သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ကလေးကို ဘယ်အချိန်မှာနွားနို့စတိုက်ကြမလဲ

ကလေးကို ဘယ်အချိန်မှာနွားနို့စတိုက်ကြမလဲ

မနက်ခင်းအေးအေးလေးမှာ နွားနို့ပူပူလေးတစ်ခွက်ကိုသောက်လိုက်ရတာတော်တော်လေးအရသာရှိတယ်နော်။ နွားနို့လို့ပြောလိုက်ရင်ကို သူ့ရဲ့ ချိုစိမ့်စိမ့်အရသာလေးကိုခံစားမိလာပါတယ်။ ဒါကတော့မေမေတွေက ငယ်စဉ်ကတည်းက တိုက်လာခဲ့လို့လေ။ အာဟာရပြည့်တဲ့ အစားအစာကို အရသာရှိရှိလေးစားတတ်အောင် အလေ့အကျင့်လုပ်ပေးခဲ့တာကိုး။ နွားနို့ကသောက်လို့ကောင်းတာသိပေမယ့် ကိုယ်တိုင်မေမေဖြစ်လာတော့ ဘယ်အချိန်မှာ ကလေးကိုနွားနို့တိုက်ရမလဲဆိုတာကိုသေချာမသိပြန်ဘူးနော်။ ဒီပြဿနာလေးကို အခုဆောင်းပါလေးကနေဖြေရှင်းပေးပါရစေ။

ကလေးကို ဘယ်အချိန်မှာ နွားနို့တိုက်မလဲ

ကလေးကမွေးစကနေ ၆ လအထိ မိခင်နို့တစ်မျိုးတည်းနဲ့လုံလောက်ပါတယ်။ မိခင်နို့မနိုင်မှဘဲ တတ်သိနားလည်သူတွေနဲ့တိုင်ပင်ပြီး နို့မှုန့်တိုက်ပေးရမှာပါ။ ကလေးက ၆ လကျော်လာပြီဆိုရင်တော့ မိခင်နို့ နဲ့ နွားနို့၊ဆိတ်နို့တို့ကို အချိုးကျလေးတိုက်လို့ရပါပြီ။ ကလေးကို မိခင်နို့ ၂ ဆ နွားနို့ ၁ ဆလောက်ရောပြီး စတိုက်ကြည့်ပေါ့။ ဒီလိုကနေမှ ကလေးက နွားနို့ကို ခံတွင်းတွေ့မယ်ဆိုရင် ကလေးကို တစ်နေ့ကို နွားနို့ ၂ ခွက်ကနေ ၃ခွက်လောက်အထိတိုက်ပေးလို့ရပါတယ်။ နို့ဗူးအစား နွားနို့ကို အစားထိုးတိုက်ပေးလို့လည်းရပါတယ်။ နွားနို့က ပိုးသတ်ဆေးမသုံးထားတဲ့ သဘာဝနွားနို့ လတ်လတ်ဆတ်ဆတ်ဖြစ်ဖို့တော့လိုပါမယ်။

ဒါပေမယ့် သတိထားရမှာက ကလေးကို အဆီပြည့်ဝတဲ့နို့တိုက်ပေးဖို့ပါ။ ကလေးက ကြီးထွားဖွံ့ဖြိုးဖို့ အစပျိုးနေတဲ့ အရွယ်ဖြစ်တာကြောင့် နွားနို့မှာပါတဲ့ အဆီတွေက ကလေးကြီးထွားဖွံ့ဖြိုးဖို့နဲ့ ဦးနှောက်ဖွံ့ဖြိုးမှုအတွက်အထောက်အပံ့ပေးနိုင်မှာပါ။ ဒီတော့ ကလေးကို အသက် ၆ လလောက်ရောက်လာပြီဆိုရင် နွားနို့ကို နည်းနည်းချင်းတိုက်သွားပေးပါ။

ဘာကြောင့် ကလေးကိုနွားနို့တိုက်ပေးသင့်တာလဲ

နွားနို့က ကယ်လ်ဆီယမ် ကြွယ်ဝစွာပါဝင်တာကြောင့် အရိုး နဲ့ သွားတွေကြံ့ခိုင်သန်စွမ်းစေသလိုသွေးခဲတာမျိုးမဖြစ်အောင်ကာကွယ်ပေးပါတယ်။ ကြွက်သားတွေကို သန်စွမ်းစေပြီး ကျန်းမာသန်စွမ်းစေဖို့ အထောက်အကူပြုပေးပါတယ်။ နွားနို့မှာ ကြီးထွားဖွံ့ဖြိုးမှုအတွက် အထောက်အကူပေးတဲ့ ပရိုတင်းကြွယ်ဝစွာပါဝင်နေသလို ခန္ဓါကိုယ်လှုပ်ရှားဖို့အတွက် လိုအပ်တဲ့ စွမ်းအင်တွေကိုဖြစ်ပေါ်စေတဲ့ ကာဗိုဟိုက်ဒရိတ်ကိုလည်းထောက်ပံ့ပေးပါတယ်။ ကလေးက ငယ်ရွယ်စဉ်မှာ လိုအပ်တဲ့ ကယ်လ်ဆီယမ်ပမာဏ ကြွယ်ဝစွာရရှိမှလည်း ကလေးကကောင်းကောင်းမွန်မွန်ကြီးထွားဖွံ့ဖြိုးမှာဖြစ်ပါတယ်။ ကလေးကိုနွားနို့တိုက်ကျွေးပေးမယ်ဆိုရင် အသက်အရွယ်ရလာတဲ့အခါသွေးတိုးတာ၊လေဖြတ်တာအူမကြီးကင်ဆာ နဲ့ အရိုးပွတာတွေခံစားရနိုင်ခြေနည်းစေမှာပါ။

ဘယ်လောက်ပမာဏလောက်တိုက်ပေးရမလဲ

  • ကလေးက အသက် ၁ နှစ်အရွယ်ဆိုရင် တစ်နေ့ကို နွားနို့ ၈အောင် စကနေ ၁၂အောင်စ တိုက်ပေးရုံနဲ့ လုံလောက်ပါတယ်။ နွားနို့ တစ်နေ့ကို တစ်ခွက် ကနေ ၁ ခွက်ခွဲလောက်ဆိုရင် ကလေးအတွက် လိုအပ်တဲ့ ကယ်လ်ဆီယမ်နဲ့ ဗီတာမင် D ကိုရရှိစေမှာပါ။
  • ကလေးက အသက် ၂ နှစ်ဆိုရင်တော့ တစ်နေ့ကို နွားနို့ ၁၆အောင်စ နှစ်ခွက်တိုက်ပေးရင်လုံလောက်ပါတယ်။
  • ကလေးက နှစ်နှစ်ကျော်ပြီဆိုရင်တော့ နွားနို့ကို တစ်နေ့ကို ၄ ခွက်လောက်အထိတိုက်ပေးလို့ရပါတယ်။ ဒါ့အပြင်နို့ထွက်ပစ္စည်းတွေကျွးပေးလို့လည်းရပါတယ်။

ဒီလိုလက္ခဏာတွေရှိရင် မတိုက်ပါနဲ့

အချို့ကလေးတွေက နွားနို့နဲ့ ဓါတ်မတည့်တာမျိုးဖြစ်တတ်ကြပါတယ်။ ဒါပေမယ့်ဖြစ်နိုင်ခြေကတော်တော်လေးနည်းပါတယ်။ ကလေးအယောက် ၁၀၀ မှာ ၂ယောက် ၃ယောက်လောက်ပဲဖြစ်တတ်တာပါ။ဖြစ်နိုင်ခြေနည်းတယ်ဆိုပေမယ့် ကိုယ့်ကလေးက ဒီလူနည်းစုတွေထဲမှာပါနေနိုင်တာကြောင့် အခုလိုလက္ခဏာမျိုးတွေဖြစ်မယ်ဆိုရင် ကလေးကို နွားနို့မတိုက်ပါနဲ့။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Giving Cow’s Milk to Babieshttps://parenting.firstcry.com/articles/cows-milk-for-babies-an-overview/ Accessed Date 27 November 2018

When Can Babies Start Drinking Cow’s Milk?https://kidshealth.org/en/parents/cow-milk.html Accessed Date 27 November 2018

Cow’s milk: When and how to introduce ithttps://www.babycenter.com/0_cows-milk-when-and-how-to-introduce-it_1334703.bc Accessed Date 27 November 2018

စာရေးသူ ဓာတ်ပုံbadge
Aye Thi Mon မှ ရေးသားသည်။ 10/02/2022 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။