backup og meta

ကလေးကို ပေါင်ဒါလိမ်းပေးတာ စိတ်ချရရဲ့လား

ကလေးကို ပေါင်ဒါလိမ်းပေးတာ စိတ်ချရရဲ့လား ….. မေမေရော ဘယ်လိုထင်လဲ ……

ကလေးကို ပေါင်ဒါလိမ်းပေးတာ စိတ်ချရရဲ့လား

ဘေဘီလေးကို ချီလိုက်သူတိုင်းက မွှေးနေတာပဲလို့ ချီးမွှမ်းခံရတာကို သဘောကျလို့ ကလေးကို ရေချိုးပြီးတိုင်း ပေါင်ဒါ လူးပေးတယ်။ ရှူးရှူးပေါက်လို့ သန့်ရှင်းရေး လုပ်ပြီးတိုင်း အင်းအင်းပါလို့ သန့်ရှင်းရေး လုပ်ပေးပြီးတိုင်း ပေါင်ဒါ ရိုက်ပေးနေမိပြီလား။ မွှေးနေတာ ကောင်းပေမယ့် ပေါင်ဒါ အရမ်း အများကြီး သုံးတာက ဘေဘီပိစိလေးအတွက် စိတ်ချရရဲ့လား။

ပေါင်ဒါဆိုတာ

ပေါင်ဒါ ဆိုတာက သဘာဝက ရတဲ့ အမွှေးနံ့သာ ပစ္စည်းတွေကို အသုံးပြုပြီး လုပ်ထားတဲ့ အမှုန် သေးသေးလေးတွေပါ။ ကလေး ပေါင်ဒါမှုန့်လေးတွေက ဓာတုပစ္စည်း ပါဝင်မှု မရှိတာကြောင့် ကလေး အသားအရေကို ထိခိုက်တာမျိုး ဖြစ်မှာကိုတော့ စိုးရိမ်စရာ မရှိပေမယ့် သေးငယ်တဲ့ အမှုန်လေးတွေက ကလေး အသက်ရှူစနစ်အတွက်တော့ အန္တရာယ် ရှိနိုင်ပါတယ်နော်။

ကလေးကို ပေါင်ဒါလိမ်းပေးတာ စိတ်ချရရဲ့လား

ကလေးကို ပေါင်ဒါလိမ်းပေးတာ စိတ်ချရရဲ့လား ဆိုတော့ လေထဲမှာ အလွယ်တကူ ပြန့်လွင့်လွယ်တဲ့ ပေါင်ဒါမှုန့်လေးတွေက ကလေးကို မွှေးစေတာ မှန်ပေမယ့် အခုလိုမျိုး ထိခိုက်တာတွေတော့ ဖြစ်စေနိုင်ပါတယ်။

အဆုတ် ထိခိုက်စေနိုင်တယ်

ပေါင်ဒါ လူးပေးချိန်မှာ ပေါင်ဒါမှုန့်လေးတွေက ကလေးရဲ့ နှာခေါင်းကနေတဆင့် အသက်ရှူလမ်းကြောင်းထဲကိုရောက်သွားပြီး ဖွံ့ဖြိုးဆဲ ကလေးအဆုတ်ထဲက နုနယ်လှတဲ့ လေအိတ်လေးတွေကို ထိခိုက်စေနိုင်ပါတယ်။ အဆိုးဆုံး အခြေအနေနဲ့တော့ ကလေးကို အသက်ရှူရခက်စေပြီး အရမ်းပြင်းထန်ရင်သေဆုံးတဲ့အထိ ဖြစ်စေနိုင်တာပါ။

အသက်ရှူလမ်းကြောင်းပြဿနာတွေ ခံစားရစေနိုင်တယ်

ကလေးကို ပေါင်ဒါ လူးပေးတာက ကလေးကို ပေါင်ဒါတွေကို ရှူရှိုက်မိနိုင်ခြေ ပိုများစေနိုင်ပါတယ်။ ဒီလို ရှူရှိုက်မိတာက အဆုတ်ကို ထိခိုက်စေတယ်ဆိုတာတော့ အပေါ်မှာလည်းပြောပြီးသားပါနော်။ ဒါပေမယ့် ထပ်ပြောပြချင်တာက ကလေးက ပေါင်ဒါမှုန့်တွေကို ရှူရှိုက်လိုက်တဲ့အခါ ချောင်းဆိုးမယ်။ အသက်ရှူကြပ်မယ်၊ ကြက်ညှာချောင်းဆိုးဖြစ်မယ် စတဲ့ ပြဿနာတွေကို ခံစားရနိုင်ပါတယ်။ ကလေးကထိခိုက်လွယ်မယ်ဆိုရင် ပန်းနာရင်ကြပ် ရောဂါဖြစ်တာမျိုးအထိ ဖြစ်စေနိုင်ပါတယ်။

အသားအရေ ဓာတ်မတည့်တာမျိုးဖြစ်နိုင်ပါတယ်

ဓာတုပစ္စည်းမပါဘူးဆိုပေမယ့် ထိခိုက်လွယ်တဲ့အသားအရေပိုင်ရှင် ဘေဘီလေးတွေကတော့ ဓာတ်မတည့်တာမျိုးတွေ ခံစားရနိုင်ပါတယ်နော်။ အသားအရေမှာ နီမြန်းရောင်ရမ်းတာမျိုး ဖြစ်မယ်ဆိုရင်တော့ ကလေးကို ပေါင်ဒါ ဆက်မလူးပေးပါနဲ့တော့။

ကင်ဆာဖြစ်စေနိုင်တယ်
ဒီအချက်က ဘေဘီမီးမီးလေးတွေအတွက်ပါနော်။ ရှူးရှူးပေါက်၊ အင်းအင်းပါပြီးတဲ့အခါ သန့်ရှင်းရေးလုပ်ပေးပြီး ပေါင်ဒါရိုက်ပေးတာက ကလေးဆီးလမ်းကြောင်းထဲကိုပေါင်ဒါမှုန့်တွေရောက်ရှိသွားပြီး အချိန်ကြာမြင့်လာတဲ့အခါ သားဥအိမ်ကိုထိခိုက်တာမျိုး မျိုးပွားလမ်းကြောင်းကို ထိခိုက်တာမျိုးဖြစ်စေပြီး အရွယ်ရလာတဲ့ အခါ သားဥအိမ်ကင်ဆာဖြစ်နိုင်ခြေကိုမြင့်တက်စေနိုင်ပါတယ်။ လေ့လာမှုတွေလုပ်ဖို့ လိုသေးတယ်ဆိုပေမယ့် သတိထားတာကတော့ အကောင်းဆုံးဖြစ်မှာပါနော်။

ဘေဘီလေးကို အန္တရာယ်ကင်းကင်းနဲ့ ဘယ်လိုပေါင်ဒါလူးပေးမလဲ

အကောင်းဆုံးကတော့ မလိုအပ်ဘူးဆိုရင် ကလေးကိုပေါင်ဒါမလူးပေးဖို့ပါ။ ကလေးကိုမွှေးစေချင်တယ်ဆိုရင် baby lotionလေး လူးပေးပါနော်။ သမီးမိန်းကလေးမွေးထားတာဆိုရင်တော့ ပိုသတိထားဖို့လိုပါမယ်။ ပေါင်ဒါသုံးမယ်ဆိုလည်း ဆေးဝါးထောက်ခံချက်ရှိပြီး ကလေးအတွက် သီးသန့်ထုတ်ထားတဲ့ ပေါင်ဒါကိုပဲ သုံးပါ။

ကလေးကို ပေါင်ဒါလူးပေးတော့မယ်ဆိုရင် လက်ဖဝါးထဲကို အရင်ထည့်ပြီးမှာ ကလေးကို နောက်လက်တစ်ဖက်နဲ့နည်းနည်းချင်စီယူလူးပေးပါ။ နှာခေါင်းနားမှာ ပေါင်ဒါမှုန့်ကိုထည့်တာမျိုး မလုပ်မိဖို့ သတိထားပေးပါ။ မျက်လုံးနားမှာလည်း မလုပ်မိပါစေနဲ့။ နောက်ဆုံးတစ်ချက်က ဘေဘီမီးမီးလေးတွေရဲ့ မိန်းမကိုယ်ကိုပေါင်ဒါမှုန့်ထည့်ပေးတာမျိုး မလုပ်ပါနဲ့။ ကလေးကိုပေါင်ဒါထည့်ပေးတဲ့အခါ လည်ပင်း၊ခြေထောက်၊ချိုင်းကြားနဲ့ ခန္ဓာကိုယ်တို့မှာသာလူးပေးပါနော်။ မျက်နှာကို ပေါင်ဒါလူးပေးတာမျိုး မလုပ်ပါနဲ့။

[embed-health-tool-baby-poop-tool]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Is Baby Powder Safe for Babies?https://www.verywellfamily.com/is-baby-powder-safe-for-babies-4064708 Accessed Date 25 April 2019

Is it safe to use baby powder on my baby?https://www.babycenter.com/404_is-it-safe-to-use-baby-powder-on-my-baby_1519559.bc Accessed Date 25 April 2019

Is it safe to use talcum powder on my baby?https://www.babycentre.co.uk/x25006277/is-it-safe-to-use-talcum-powder-on-my-baby Accessed Date 25 April 2019

ယခုပုံစံ

21/03/2024

Aye Thi Mon မှ ရေးသားသည်။

မှ အချက်အလက် စစ်ဆေးထားပါသည်။ Dr. Thurein Hlaing Win

Aye Thi Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ဘေဘီလေးတွေရဲ့ ဆီးသွားခြင်း နဲ့ပတ်သက်ပြီး သိထားသင့်တာအချို့

ဘေဘီလေး နေမကောင်းဖြစ်နေလားဆိုတာကို ဒီအချက်တွေနဲ့သိနိုင်ပါတယ်နော်


Hello Sayarwon Panel မှ အချက်အလက်များ စစ်ဆေးထားပါသည်။ Aye Thi Mon မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 21/03/2024 ဖြစ်ပါသည်။

ad iconကြော်ငြာ

ဤဆောင်းပါးက အကူအညီဖြစ်ပါသလား။

ad iconကြော်ငြာ
ad iconကြော်ငြာ