ပြင်းထန်ဆိုးရွားတဲ့ ရောဂါပိုးတွေရန်ကနေ ကာကွယ်ပေးနိုင်မယ့် အကောင်းဆုံးနည်းလမ်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 23, 2020 . 2 mins read
Share now

ရောဂါပိုးတွေ ရန်ကနေ ဘယ်လိုကာကွယ်မလဲ? ဒီမေးခွန်းကို လူတိုင်း ဖြေတတ်မှာပဲပေါ့။ ကိုယ်ခံအား ကောင်းအောင် နေပါလို့လေ။ဒါပေမယ့် အဲဒီ ကိုယ်ခံအားကောင်းအောင် ဘာလုပ်ရမှာလဲ ရော သေချာသိကြပြီးပြီလား။

ကိုယ်ခံအားကောင်းစေဖို့ ဂရုစိုက်ပေးရမယ့် အချက်တွေ ရှိနေပါတယ်နော်။ ဒါတွေကို မမေ့မလျော့ ထိန်းသိမ်းမှသာ ကိုယ်ခံအားစနစ် ကျန်းမာပြီး ရောဂါပိုးတွေကို ခုခံနိုင်မှာပါ။

ဘယ်အချက်တွေလဲ ဆိုတာ ဆက်ပြီး ကြည့်ရအောင်…

(၁) လက်ကို စင်ကြယ်အောင် ဆေးပါ

လက်ကို ရေဆွတ်ရုံဆေးတာမျိုး မဟုတ်ဘဲ ဆပ်ပြာနဲ့ သေချာသန့်စင်ပြီး ဆေးကြောသင့်ပါတယ်။ လက်ကို လက်ဖဝါးအပြင် လက်ချောင်းကြား၊ လက်သည်း၊ လက်ဖနောင့်၊ လက်ကောက်ဝတ်အထိ ဆပ်ပြာနဲ့ စက္ကန့် ၂၀ လောက်ကြာအောင် သေချာပွတ်တိုက်ပြီး ဆေးကြောပါ။

ဒါမှမဟုတ် လက်သန့်ဆေးရည်နဲ့ အထက်ပါအတိုင်း ပွတ်သပ်သန့်စင်ပါ။

အစာမစားခင်၊ အစားအသောက်တွေကို မကိုင်တွယ်ခင် လက်ဆေးပါ။ အိမ်သာက ထွက်ရင် လက်ဆေးပါ၊ အမှိုက်တွေ ကိုင်ပြီးရင် လက်ဆေးပါ။ နေမကောင်းသူ နဲ့တွေ့ပြီးရင် လက်ဆေးပါ။ အိမ်မွေးတိရစ္ဆာန်ကို ကိုင်တွယ်ပြီးရင် လက်ဆေးပါ။

 (၂) အိပ်ရေး ဝအောင် အိပ်ပါ

အိပ်ရေးပျက်ရင် ကိုယ်ခံအား နည်းစေပြီး ခန္ဓာကိုယ်ရဲ့တစ်နေ့တာ လုပ်ဆောင်ချက် တွေမှာ ဆုတ်ယုတ်မှုတွေ ရှိလာစေနိုင်ပါတယ်။ တော်တန်ရုံ ရောဂါမဖြစ်ဘဲ ကိုယ်ခံအားကောင်းနေချင်ရင် တစ်နေ့ကို အိပ်ချိန် ၆ နာရီကနေ ၈ နာရီအတွင်းရှိဖို့လိုပါတယ်။

 (၃) တစ်ကိုယ်ရေ သန့်ရှင်းမှု ဂရုစိုက်ပါ။

ကိုယ်ခံအား တော့ ကောင်းချင်တယ် ရေတော့မှန်အောင် မချိုးဘူးဆိုရင် သိပ်မဟုတ်သေးဘူးနော်။ တစ်ကိုယ်ရည်သန့်ရှင်းမှုရှိမှ ကိုယ်ခံအားစနစ်က ပိုးမွှားတွေကို အောင်နိုင်မှာပါ။ အရေပြားဆိုတာ ရောဂါပိုးမွှားတွေနဲ့ လူ့ခန္ဓာကိုယ်ကြားက အဟန့်အတားလေးတစ်ခုဖြစ်တာမို့ ကိုယ်ခံအားစနစ်အတွက် အရေးကြီးတဲ့ အစိတ်အပိုင်းဖြစ်နေလို့ပါပဲ။

 (၄) အာဟာရ နဲ့ စားသောက်ပုံ ကို ချိန်ညှိပါ။

အရေးကြီးဆုံး အပိုင်းကို ရောက်လာပါပြီ။ ရှေ့ကပြောခဲ့တဲ့ အချက်တွေကို မေ့လို့မရသလို အဲဒီအချက်တွေပြည့်စုံပေမယ့် ဒီအာဟာရကို ပြည့်ဝအောင် မစားတတ်ရင် ကိုယ်ခံအား ကောင်းဖို့ ရည်ရွယ်ချက် မအောင်မြင်နိုင်ပါဘူး။

ကျန်းမာတဲ့ စားသောက်ပုံ အာဟာရ မှာ –

  • အသား၊ ငါး၊ ပဲ၊ ဥ၊ အစေ့အဆန် တွေ ပါဝင်ရမယ်။ အသီးအနှံ၊ ဟင်းသီးဟင်းရွက်၊ အဆီလျှော့ နွားနို့နဲ့ နို့ထွက်ပစ္စည်း တွေ ပါသင့်တယ်။
  • ပြည့်ဝဆီ၊ အသွင်ပြောင်းဆီနဲ့ နဲ့ ကိုလက်စထရောတက်စေမယ့် အရာတွေ ရှောင်ရမယ်။
  • အငန်နဲ့ အချိုစားသုံးမှု မလွန်ကဲရဘူး ဆိုတဲ့ အချက်တွေက အခြေခံအရေးကြီးပါတယ်။

ဒီအစားအစာ အုပ်စုတွေကို တစ်မျိုးတည်းလွန်ကဲတာမျိုးမဟုတ်ဘဲ အစုံအလင်ကို ညီညီမျှမျှ စားသုံးရပါမယ်။ ပြုပြင်စီမံထားတာတွေ၊ အသင့်စားတွေ၊ ကျန်းမာရေးနဲ့မညီတာတွေ၊ မသန့်ရှင်းတာတွေ၊ တာရှည်ခံဓာတုပစ္စည်းပါနေတာတွေ မစားမိဖို့ သတိထားပါ။

အစားနည်းသူ၊ အာဟာရမလုံလောက်သူ၊ အသက်ကြီးသူတွေအတွက်တော့ ဖြည့်စွက်အာဟာရမှုန့်တွေ ရဲ့အကူအညီ လိုအပ်နိုင်ပါတယ်။ သူတို့က ခန္ဓာကိုယ်အတွက် လိုအပ်မယ့် မရှိမဖြစ်ဗီတာမင်တွေအပြင် အသားဓာတ်၊ အမျှင်ဓာတ်၊ ကယ်လ်စီယမ် စတဲ့ အာဟာရတွေကို ကူပြီး အားဖြည့်ပေးပါလိမ့်မယ်။ ညီညွတ်မျှတတဲ့ အာဟာရကို အချိုးအစားကျကျ သောက်လို့ရတာမို့ ဒီလူတွေအတွက် ပိုအဆင်ပြေပါတယ်။

(၅) စိတ်ရဲ့ တင်းအားတွေ ဖြေလျှော့ပါ

Tension လို့ပြောကြတဲ့ စိတ်ရဲ့တင်းအားတွေကို ဖြေလျှော့ဖို့ ကြိုးစားပါ၊ အဲဒီကနေ စိတ်ဖိစီးမှုတွေ ဖြစ်လာနိုင်လို့ပါ။ စိတ်ဖိစီးစေတဲ့အရာတွေကို ဖြေဖျောက်ဖို့ကြိုးစားပါ။ စိတ်ဖိစီးမှုကြောင့် ခန္ဓာကိုယ်မှာထွက်လာတဲ့ ကော်တီဆောဟော်မုန်းက ကြာလာရင် အစားအသောက်မူမမှန်တာ၊ အအိပ်မမှန်တာ စတဲ့ဆိုးကျိုးတွေနဲ့ ခန္ဓာကိုယ်ကိုပါ ဖိစီးလာပြီး ကိုယ်ခံအားစနစ်ရဲ့ လုပ်ဆောင်ချက်တွေကို အနှောင့်အယှက်ပေးနိုင်ပါတယ်။

ဒီလောက်ဆို ကိုယ်ခံအားစနစ်ကို ဘယ်လိုကျန်းမာအောင်၊ အားကောင်းအောင် စောင့်ရှောက်ရမလဲ သိလောက်ပြီပေါ့နော်။ ရောဂါကင်းဝေး ကျန်းမာစေဖို့ ကိုယ်ခံအားကောင်းအောင် ဂရုစိုက်ကြရအောင်။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်ခံအားစနစ်ကို အားဖြည့်မယ့် ဇာတ်လိုက် (သို့မဟုတ်) ဖြည့်စွက်အာဟာရ

ကိုယ်ခံအားစနစ်ကို အားဖြည့်ပါ။ ဒါမှ မွေးကတည်းကတစ်ပါတည်းပါလာခဲ့တဲ့ သက်တော်စောင့်လေးက ရောဂါတွေ၊ ပိုးမွှားတွေ အန္တရာယ်ကနေ စွမ်းစွမ်းတမံ ကာကွယ်ပေးနေတဲ့အရာပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကူးစက်နိုင်သည့် အရေပြားရောဂါများ

အရေပြားရဲ့တာဝန်က ခန္ဓာကိုယ်ထဲကို ရောဂါပိုးတွေ ကူးစက်တာကနေ တားပေးဖို့ဆိုပေမယ့် အရေပြားကိုယ်တိုင်ကလည်း ရောဂါပိုးတွေ ကူးစက်ခံလိုက်ရတဲ့ အခိုက်အတန့်တွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆိုရီရေးစစ် (Psoriasis) အရေပြားပြဿနာ

ဆိုရီရေးစစ် အရေပြားပြဿနာဟာ ပြင်းထန်ပြီး နာတာရှည် အရေပြားပြဿနာတစ်ရပ်ဖြစ်တာကြောင့် သေချာလေးဂရုစိုက်ဖို့လိုပါမယ်။ အနေအထိုင်အစားအသောက်ကစလို့ပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ထက်ထက်မြက်မြက် မျိုးဆက်သစ်များ ဖြစ်လာစေဖို့အတွက်

အရိပ်တကြည့်ကြည့်နဲ့ စောင့်ကြည့်ခဲ့ရတဲ့ သားသားမီးမီးတို့ ကျန်းမာထက်မြက်စွာ ကြီးပြင်းလာမှုက ဘာနဲ့မှ မလဲနိုင်တဲ့ မေမေတို့အတွက် တန်ဖိုးအကြီးဆုံး ဆုလာဘ်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 3 mins read
ကိုယ်ဝန်ဆောင်မေမေ ကော်လာဂျင် သောက်လို့ရလား......................

ကိုယ်ဝန်ဆောင်မေမေ ကော်လာဂျင် သောက်လို့ရလား………………….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 2 mins read
ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read