ကိုယ်တိုင် ဆေးလိပ်မသောက်တတ်တာကြောင့် ဆေးလိပ်ကြောင့်ဖြစ်လာနိုင်တဲ့ ရောဂါတွေကို မခံစားရဘူးလို့ထင်နေတာလား။ မဟုတ်ဘူးနော်။ နေ့စဉ်လှုပ်ရှားထိတွေ့နေတဲ့ ပတ်ဝန်းကျင်မှာရှိနေတဲ့ တဆင့်ခံဆေးလိပ်ငွေ့တွေက သင့်ကျန်းမာရေးကိုထိခိုက်စေနိုင်ပါသေးတယ်။
ကိုယ်တိုင် ဆေးလိပ်မသောက်တတ်တာကြောင့် ဆေးလိပ်ကြောင့်ဖြစ်လာနိုင်တဲ့ ရောဂါတွေကို မခံစားရဘူးလို့ထင်နေတာလား။ မဟုတ်ဘူးနော်။ နေ့စဉ်လှုပ်ရှားထိတွေ့နေတဲ့ ပတ်ဝန်းကျင်မှာရှိနေတဲ့ တဆင့်ခံဆေးလိပ်ငွေ့တွေက သင့်ကျန်းမာရေးကိုထိခိုက်စေနိုင်ပါသေးတယ်။
စီးကရက်ကို မီးညှိထားတာကြောင့်ထွက်လာတဲ့ အငွေ့နဲ့ ဆေးလိပ်သောက်သူက ရှုထုတ်လိုက်တဲ့ အငွေ့တွေပေါင်းစပ်ပြီး တဆင့်ခံဆေးလိပ်ငွေ့ဖြစ်လာရပါတယ်။ တဆင့်ခံဆေးလိပ်ငွေ့မှာ ဓါတုပစ္စည်းအမျိုးပေါင်း ၇၀၀၀ ကျော်ပါဝင်နေပြီး ဒီဓါတုပစ္စည်းတွေထဲက ရာပေါင်းများစွာက အဆိပ်အတောက်ဖြစ်စေနိုင်ပြီး အမျိုးပေါင်း ၇၀ လောက်က ကင်ဆာ ဖြစ်စေနိုင်ပါတယ်။ ဒီအငွေ့တွေဟာ လေထုထဲမှာ ၄ နာရီလောက်ထိရှိနေနိုင်ပြီး စက္ကန့်တိုင်း မိနစ်တိုင်းမှာ ကျန်းမာရေးကို ဒုက္ခပေးနေပါတယ်။
တဆင့်ခံဆေးလိပ်ငွေ့ကို ထိတွေ့မိပြီး
တဆင့်ခံဆေးလိပ်ငွေ့ကို ထိတွေ့မိတာကြောင့် နှလုံးသွေးကြောတွေထိခိုက်နိုင်ပါတယ်။ တဆင့်ခံဆေးလိပ်ငွေ့ကြောင့် နှစ်စဉ်အရွယ်ရောက်ပြီးသူ ၃၄၀၀၀ လောက် နှလုံးရောဂါနဲ့သေဆုံးနေရသလို လေဖြတ်တာ၊ ရုတ်တရက်နှလုံးရပ်တာတွေကို ခံစားရမှုတွေရှိနေပါတယ်။ တဆင့်ခံဆေးလိပ်ငွေ့က နှလုံးရောဂါ ဖြစ်နိုင်ခြေကို ၂၅ ရာခိုင်နှုန်းကနေ ၃၀ ရာခိုင်နှုန်းအထိတိုးစေနိုင်သလို လေဖြတ်နိုင်ခြေကိုလည်း ၂၀ ရာခိုင်နှုန်းကနေ ၃၀ ရာခိုင်နှုန်းအထိတိုးနိုင်ပါတယ်။
တဆင့်ခံဆေးလိပ်ငွေ့ကြောင့် အဆုတ်ကင်ဆာဖြစ်နိုင်တယ်
ကိုယ်တိုင်က ဆေးလိပ်မသောကပေမယ့်လည်း တဆင့်ခံ ဆေးလိပ်ငွေ့ကြောင့် အဆုတ်ကင်ဆာကို ခံစားရနိုင်ပါတယ်။ ဆေးလိပ်မသောက်ပေးမယ့်လည်း တဆင့်ခံဆေးလိပ်ငွေ့ထိတွေ့မှုက သင့်မှာ အဆုတ်ကင်ဆာဖြစ်နိုင်ခြေ ၂၀ ရာခိုင်နှုန်းကနေ ၃၀ ရာခိုင်နှုန်းအထိတိုးစေနိုင်ပါတယ်။ နျစ်စဉ် တဆင့်ခံဆေးလပ်ငွေ့ကြောင့်ဖြစ်တဲ့ အဆုတ်ကင်ဆာရောဂါကြောင့် သေဆုံးသူအရေအတွက်က ၇၃၀၀ လောက်ရှိပါတယ်။ တဆင့်ခံဆေးလိပ်ငွေ့ကိုရှုရှိုက်မိတာက အသက်ရှုလမ်းကြောင်းတလျှောက်ကဆဲလ်တွေကို ထိခိုက်စေနိုင်သလို အဆုတ်ကိုလည်း ထိခိုက်စေနိုင်ပါတယ်။
ဒါတွေအပြင် ဆေးလိပ်ငွေ့ကြောင့် မျက်လုံးမှာတိမ်ဖြစ်တာ၊ အမြင်အာရုံထိခိုက်တာနဲ့ အသက်ရှုလမ်းကြောင်းဆိုင်ရာ ရောဂါတွေခံစားရတာ၊ သွေးတိုးတာ၊ သံားနဲ့ခံတွင်းကျန်းမာရေး ထိခိုက်တာမျိုးတွေပါ ခံစားရနိုင်ပါတယ်။ ဘေဘီလေးတွေမှာဆိုရင် မွေးကင်းစကလေးငယ်ရုတ်တရက်သေဆုံးတာမျိုးတွေကိုတောင်ခံစားရနိုင်သလို ပန်းနာရင်ကြပ်ရောဂါ၊ အကြားအာရုံထိခိုက်တာနဲ့ ဦးနှောက်ဖွံ့ဖြိုးမှုထိခိုက်တာတွေကိုပါ ခံစားရနိုင်ပါတယ်။
တဆင့်ခံဆေးလိပ်ငွေ့က နေရာတိုင်းမှာ ရှိနေနိုင်ပြီး လူတိုင်းကိုထိခိုက်မိနိုင်တယ်ဆိုပေမယ့် ဒီလိုတွေကတော့ အခြားသူတွေထက် တဆင့်ခံဆေးလိပ်ငွေ့ကို ထိတွေ့မိနိုင်ခြေပိုများနေပါတယ်။
ကိုယ့်ကျန်းမာရေးကို စောင့်ရှောက်ဖို့ တာဝန်အရှိဆုံးသူက ကိုယ်တိုင်ပဲဆိုတော့ အခုကစလို့ ကျန်းမာရေးစောင့်ရှောက်မှုတစ်ရပ်အနေနဲ့ တဆင့်ခံဆေးလိပ်ငွေ့ကို ရှောင်ပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။