ကင်ဆာကိုဖြစ်စေနိုင်တဲ့အကြောင်းအရင်းတွေကတော်တော်လေးတော့များပါတယ်။ အချို့ကင်ဆာရောဂါတွေဆို ဘာကြောင့်ဖြစ်ရတာလဲဆိုတာကို အကြောင်းအရင်းသေသေချာချာမသိရသေးပါဘူး။ ကင်ဆာအချို့က ပတ်ဝန်းကျင်က အရာတွေနဲ့ ဘဝနေထိုင်မှုပုံစံတွေကြောင့်ဖြစ်နိုင်သလို အချို့ကင်ဆာရောဂါတွေကတော့ မျိုးဗီဇကြောင့်ဖြစ်ရတာပါ။ ကင်ဆာရောဂါတော်တော်များများကတော့ ဒီအကြောင်းအရင်းတွေထဲက နှစ်ခု၊ သုံးခုလောက်ပေါင်းမိရာကနေဖြစ်ရတာပါ။ ပတ်ဝန်းကျင်မှာနေ့စဉ်ထိတွေ့နေတဲ့ ဓါတုပစ္စည်းတွေ၊ အစားအသောက်တွေထဲက မမြင်ရတဲ့ ဓါတုပစ္စည်းတွေ တဆင့်ခံဆေးလိပ်ငွေ့တွေ။နေ့စဉ်ထိတွေ့နေတဲ့ သန့်ရှင်းရေးသုံးပစ္စည်းတွေထဲက ဓါတုပစ္စည်းတွေကြောင့်ကင်ဆာရောဂါဖြစ်နိုင်ပါတယ်။နေရောင်ထဲမှာပါတဲ့ ခရမ်းလွန်ရောင်ခြည် ၊ အထိုင်များတဲ့ ဘဝနေထိုင်မှုပုံစံနဲ့ ကျန်းမာရေးနဲ့ မညီညွတ်တဲ့ စားသောက်နေထိုင်မှုပုံစံတို့ကြောင့်လည်း ကင်ဆာဖြစ်နိုင်ပါသေးတယ်။ အပူချိန် ပြင်းပြင်းနဲ့ကင်ထားတဲ့ အသားကင်တွေ အစားများတာကြောင့်လည်း ကင်ဆာဖြစ်နိုင်ပါတယ်။
အဖြစ်များတဲ့ ကင်ဆာရောဂါတွေက
ကင်ဆာရောဂါ အမျိုးအစားပေါင်းက ၂၀၀ကျော်လောက်ရှိတယ်ဆိုပေမယ့် ကင်ဆာရောဂါတွေအားလုံးက အဖြစ်များတာတော့မဟုတ်ပါဘူး။ တစ်ကမ္ဘာလုံးအတိုင်းအတာနဲ့ အဖြစ်အများဆုံးကင်ဆာရောဂါတွေကတော့ –
- ရင်သားကင်ဆာ
- အရေပြားကင်ဆာ
- ဆီးကျိတ်ကင်ဆာ
- အဆုတ်ကင်ဆာ
- အသည်းကင်ဆာ
- သားအိမ်ကင်ဆာ
- အူမကြီးကင်ဆာ
- ဦးနှောက်မှာ အကျိတ်ဖြစ်တာ
- သွေးကင်ဆာ
- ကျောက်ကပ်ကင်ဆာ
- ဆီးအိမ်ကင်ဆာ
- ခံတွင်းကင်ဆာတွေကတော်တော်လေးကို အဖြစ်များပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။