ဗီတာမင် PP ဆိုလို့ ရှိလို့လား၊ ဟုတ်ရော ဟုတ်ရဲ့လားဆိုပြီး မအံ့ဩ သွားနဲ့နော်။ ဗီတာမင် PP ဆိုတာက ဗီတာမင် B အုပ်စုဝင် ဗီတာမင် B3 ပါ။
ဗီတာမင် PP ဆိုလို့ ရှိလို့လား၊ ဟုတ်ရော ဟုတ်ရဲ့လားဆိုပြီး မအံ့ဩ သွားနဲ့နော်။ ဗီတာမင် PP ဆိုတာက ဗီတာမင် B အုပ်စုဝင် ဗီတာမင် B3 ပါ။
ဒီ ဗီတာမင်က စားသုံးလိုက်တဲ့ အစားအစာတွေကို စွမ်းအင်အဖြစ် ပြောင်းလဲပေးမှု တာဝန်ကို အဓိက ထမ်းဆောင်နေတာပါ။ ခန္ဓာကိုယ်က ပရိုတင်း နဲ့ အဆီတွေကို အသုံးပြုဖို့ ထောက်ပံ့ပေးသလို အာရုံကြောစနစ် ကျန်းမာစေဖို့လည်း ထောက်ပံ့ပေးပါတယ်။ အလှအပအတွက်တော့ ဆံသားနဲ့ အသားအရေ ကျန်းမာလှပစေဖို့လည်း ကူညီ အားဖြည့်ပေးပါသေးတယ်။
ဗီတာမင် PP၊ ဗီတာမင် B3၊ niacinamide လို့ အမည်နာမ အမျိုးမျိုး ရှိတဲ့ ဗီတာမင်လေးက အသားအရေအတွက် လိုအပ်တဲ့ ပရိုတင်းတွေကို ထောက်ပံ့ပေးပြီး ပတ်ဝန်းကျင်က ညစ်ညမ်းတဲ့အရာတွေကြောင့် အသားအရေ ထိခိုက်မှု ကင်းစေဖို့ အစိုဓာတ် ထိန်းပေးတာနဲ့အတူ အခုလို အလှအပ အကျိုးကျေးဇူးလေးတွေကိုလည်း ပေးပါသေးတယ်။
Niacinamide က ကိုယ်ခံအား ကောင်းစေဖို့ အားဖြည့်ပေးသလို အရေပြားတွေကို တင်းရင်း ကျန်းမာစေဖို့လည်း ကူညီပေးပါတယ်။
Niacinamide က အရေပြား အပေါ်ယံလွှာကို ကာကွယ်ပေးတဲ့ ceramide (lipid) ကို ဖြစ်ပေါ်စေပြီး အရေပြားကို အစိုဓာတ် ထိန်းပေးပါတယ်။ အရေပြား ခြောက်သွေ့ ကြမ်းတမ်းတာ နဲ့ နှင်းခူတွေ မဖြစ်စေဖို့လည်း ကာကွယ်ပေးပါတယ်။
အရေပြားမှာ ဝက်ခြံ၊ နှင်းခူတို့လိုမျိုး အရေပြား ပြဿနာတွေကြောင့် နီမြန်းရောင်ရမ်းတာကို သက်သာစေဖို့လည်း ဗီတာမင် PP က အားဖြည့်ပေးပါသေးတယ်။
ဗီတာမင် PP က အရေပြားကို အစိုဓာတ် ထိန်းပေးပြီး ချွေးပေါက်တွေကို ထိန်းညှိပေးတာကြောင့် ချောမွေ့တဲ့ အသားအရေကို ပိုင်ဆိုင်နိုင်မှာပါ။
အစိုဓာတ် ထိန်းပေးတာကြောင့် အသားအရေကို ခြောက်သွေ့မှု ကင်းစေသလို အဆီဂလင်းတွေကိုလည်း အဆီတွေ အများကြီး မထွက်စေဖို့ ထိန်းညှိပေးတာကြောင့် အဆီပြန်ခြင်း ကင်းစေမှာပါ။
ဗီတာမင် PP က အသားအရေကို ခရမ်းလွန်ရောင်ခြည်ကြောင့် ထိခိုက်ပျက်စီးမှုကို ကာကွယ်ပေးပါတယ်။ ကျန်းမာတဲ့ အရေပြားဆဲလ်တွေ ပြန်လည်ဖြစ်ပေါ်စေဖို့လည်း အားဖြည့်ပေးပါတယ်။
ဗီတာမင် PP က ကော်လာဂျင် ထွက်ရှိလာစေဖို့ လှုံ့ဆော်ပေးတာကြောင့် အရေပြားပေါ်က အမည်းစက်တွေ အမာရွတ်တွေ လျော့ပါးစေဖို့ အားဖြည့်ပေးပါတယ်။ အစက်အပြောက် ကင်းစင်တဲ့ အလှတရားကို ဖန်တီးပေးနိုင်မှာပါ။
ဗီတာမင် PP က နေရောင်ကြောင့် အသားအရေ အိုမင်းတာနဲ့ အရေးအကြောင်း ဖြစ်ပေါ်တာတွေကို လျော့ပါး သက်သာစေနိုင်ပါတယ်။ အရွယ်မတိုင်ခင် အိုမင်းတာကိုလည်း ကာကွယ်ပေးပါတယ်။
ဝက်ခြံတွေ၊ အဆီဖုတွေကြောင့် စိတ်ညစ်နေသူတွေအတွက်လည်း ဗီတာမင် PP က ကူညီပေးနိုင်ပါတယ်။ ဝက်ခြံ သက်သာစေပြီး အသားအရေ ကောင်းလာစေဖို့လည်း အားဖြည့်ပေးပါတယ်။
စိတ်ဖိစီးမှု၊ နေရောင်၊ အဆိပ်အတောက်တွေ၊ ညစ်ညမ်းမှုတွေလိုမျိုး အရာတွေကြောင့် အသားအရေ ထိခိုက်ပျက်စီးမှုကနေ ကာကွယ်ပေးတဲ့ တာဝန်ကိုလည်း ဗီတာမင် PP က လုပ်ဆောင်ပေးပါတယ်။
ကဲ………….. ဗီတာမင် PP က အလှအပဗီတာမင်ရယ်လို့ တင်စားရလောက်တဲ့အထိ ကောင်းတယ်ဟုတ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။