ရေဘဝဲမှာ သံဓာတ်နဲ့ ဗီတာမင် B12 ပါဝင်နေတာကြောင့် ခန္ဓာကိုယ်ရဲ့ ဇီဝကမ္မဖြစ်စဉ်တွေကို တိုးတက်စေနိုင်ပါတယ်။ သံဓာတ် အားနည်းတာကြောင့် သွေးအားနည်းတာမျိုး မဖြစ်စေဖို့ ကာကွယ်ပေးနိုင်ပါတယ်။
ရေဘဝဲရဲ့ နောက်ထပ် ကျန်းမာရေး အာနိသင်တစ်ရပ်က သွေးတွင်းအဆီကို ကျစေတာပါ။ သွေးထဲမှာ အဆီဖြစ်တာ၊ အနည်ထိုင်တာတွေ မဖြစ်စေဖို့ ကာကွယ်ပေးပြီး သွေးကြောတွေကို ကျန်းမာစေနိုင်ပါတယ်။ သွေးကြောကျဉ်းတာတွေကို ကာကွယ်ပေးနိုင်သလို နှလုံးသွေးကြောရောဂါတွေ မဖြစ်စေဖို့ ကာကွယ်ပေးပါတယ်။
ရေဘဝဲ လက်ချောင်းတွေမှာပါတဲ့ စုပ်ခွက်လေးတွေထဲမှာ peptide လို့ခေါ်တဲ့ ဘက်တီးရီးယားတွေကို တိုက်ဖျက်ပေးနိုင်တဲ့ အရာလေးပါဝင်နေပါတယ်။ ဒီ peptide ကို ဘက်တီးရီးယားတွေကို တိုက်ဖျက်ဖို့ သုံးနိုင်သလို အစားအစာတွေ တာရှည်ခံစေဖို့လည်း အသုံးပြုပေးလို့ ရပါတယ်။
ရေဘဝဲမှာ Bioactive ဒြပ်ပေါင်း တစ်မျိုး ဖြစ်တဲ့ macrocyclic lactone ပါဝင်နေပါတယ်။ သွေးပေါင်ကို ထိန်းညှိပေးသလို သွေးတွင်း ကိုလက်စထရောများတာနဲ့ သွေးခဲပိတ်ဆို့တာမျိုးတွေ မဖြစ်စေဖို့ ကာကွယ်ပေးပါတယ်။ သွေးကြောလေးတွေကို ကျန်းမာစေနိုင်ပါတယ်။
ရေဘဝဲမှာပါတဲ့ ပရိုတင်းက သွေးတွင်းသကြားဓာတ်ကို ကျဆင်းစေနိုင်သလို ဆီးချိုကြောင့် ဖြစ်တဲ့ နောက်ဆက်တွဲ ကျန်းမာရေး ပြဿနာတွေကိုလည်း ကာကွယ်ပေးပါတယ်။ အသည်းက အဆိပ်အတောက်တွေကိုလည်း ဖယ်ရှားပေးနိုင်ပါတယ်။
ကဲ ….. ရေဘဝဲ စားရင်း အခုလို ကျန်းမာရေး အကျိုးကျေးဇူးတွေကို ရယူလိုက်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။