ပိန္နဲသီးမှာ ကာဗိုဟိုက်ဒရိတ် နဲ့ ကယ်လ်လိုရီတွေ ပါဝင်နေသလို ကျန်းမာရေးနဲ့ ညီညွတ်တဲ့ ပမာဏထက် မပိုတဲ့ သကြားဓာတ်လည်း ပါဝင်နေပါတယ်။ ဒီလို အာဟာရပြည့်ဝမှုက ဘေဘီလေးကို အင်အားပြည့်ဝနေစေဖို့ ထောက်ကူပေးပါတယ်။ ပိန္နဲသီးက အစာကြေလွယ်သေသပြီး ကလေးကို အင်အားပြည့်ဝစေဖို့ ထောက်ကူပေးနိုင်မှာပါ။
ပိန္နဲသီးမှာ အမျှင်ဓာတ် ပါဝင်နေတာကြောင့် အစာခြေစနစ် ကျန်းမာစေဖို့ ထောက်ကူပေးပြီး ဘေဘီလေးကို ဝမ်းချုပ်တဲ့ ပြဿနာ ကင်းစေမှာပါ။ ဘေဘီလေးကို ကျန်းမာပြီး အာဟာရဓာတ်ကို ပြည့်ပြည့်ဝဝ စုပ်ယူနိုင်စေဖို့ဆိုရင် ပိန္နဲသီး ကျွေးပေးလို့ ရပါတယ်။
အစာခြေစနစ် ကျန်းမာမှ ဘေဘီလေး ကြီးထွားဖွံ့ဖြိုးဖို့ လိုအပ်တဲ့ အာဟာရဓာတ်တွေကို ပြည့်ပြည့်ဝဝ စုပ်ယူနိုင်မှာ ဖြစ်ပါတယ်။
ပိန္နဲသီးမှာ ဗီတာမင် A နဲ့ ဘီတာကယ်လ်ရိုတင်း၊ Lutein Zeaxanthinတို့ ပါဝင်နေတာကြောင့် ဘေဘီလေးရဲ့ မျက်လုံး ကျန်းမာစေဖို့ ထောက်ကူပေးပါတယ်။ ဗီတာမင် A က ဓာတ်တိုးဆန့်ကျင်အာနိသင် ရှိပြီး ဘေဘီလေးရဲ့ အမြင်အာရုံ ကျန်းမာစေဖို့ ထောက်ကူပေးနိုင်ပါတယ်။ မျက်လုံးလေးတွေကို ဓာတ်တိုးပစ္စည်းတွေကြောင့် ထိခိုက်မှု မဖြစ်စေဖို့ ထောက်ကူပေးပါတယ်။
မျက်လုံးထဲက အစိတ်အပိုင်းတစ်ခုစီကို ကျန်းမာစေဖို့ ထောက်ကူပေးပြီး မျက်လုံးကို ဗိုင်းရပ်စ် နဲ့ ဘက်တီးရီးယား ကူးစက်မှုတွေကြောင့် ထိခိုက်မှု မဖြစ်စေဖို့ ကာကွယ်ပေးပါတယ်။ ခရမ်းလွန်ရောင်ခြည်ကြောင့် မျက်စိထိခိုက်တာမျိုး မဖြစ်စေဖို့လည်း ထောက်ကူပေးပါတယ်။
ပိန္နဲသီးမှာ ကယ်လ်ဆီယမ် ကြွယ်ဝစွာ ပါဝင်နေတာက ဘေဘီလေးရဲ့ အရိုးတွေကို သန်မာကြံ့ခိုင်စေဖို့ ထောက်ကူပေးနိုင်ပါတယ်။ ကယ်လ်ဆီယမ်က အရိုးတေံ သန်မာစေပြီး အရိုးကျန်းမာရေးပြဿနာတွေ ကင်းစေဖို့ ထောက်ကူပေးနိုင်ပါတယ်။
ပိုတက်ဆီယမ် ပါဝင်မှုကလည်း ခန္ဓာကိုယ်မှာ ကယ်လ်ဆီယမ် ဆုံးရှုံးမှု နည်းစေဖို့ ထောက်ကူပေးပါတယ်။ အရိုးသိပ်သည်းဆ ကောင်းမွန်စေပြီး အရိုးနဲ့ သွားတွေ ကျန်းမာကြံ့ခိုင်စေဖို့ ထောက်ကူပေးပါတယ်။
ဘေဘီလေးတွေကို သွေးအားနည်းရောဂါ မဖြစ်စေဖို့ဆိုရင် ပိန္နဲသီး ကျွေးပေးလို့ ရပါတယ်။ ပိန္နဲသီးမှာ သံဓာတ် ကြွယ်ဝစွာ ပါဝင်နေတာကြောင့် သွေးအားနည်းတာမျိုး မဖြစ်အောင် ကာကွယ်ပေးပါတယ်။ ဗီတာမင် C ကြွယ်ဝမှုကလည်း ခန္ဓာကိုယ်ကို သံဓာတ်စုပ်ယူမှု ကောင်းစေဖို့ ထောက်ကူပေးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။