ကျန်းမာတဲ့ အလေ့အထလေးတွေ မွေးမြူပါ
အိမ်မှာ ပိုးသတ်သန့်စင်တာ၊ အလုပ်စားပွဲကို ပိုးသတ်သန့်စင်တာ၊ နေ့စဉ် ကိုင်တွယ်ထိတွေ့နေရတဲ့ အရာတိုင်းကို ပိုးသတ်သန့်စင်တာမျိုးလုပ်ပါ။ ရေချိုးပါ။ ပုံမှန်လုပ်ရမယ့် တစ်ကိုယ်ရေသန့်ရှင်းရေး ကိစ္စတွေဖြစ်တဲ့ ခေါင်းလျှော်တာ၊ လက်ဆေးတာ၊ ခြေသည်းလက်သည်းညှပ်တာတွေကို သေချာလုပ်ပေးပါ။
နေ့စဉ် အိပ်ရေးဝဝအိပ်ပါ။ အာဟာရပြည့်ဝအောင်စားပါ။ စိတ်ဖိစီးမှုတွေကို ဖြေလျော့ပါ။ သင့်တင့်တဲ့ ကိုယ်လက်လေ့ကျင့်ခန်းတွေကိုလုပ်ပါ။ စတဲ့ နေ့စဉ်လိုက်နာရမယ့် တစ်ကိုယ်ရေ သန့်ရှင်းရေး အလေ့အထနဲ့ ကျန်းမာရေးနဲ့ ညီညွတ်တဲ့ အပြုအမူလေးတွေကို လိုက်နာမယ်ဆိုရင် တုပ်ကွေးရာသီမှာ ဖျားနာမှု ကင်းပြီး ကျန်းမာပျော်ရွှင်စွာ ဖြတ်သန်းနိုင်မှာပါ။
တစ်ကိုယ်ရေ သန့်ရှင်းရေးက ရောဂါအများစုကို ကာကွယ်ပေးနိုင်ပါတယ်။ တုပ်ကွေးရာသီမှာလည်း တုပ်ကွေးမဖြစ်စေဖို့ဆိုရင် လက်ဆေးတာကစလို့ အစားအသောက် အသုံးအဆောင်တွေအထိ အားလုံးကို သေချာလေး ဂရုစိုက်ဖို့လိုပါမယ်။ တစ်ကိုယ်ရေသန့်ရှင်းရေးကို သေချာ ဂရုစိုက်တာက ရုပ်ပိုင်းဆိုင်ရာ ကျန်းမာစေမှာဖြစ်သလို စိတ်ပိုင်းဆိုင်ရာ ယုံကြည်မှုလည်း တိုးစေမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။