ဆီးချိုရောဂါရှင် တွေ ဥပုသ်စောင့်လို့ရလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇူလိုင် 17, 2020 . 2 mins read
Share now

ဝါတွင်းရောက်ပြီဆိုတော့ သူသူကိုယ်ကိုယ် ဥပုသ်စောင့်ဖို့ ပြင်ဆင်နေကြပါပြီ။ မနှစ်ကလို ဘုန်းကြီးကျောင်းတို့၊ တရားစခန်းတို့သွားပြီး ဥပုသ်စောင့်ဖို့ မလွယ်ဘူးဆိုတော့ အိမ်မှာပဲ စောင့်ရတော့မှာပေါ့။ ဒီထဲမှာ မေးလာကြတာက ဆီးချိုရောဂါရှင် တွေရော ဥပုသ်စောင့်လို့ ရလားဆိုတာပါပဲ။ ဥပုသ်စောင့်ချင်ပေမယ့် ဆီးချိုရောဂါကြောင့် စောင့်ရင် ကောင်းမလား၊ မစောင့်ရင်ကောင်းမလား တွေးနေကြသူတွေ အများကြီးပါ။ ဘာလို့လဲဆိုတော့ ဆီးချိုရောဂါရှင် တွေက အစာနဲ့ ဆေးနဲ့ တွဲနေရတာကိုး။ ဒီကြားထဲမှာ အင်ဆူလင်နဲ့ ဖောက်၊ ထိုး၊ စား လုပ်ရတဲ့ သူတွေလည်း ရှိသေးတယ်လေ။ သူတို့တွေအတွက် ဆီးချိုနှင့်ဟော်မုန်းရောဂါအထူးကုပညာဌာနက အကြံပြုထားတာလေးတွေကို မျှဝေပေးလိုက်ပါတယ်။

ဆီးချိုရောဂါရှင် တွေ ဥပုသ်စောင့်လို့ရလား။

ယေဘုယျအားဖြင့်တော့ စောင့်လို့ရပါတယ်။ ဒါပေမယ့်

  • ဥပုသ်မစောင့်မီက ဆီးချိုကောင်းကောင်းထိန်းနိုင်ရဲ့လား။
  • ဘယ်လိုအစားအစာမျိုးတွေ စားလေ့ရှိလဲ။
  • အရင်က မကြာခဏ ဆီးချိုကျတတ်တဲ့သူလား။
  • ဆီးချိုပုံမှန်စစ်ဆေးနိုင်ပါ့မလား။
  • နောက်ဆက်တွဲ ရောဂါ (ဥပမာ ကျောက်ကပ်ထိနေပြီလား)
  • နေ့တိုင်းစောင့်မှာလား၊ ဥပုသ်ရက်ပဲ စောင့်မှာလား စတဲ့အချက်တွေလည်း ထည့်သွင်းစဉ်းစားရမှာပါ။

ဒါကြောင့် အကောင်းဆုံးက ဥပုသ်စောင့်မယ်လို့ စဉ်းစားထားရင် အရင်ဆုံး ဆရာဝန်နဲ့ တိုင်ပင်ပါ။ စားဆေး၊ ထိုးဆေးတွေ ပြန်ညှိဖို့လိုပါတယ်။ ဘာတွေစားရမလဲဆိုတာလည်း ပြန်တိုင်ပင်ရမှာပါ။

ဆီးချိုဆေးတွေ ဆက်သောက်၊ ဆက်ထိုးလို့ရပါသလား။

ဒါကလည်း တော်တော်များများ သိချင်နေကြတာပါ။ ဆီးချိုဆေးတွေက အစာနဲ့ကိုက်ပြီး ပေးထားတာဆိုတော့ ခုတစ်နပ်လျှော့စားလိုက်ရင် ဆေးက မသောက်ရတော့ဘူးလား။ မသောက်လို့ ဆီးချိုမထိန်းနိုင်ရင် ဘယ်လိုလုပ်မလဲဆိုပြီး တွေးပူတတ်ကြပါတယ်။ တော်တော်များများ မနက်ပိုင်းဆေးတွေကတော့ သောက်လို့ရပါတယ်။ ညနေစာနဲ့ သောက်ရတဲ့ ဆေးတွေသာ မနက်ပိုင်းကို ရွေ့ရတာတို့၊ ဆေးအတိုးအလျှော့လုပ်ရတာတို့ ရှိတာပါ။

ဆေးထိုးမယ်ဆိုရင်လည်း တစ်နေ့တစ်ခါထိုးလား၊ နှစ်ခါထိုးလား၊ အကြည်လား၊ အနောက်လား စသဖြင့် ရှိပါတယ်။ ဒါတွေကိုရော ဘယ်လိုအတိုးအလျှော့ လုပ်မလဲ စသဖြင့် လူနာတစ်ယောက်နဲ့ တစ်ယောက် မတူတာမို့လို့ အသေးစိတ်ကို ဆရာဝန်နဲ့ တိုင်ပင်ပါ။

ဥပုသ်စောင့်ရင်း ဆီးချိုကျခဲ့ရင်

ဥပုသ်စောင့်တဲ့အချိန်မှာ ဆီးချိုကျသွားမလားဆိုပြီး စိုးရိမ်တဲ့သူတွေလည်း ရှိပါတယ်။ အရင်ဆုံး ဆီးချိုကျတဲ့ လက္ခဏာတွေကို ပြောပြပေးပါမယ်။ ဆီးချိုကျပြီဆိုရင်

  • ချွေးထွက်လွန်မယ်
  • အမြင်ဝါးမယ်
  • မူးဝေမယ်
  • ဆာလောင်မယ်
  • နှလုံးခုန်မြန်မယ်
  • ကတုန်ကရင်ဖြစ်မယ်
  • ပင်ပန်းနွမ်းနယ်မယ်

ဒါဆိုရင်တော့ ဆီးချိုဖောက်ကြည့်ပါ။ ၇၀ မီလီဂရမ်အောက်ဆိုရင် အချိုရည် ၁၅၀စီစီ ဒါမှမဟုတ် ဖန်ခွက်တစ်ဝက်သောက်ပါ။ သကြားလက်ဖက်ရည်ဇွန်း ၃-၄ဇွန်း ဒါမှမဟုတ် ဂလူးကို့စ် ၁၀ ဂရမ် ၂ထုပ်ကို ရေတစ်ဖန်ခွက်နဲ့ ဖျော်သောက်နိုင်ပါတယ်။  ၁၅မိနစ်နေရင် ဆီးချိုထပ်ဖောက်ကြည့်ပါ။

  • ၇၀ အထက်ဆိုရင် ထမင်းစားချိန်ဆို ထမင်းစားပါ။ ထမင်းစားချိန်မဟုတ်ရင် ဘီစကစ်၊ ပေါင်မုန့်၊ သစ်သီး တစ်ခုခု စားပါ။ မွန်းလွဲချိန်ဆို ထန်းလျက်၊ ကြံသကာ၊ သကြားလုံး၊ စတုမဓု စားနိုင်ပါတယ်။
  • ၇၀ အောက်ဆိုရင် ခုနကအတိုင်း တစ်ခေါက်ပြန်သောက်ပြီး ၁၅မိနစ်နေရင် ထပ်စစ်ပါ။ ၇၀အောက်ဆိုရင် နောာက်တစ်ကြိမ်ထပ်သောက်ပါ။ ၁၅မိနစ်နေရင် ထပ်စစ်ပါ။ ၃ကြိမ်ဆက်တိုက် သောက်ပြီးတာတောင် တက်မလာဘူးဆိုရင် နီးရာ ဆေးရုံ၊ ဆေးခန်းကို သွားပါ။

နောက်ထပ်သတိထားရမယ့် အချက်တွေကတော့

  • ဆီးချို မှန်မှန်ဖောက်ပေးပါ။ ဆေးတွေ ပုံမှန်သောက်ပေးပါ။
  • တစ်နပ်လျှော့စားရလို့ ဆီးချိုကျမှာစိုးပြီး ထမင်းတွေ အများကြီး မစားပါနဲ့။
  • အဆာခံအောင် အသီးအရွက်များများ၊ အသားများများ၊ ဥ၊ ပဲတွေကို စားပေးပါ။
  • မွန်းလွဲချိန်မှာ ဆီးချိုကျမှာစိုးလို့ အချိုရည်တွေ အများကြီးသောက်တာမျိုးလည်း ရှောင်ပေးပါ။

ဒီနည်းလမ်းတွေနဲ့ ဆိုရင်တော့ ဆီးချိုရောဂါကို ကောင်းကောင်းထိန်းနိုင်ပြီး စိတ်ချလက်ချ ဥပုသ်စောင့်နိုင်မှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အမျိုးအစား (၁) ဆီးချိုရောဂါရှိနေတဲ့ ကလေးကို ဘယ်လို ပျိုးထောင်ပေးမလဲ။

အမျိုးအစား (၁) ဆီးချိုရောဂါက ကလေးတွေမှာ အတွေ့ရများပါတယ်။ အစားအသောက်၊ ဆေးဝါးနဲ့ လေ့ကျင့်ခန်းတွေ လုပ်မယ်ဆိုရင် ရောဂါကို ထိန်းချုပ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အမျိုးအစား (၁) ဆီးချို

အမျိုးအစား (၁) ဆီးချို ဆိုတာက ဆီးချို အမျိုးအစားတစ်ခုပါ။ မွေးရာပါ ဆီးချိုဆိုလည်း မမှားပါဘူး။ မွေးကတည်းက ဖြစ်တဲ့ ကလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

COVID ကာလ အိပ်မပျော်တာ ဟော်မုန်းတစ်ခုခုဖောက်ပြန်နေလို့များလား

အိပ်မပျော်တာ ဟော်မုန်းကြောင့် ဖြစ်နိုင်သလို အိပ်ရေးပျက်ရင်လည်း ဟော်မုန်းတွေ ကမောက်ကမ ဖြစ်နိုင်ပါတယ်။ ဒါကြောင့် အိပ်ရေးဝဖို့ အရေးကြီးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 16, 2020 . 3 mins read

ပန်ကရိယလေး ကျန်းမာစေဖို့ လိုက်နာသင့်တဲ့ အလေ့အထများ

ပန်ကရိယ ကောင်းကောင်း အလုပ်မလုပ်တဲ့အခါ အင်ဆူလင် ဟော်မုန်းကို မထုတ်နိုင်တော့ဘဲ သွေးတွင်းသကြားဓာတ် မြင့်တက်ရာကနေတဆင့် သွေးချိုဆီးချို ဖြစ်လာပါတော့တယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကိုယ်ဝန်ဆောင် ဆီးချိုနဲ့ ပတ်သက်ပြီး သိထားသင့်သမျှ

ကိုယ်ဝန်ဆောင် ဆီးချိုနဲ့ ပတ်သက်ပြီး သိထားသင့်သမျှ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 19, 2020 . 3 mins read
ဆီးချိုအနာများ အကျက်မြန်စေရန်

ဆီးချိုအနာများ အကျက်မြန်စေရန်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 18, 2020 . 2 mins read
အိမ်မှာအင်ဆူလင် ဘယ်လိုထိုးမလဲ။

အိမ်မှာအင်ဆူလင် ဘယ်လိုထိုးမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 18, 2020 . 2 mins read
အမျိုးအစား- ၂ ဆီးချို ခံစားရနိုင်ခြေကို လျှော့ချဖို့ ပြောင်းလဲသင့်တဲ့ ဘဝနေထိုင်မှုပုံစံ

အမျိုးအစား- ၂ ဆီးချို ဖြစ်နိုင်ခြေကို လျှော့ချဖို့ ပြောင်းလဲသင့်တဲ့ ဘဝနေထိုင်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 12, 2020 . 3 mins read