
အဆင်းရော အချင်းပါပြည့်စုံတဲ့ ကံ့ကော်ပန်းလေးက အသားအရေ လှပစေဖို့ အခုလိုလေး ထောက်ကူပေးပါတယ်။
ကံ့ကော်ပန်းလေးက အသားအရေကို ကျန်းမာစေပြီး အရေပြားကို ထိခိခုက်မှု ကင်းစေဖို့ ထောက်ကူပေးပါတယ်။ ဝက်ခြံလိုမျိုး လေထု ညစ်ညမ်းမှုတွေကြောင့် ဖြစ်တဲ့ အရေပြားပြဿနာတွေ၊ ဓာတုပစ္စည်းတွေကြောင့် ဖြစ်တဲ့ အရေပြား ဓာတ်မတည့်မှုတွေကို သက်သာစေဖို့ အသုံးပြုပေးလို့ ရပါတယ်။
ဝက်ခြံ အထွက်များတာကို သက်သာစေဖို့လည်း ကံ့ကော်ပန်းကို အသုံးပြုပေးလို့ ရပါတယ်။
ကံ့ကော်ပန်းက အရေပြား ပိုးဝင်တာကြောင့် ဖြစ်တဲ့ ပွေး၊ ဝဲတွေကို သက်သာစေနိုင်ပါတယ်။ အရေပြားမှာဖြစ်တတ်တဲ့ ကူးစက်တတ်တဲ့ အရေပြားရောဂါတွေကို သက်သာစေနိုင်ပါတယ်။ သတ္တုရည်ကို အသုံးပြုပေးလို့ရသလို ကံ့ကော်ပန်းကို ကြိတ်ပြီးရလာတဲ့ အနှစ်ကိုလည်း အသုံးပြုပေးလို့ ရပါတယ်။
ကံ့ကော်ပန်းလေးက ထိခိုက်ရှနာလိုမျိုး အနာတွေကို ပိုးမဝင်စေဖို့လည်း အသုံးပြုပေးလို့ ရပါတယ်။ အရွက်ပြုတ်ရည်၊ ပန်းပြုတ်ရည်တွေကို အနာဆေးပေးလို့ ရသလို အခြောက်ခံ အမှုန့်ကြိတ်ထားတဲ့ ကံ့ကော်ပန်း အမှုန့်ကို သနပ်ခါးရေကျဲလေးနဲ့ လိမ်းပေးလို့လည်း ရပါတယ်။
ဝက်ခြံကြောင့်ဖြစ်တဲ့ အမာရွတ်တွေ သက်သာစေဖို့လည်း ကံ့ကော်ပန်းကို အသုံးပြုပေးလို့ ရပါတယ်။ ငယ်ငယ်က မေမေတို့ ဖွားဖွားတို့ လိမ်းပေးသလို ကံ့ကော်ဝတ်ဆံလေးကို သနပ်ခါးထဲ ထည့်ကြိတ်ပြီး လိမ်းပေးလို့ ရပါတယ်။
Glow skin လေးရစေဖို့ ကံ့ကော်ပန်းလေးက လုပ်ဆောင်ပေးနိုင်ပါတယ်။ ကံ့ကော်ပန်းကို နေရိပ်ထဲ အခြောက်ခံပြီး အမှုန့်ကြိတ်လိုက်ပါ။ အရေပြားပေါ်မှာ ပုံမှန်လေး လိမ်းပေးတာက အရေပြားကို အရေးအကြောင်းကင်းပြီး အရွယ်မတိုင်ခင် အိုမင်းတာမျိုး မဖြစ်အောင် လုပ်ဆောင်ပေးနိုင်သလို သဘာဝအတိုင်း ကြည်လင်ဝင်းပနေစေဖို့ ထောက်ကူပေးနိုင်ပါတယ်။
ကဲ …… ကံ့ကော်ပန်းလေးက အနာအဆာကင်းပြီး ဝင်းမွတ်လှပတဲ့ အရေပြားလေး ရရှိစေဖို့ လုပ်ဆောင်ပေးနိုင်ပါတယ်။ ဒါကြောင့်လည်း ရှေးလူကြီးတွေက ကံ့ကော်ပန်းလေးတွေကို သနပ်ခါးထဲ ထည့်လိမ်းခဲ့ကြတာ ထင်ပါရဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။