ကင်ဆာဝေဒနာရှင်တွေကို အစားအစာတွေ အလွန်အမင်းရှောင်တာက ရောဂါကို မသက်သာစေတဲ့အပြင် ပိုတောင်ဆိုးသွားစေနိုင်ပါတယ်။ ဆေးဒဏ်၊ ရောဂါဒဏ်ခံနိုင်ဖို့အတွက် က အာဟာရပြည့်ပြည့်ဝဝစားနေဖို့က အဓိကသော့ချက်တစ်ခုဖြစ်ပါတယ်။

ဘာတွေရှောင်သင့်လဲ၊ ဘာတွေဆောင်သင့်သလဲ

(၁) ရေ နှင့် ဖျော်ရည်များ

ဆောင်ရန် – ကျိုချက်ပြီးသား ရေကျက်အေး၊ ရေခဲရေ၊ အိမ်တွင်ခဲထားသော သန့်သော ရေသန့်ရေခဲတုံး၊ (ရေခဲတုံး ခဲရာတွင် အသားငါး အခြားသောပစ္စည်းများ နှင့် ရောနှော၍ တစ်ထပ်တည်းတွင် မခဲသင့်ပါ)၊ သဘာဝ သစ်သီးဖျော်ရည် (ဝမ်းလျှောနေစဉ်ကာလ အတွင်း မတိုက်ရ၊ ပုံမှန်အချိန် တွင်လည်း ၁၀၀-၁၅၀ စီစီ (မီလီလီတာ) လောက်သာတိုက်ပါရန်၊ အိမ်လုပ် သန့်သန့်ရှင်းရှင်းလုပ်ထားတာမျိုး ဖြစ်ရပါမယ်)

ရှောင်ရန် – ရေစိမ်း၊ မကျိုချက်ရသေးတဲ့ရေ၊ ရေပိုက်ခေါင်းမှ ရေ၊ ရေစိမ်းဖြင့်ခဲထားသော ရေခဲတုံး၊ အသားငါးများ နှင့် ရောခဲထားသော ရေခဲတုံး၊ သံဘူး အချိုရည်များ၊ ဂက်စ် ပါသော အအေးများ၊ ဆိုင်ဖျော် အအေးများ၊ အသီးဖျော်ရည်များ၊ ကြံရည်၊ ရေခဲထုပ်၊ ရေခဲချောင်း စတာတွေ မကျွေးသင့်ပါဘူး။

(၂) ထမင်း၊ ပြောင်း၊ ပေါင်မုန့်

ဆောင်ရန်ထမင်း၊ ဂျုံခေါက်ဆွဲ၊ ကြက်ဥ ခေါက်ဆွဲ၊ ကြာဇံ၊ ပဲကြာဇံ၊ နံပြား၊ ပေါင်မုန့်၊ ကွေကာအုပ်၊ ပြောင်းဖူး၊ အာလူး၊ ကန်ဇွန်းဥ၊ ပိန်းဥ စတာတွေကို ပူပူနွေးနွေး သေချာကျက်အောင် ချက်ကျွေးလို့ရပါတယ်။

ရှောင်ရန် – အသင့်စား ခေါက်ဆွဲခြောက်ထုပ်များ၊ ပြန်နွှေးထားသော ထမင်း၊ ပြန်နွှေးထားသော ဟင်း၊ ယိုအရမ်းများသော ကိတ်မုန့်များ စတာတွေ ရှောင်သင့်ပါတယ်။

(၃) နို့ နှင့် နို့ထွက် ပစ္စည်းများ

ဆောင်ရန် – ပိုးသတ်ထားသော၊ သေချာ ကျိုချက်ထားသော နွားနို့၊ သန့်သန့်ရှင်းရှင်း လုပ်ထားသော အိမ်လုပ် ရေခဲမုန့်၊ မစ်ရှိတ်၊ ဆရာဝန် ညွှန်ကြားထားသော ဖြည့်စွက် အာဟာရမှုန့်၊ နို့မှုန့်၊ အိမ်လုပ် နို့ကြက်ဥပူတင်း၊ အိမ်လုပ် နွားနို့ ရေခဲထုပ်၊ အိမ်လုပ် နွားနို့ရေခဲချောင်း (အသား၊ငါး အခြားသော ပစ္စည်းများနှင့် ရော မခဲရ)၊ ပဲနို့၊

ရှောင်ရန် – မကျိုချက်ရသေးသော၊ သေချာ မကျိုချက်ထားသော နွားနို့၊ ဒိန်ချဉ်၊ ပြင်ပမှ လုပ်ရောင်းသော ရေခဲမုန့်၊ ရေခဲချောင်း၊ ရေခဲထုပ် စတာတွေ မကျွေးသင့်ပါဘူး။

(၄) ပဲအမျိုးမျိုး

ဆောင်ရန် – ပဲ များများကျွေးပေးရပါမည်။ ဒါမှ အသားဓာတ် ကြွယ်ဝပြီး အာဟာရပြည့်ဝမှာပါ။ ပဲဟင်း၊ ပဲနှပ်၊ ပဲပြုတ်၊ ပဲနို့၊ ပဲကြော်၊ ပဲလှော် (သေချာ ကျက်အောင် ချက်ကျွေးပေးဖို့လိုပါတယ်)

ရှောင်ရန် – အစိမ်း မကျွေးရ၊ ပဲစိမ်းရည် စတာတွေ မတိုက်ရ။

(၅) အစေ့အဆန် အမျိုးမျိုး

ဆောင်ရန် – သေချာ ကျက်အောင် လှော်ထားသော၊ ကြော်ထားသာ အစေ့အဆန် များ (ဥပမာ- မြေပဲ၊ သီဟိုစေ့၊ ဗံဒါစေ့) စတာတွေ ကျွေးပေးလို့ရပါတယ်။ (ကလေး အရမ်းငယ်သေးရင် သတိထားပါ။ သီးတတ်ပါသည်)

ရှောင်ရန် – မလှော်ရသေးသော၊ မကြော်ရသေးသော အစိမ်းများ၊ စပျစ်သီးခြောက်များ၊ အသီးခြောက်များ။

(၆) အသီးအနှံ အမျိုးမျိုး

ဆောင်ရန် – အခွံထူ အသီး အနှံ များ (ဥပမာ – ငှက်ပျောသီး၊ လိမ္မော်သီး၊ ဂျပန်သခွားမွှေး၊ သလဲသီး၊ မာလကာသီး (အစေ့မစားရ)၊ ပန်းသီး၊ သစ်တော်သီး၊ ပန်းသစ်တော်သီး၊ တရုတ်ဇီးသီး၊ ဖရဲသီး၊ သဘောင်္သီး စတာတွေ ကို ရေသေချာဆေးပြီး အခွံနွှာပြီးကျွေးပေးလို့ရပါတယ်။ အိမ်မှာပဲ သေချာခွဲကျွေးရပါမယ်။ ဆိုင်တွင် ခွဲပြီးသား တုံးပြီးသားတွေ လုံးဝမကျွေးရ။

ရှောင်ရန် – စတော်ဘယ်ရီ၊ စပျစ်သီး၊ ချယ်ရီသီး၊ သြဇာသီး၊ လိုင်ချီး စတာတွေ မကျွေးရပါဘူး။

(၇) ဟင်းသီးဟင်းရွက် အမျိုးမျိုး

ဆောင်ရန် – ဟင်းရွက်များ ကို ရေသေချာ အထပ်ထပ် ဆေးပြီး မှ ကျွေးပါ။ အနည်းဆုံး မိနစ် သုံးဆယ် ရေစိမ်ပါ။ ရေသုံးခါ ဆေးချပါ။ အခွံနွှာလို့ရတဲ့ ဟင်းသီးဟင်းရွက်များ (ဥပမာ- မုန်လာဥနီ၊ သခွားသီး) များ ကို အခွံနွှာပါ။ အခွံနွာလို့မရသော ဟင်းသီးဟင်းရွက် (ဥပမာ – ခရမ်းချဉ်သီး) များကို ရေနွေးဖြင့် တစ်မိနစ်ခန့် ပြုတ်ပေးပါ။

ရှောင်ရန် – မချက်ရသေးသောအစိမ်းများ၊ အခွံ မနွှာရသေးသော ဟင်းသီးဟင်းရွက်များ မကျွေးသင့်ပါ။

လေးစားစွာဖြင့်

ဒေါက်တာ ညီညီကျော်

Hello Health Group  သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Read also:

မျှဝေမည်

တည်းဖြတ်သည့်နေ့ မတျ 14, 2019 | နောက်ဆုံးတည်းဖြတ်ခြင်း မတျ 14, 2019

Dr. Nyi Nyi Kyaw အာဟာရဆိုင်ရာ အထူးကု
အာဟာရဆိုင်ရာ အထူးကု အဖြစ် ဆာကူရာ ဆေးရုံ တွင် တာဝန်ထမ်းဆောင်နေပါတယ်။ လက်ရှိ ရန်ကုန် ကလေးဆေးရုံ မှာ လည်း Volunteer အဖြစ်ဆောင်ရွက်နေပါတယ်။ M.B,B.S (Ygn) ဘွဲ့ကို ၂၀၁၅ မှာ ရရှိခဲ့ပြီး UK Bedfordshire University က ချီးမြှင့်သည့် M.Sc (Nutrition & Dietetics) (UK) ဘွဲ့ကို ၂၀၁၈ မှာ ရရှိခဲ့ပါတယ်။ Member of Nutrition Society (UK) အသင်း ဝင်အဖြစ် ၂၀၁၈ မှာ စတင်ခဲ့ပါတယ်။
ထပ်ပြပါ
နောက်ဆုံးဆောင်းပါးများ