ကိုယ်ဝန်ဆောင်မေမေ စိမ်းစားဥစားတဲ့အခါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 13, 2020 . 2 mins read
Share now

ကိုယ်ဝန်​ဆောင်ချိန်မှာ စားလိုက်တဲ့ အစားတလုတ်ကြောင့် ဘေဘီလေး ကို ထိခိုက်သွားမလားဆိုတဲ့ စိုးရိမ်စိတ် ကိုယ်ဝန်ဆောင်မေမေတိုင်းမှာ ရှိပါတယ်။ အခုတစ်ခေါက်တော့ လတ်တလောရဲ့ ရာသီစာဖြစ်နေတဲ့ စိမ်းစားဥကို ကိုယ်ဝန်ဆောင်မေမေတွေ စားလို့ ဖြစ်မလားဆိုတာကို ပြောပြပေးပါရစေလား……

ကိုယ်ဝန်ဆောင်မေမေ စိမ်းစားဥ စားလို့ဖြစ်လား……….

စိမ်းစားဥက ကိုယ်ဝန်ဆောင်မေမေတွေ စားလို့မရတဲ့ အစားအသောက်စာရင်းထဲမှာ မပါပါဘူး။ အတန်အသင့်တော့ စားလို့ရပါတယ်။ ဒီလိုပြောရတာက ကိုယ်ဝန်ဆောင်ချိန်မှာ စိမ်းစားဥစားတာက အခုလို အကျိုးကျေးဇူးလေးတွေကို ရရှိစေနိုင်လို့ပါ။

မေမေရော ဘေဘီလေးပါ အရိုးနဲ့သွားတွေ ကြံ့ခိုင်ဖွံ့ဖြိုးစေတယ်

စိမ်းစားဥမှာ အရိုးနဲ့သွားတွေ ကြံ့ခိုင်ဖွံ့ဖြိုးစေဖို့ လိုအပ်တဲ့ ကယ်လ်ဆီယမ် နဲ့ ဖော့စဖရိတ်ဓာတ်တွေ ပါဝင်နေပါတယ်။ ဒီဓာတ်တွေက ဖွံ့ဖြိုးနေဆဲ ဘေဘီလေးရဲ့ အရိုးတွေကို ကြံ့ခိုင်ဖွံ့ဖြိုးစေသလို သွားတွေကိုလည်း အကောင်းဆုံး ဖွံ့ဖြိုးစေမှာပါ။

နောက်တစ်ခုက စိမ်းစားဥစားပေးတာက ကိုယ်ဝန်ဆောင်မေမေမှာ အရိုးဆုံးရှုံးတာ နဲ့ အရိုးပွတာ၊ အရိုးပါးတာမျိုးတွေ မဖြစ်အောင် ကာကွယ်ပေးနိုင်ပါတယ်။  မေမေရော ဘေဘီလေးကိုပါ ကြံခိုင်ဖွံ့ဖြိုးစေဖို့ အကောင်းဆုံး အားဖြည့်ပေးနိုင်မှာပါ။

ရေဓာတ် ပြည့်ဝစေတယ်

ကိုယ်ဝန်ဆောင်ချိန်မှာ ရေဓာတ်ပြည့်ဝတာက မေမေရော ဘေဘီလေးကိုပါ ကျန်းမာစေနိုင်ပါတယ်။ အကြောင်းကတော့ ကိုယ်ဝန်ဆောင်ချိန်မှာ ရေဓာတ်ပြည့်ဝ နေမယ်ဆိုရင် လိုအပ်တဲ့ အာဟာရတွေကို ပိုမိုစုပ်ယူနိုင်မှာဖြစ်သလို ဆီးလမ်းကြောင်း ပိုးဝင်တာ၊ ကိုယ်ဝန်ဆောင်ချိန်မှာ မအိမသာဖြစ်တာ၊ ရေမြွှာရည်နည်းတာအပြင် အရေပြားပြဿနာတွေ ခံစားရနိုင်ခြေကို လျှော့ချပေးနိုင်ပါတယ်။

စိမ်းစားဥက ရေဓာတ်ကြွယ်ဝစွာပါဝင်နေပြီး မေမေရော ဘေဘီလေးကိုပါ ကျန်းမာစေဖို့ အကောင်းဆုံး ထောက်ပံ့ပေးနိုင်မှာပါ။ သေချာလေးကြေညက်အောင်ဝါးလို့ စားပေးလို့ရပါတယ်။

အမျှင်ဓာတ် ကြွယ်ဝတယ်

စိမ်းစားဥက အမျှင်ဓာတ်နဲ့ ရေဓာတ်ကြွယ်ဝစွာ ပါဝင်နေတာကြောင့် ကိုယ်ဝန်ဆောင် လေဒီတော်တော်များများ ခံစားရနိုင်တဲ့ ဝမ်းချုပ်မှု ပြဿနာကို ကင်းစေနိုင်သလို ကိုယ်ဝန်ဆောင်ချိန်မှာ ဝမ်းပျက်ဝမ်းလျှောဖြစ်တာကို သက်သာစေနိုင်ပါတယ်။ ကိုယ်အလေးချိန်ကို အကောင်းဆုံး ထိန်းညှိပေးနိုင်ပြီး ကိုယ်ဝန်​ဆောင်ချိန်မှာ အစာခြေစနစ် ပြဿနာကင်းစေမှာပါ။

ဗီတာမင် C ပါဝင်နေတယ်

ဗီတာမင် C က ကိုယ်ခံအားကို အကောင်းဆုံး အားဖြည့်ပေးနိုင်ပါတယ်။ ကိုယ်ဝန်ဆောင်နေချိန်မှဖျားနာတဲ့ အခါဆေးသောက်လို့မရတာကြောင့် ကိုယ်ခံအားကောင်းနေဖို့က လိုမှာပါ။ ပုံမှန်ဆိုရင်တောင် ကိုယ်ဝန်ဆောင်နေချိန်မှာ ကိုယ်ခံအားက ကျနေစမြဲပါ။ ဒါကြောင့် ကိုယ်ခံအားကောင်းပြီး အရေပြားပြဿနာကင်းလို့ အရိုးနဲ့သွားတွေ ကျန်းမာစေဖို့ ကိုယ်ဝန်ဆောင်ချိန်မှာ စိမ်းစားဥ စားသုံးပေးလို့ ရပါတယ်။

သံဓာတ် ပါဝင်တယ်

ကိုယ်ဝန်ဆောင်ချိန်မှာ သွေးအားနည်းရောဂါဖြစ်တာ၊ သံဓာတ်ချို့တဲ့တာတွေက တော်တော်လေး အဖြစ်များတဲ့ ပြဿနာပါ။ ဒီပြဿနာတွေကို ကင်းစေဖို့ဆိုရင် သံဓာတ်ကြွယ်ဝတဲ့ စိမ်းစားဥ စားပေးလို့ရပါတယ်။

အူတွင်းက အကျိုးပြုဘက်တီးရီးယား အရေအတွက်ကို ထိန်းညှိပေးတယ်

စိမ်းစားဥက အစာခြေစနစ်ကို ကျန်းမာစေတာတင် မကပါဘူး။ အူတွင်းက အကျိုပြု ဘက်တီးရီးယားတွေကိုလည်း အကောင်းဆုံး ထိန်းညှိပေးပါတယ်။ ဒါကြောင့် ကိုယ်ဝန်ဆောင်ချိန်မှာ စိမ်းစားဥစားတာက ကိုယ်ခံအားကောင်းစေဖို့ရော အာဟာရပြည့်ဝဖို့ပါ အကောင်းဆုံး အားဖြည့်ပေးနိုင်မှာပါ။

သွေးပေါင်ချိန်ကို ထိန်းညှိပေးတယ်

စိမ်းစားဥက ပိုတက်ဆီယမ်ကြွယ်ဝစွာ ပါဝင်ပါတယ်။ သွေးကြောတွေပေါ်က တင်းအားတွေကို လျော့ကျစေပြီး နှလုံးကျန်းမာစေနိုင်သလို ကိုယ်တွင်းက ရေဓာတ်ကို ထိန်းညှိပေးပြီး ကိုယ်ဝန်ဆောင်ချိန်မှာ သွေးတိုးတာမျိုး မဖြစ်အောင် ကာကွယ်ပေးနိုင်ပါတယ်။

စိတ်ခံစားမှု ကောင်းစေတယ်

စိမ်းစားဥမှာ ဗီတာမင် B6  ပါဝင်မှုက စိတ်ခံစားမှုကို ကောင်းစေနိုင်ပါတယ်။ စိမ်းစားဥစားပေးတာက ကိုယ်ဝန်ဆောင်ချိန်မှာ ခံစားရနိုင်တဲ့ စိတ်ဓာတ်ကျတာ၊ စိတ်ဖိစီးတာ၊  ပင်ပန်းတာ၊ နာကျင်တာတွေကို သက်သာစေနိုင်ပါတယ်။ ဒါ​ကြောင့် စိတ်ခံစားမှုကောင်းချင်တယ်ဆိုရင် စိမ်းစားဥ စားပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ရေဓာတ်ခန်းခြောက် ခြင်းက လူတိုင်းအတွက် မကောင်းပေမယ့် ဆီးချို နဲ့ ရောဂါအခံရှိသူတွေအတွက် ထိခိုက်မှုက ပိုများပါတယ်။ သေချာလေး ဂရုစိုက်ဖို့လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မုယော ရဲ့ကျန်းမာရေး အာနိသင်

မုယော (malt) လို့ ပြောလိုက်ရင် အရင်ဆုံး ပြေးမြင်တာ ဘာလဲ။ malted milk လား။ မုယော အားဖြည့်အချိုရည်တွေလား .......................................

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်။ အုန်းသီးကတင် စားလို့ရပြီး ဆေးဖက်ဝင်တာ မဟုတ်ပါဘူး။ အုန်းလက်၊ အုန်းမြစ်တွေကရော ဘယ်လို ဆေးဖက်ဝင်တာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို နဲ့ အစားအသောက်ဆိုင်ရာ myths များစွာ

ဆီးချို နဲ့ အစားအသောက်ဆိုင်ရာ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 11, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ဆီးချိုရှိသူတွေ ကို ရေဓာတ်ဖြည့်ပေးမယ့် သောက်စရာ (၆) မျိုး

ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read