို့အတွက် အာဟာရဇယားကို ဖတ်ပါ…..

အာဟာရဇယားကို ဖတ်တာက သားသားမီးမီးတို့ အနာဂတ် လှပအောင် ပုံဖော်ဖို့ မေမေတို့ မပျက်မကွက် လုပ်ဆောင်ရမယ့် အချက်လေး တစ်ခုပါ။ မေမေရော..........

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို ချင်း (ဂျင်း) ကျွေးလို့ရရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား ... ချင်း က ဘေဘီလေးတွေအပေါ် ဘယ်လိုသက်ရောက်မှုတွေဖြစ်စေနိုင်လဲဆိုတာ မေမေတွေ သိထားဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
Uncategorized ဇန်နဝါရီ 20, 2021 . 2 mins read

သင့်အတွက် ရွေးချယ်ထားသည်

မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
home-remedies-for-eye-allergies မျက်လုံး ဓာတ်မတည့်မှု

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 2, 2021 . 2 mins read
စိတ်ပူပင်စရာ ကြောင့် ဖြစ်လာနိုင်တဲ့ ဝေဒနာများ

စိတ်ပူပင်စရာ ကြောင့် ဖြစ်လာနိုင်တဲ့ ဝေဒနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read