အစာအဆိပ်သင့် တဲ့အခါ ဘာတွေဆောင်လို့ဘာတွေရှောင်မလဲ....

အစာအဆိပ်သင့် တာကနေ ပြန်လည်နလန်ထူလာတဲ့အခါ

အစာအဆိပ်သင့်တဲ့အခါ အော့အန်တာ၊ ဝမ်းသွားတာတွေကြောင့် ခန္ဓာကိုယ်က တော်တော်လေးအားအင်ကုန်ခမ်းနေနိုင်ပါတယ်။ ရေဓာတ်လည်း တော်တော်လေး ကုန်ဆုံးနေနိုင်ပါတယ်။ ဒါကြောင့် လိုအပ်တဲ့ အာဟာရဓာတ်တွေနဲ့ ရေဓာတ်တွေကို အမြန်ဆုံးပြန်ဖြည့်နိုင်တာက အကောင်းဆုံးဖြစ်မှာပါ။ ဒါကြောင့် နာလန်ထူစမှာသေချာလေးဂရုစိုက်မိဖို့လိုပါမယ်။

ချင်း (ဂျင်း) လက်ဖက်ရည်သောက်ပေးပါ

ဒါကလည် အစာအဆိပ်သင့်ရာကနေ နာလန်ထလာသူအတွက် တော်တော်လေး အထောက်အကူပြုပေးနိုင်တဲ့ အိမ်တွင်းကုထုံးတစ်ရပ်ပါ။ ဒါ့ကြောင့် ချင်း (ဂျင်း)ရေနွေးကြမ်း တစ်ခွက်လောက်သောက်သုံးပေးပါ။

ဘာတွေစားရမလဲ……………..

• ဓာတ်ဆားရည်သောက်ပါ။
• အုန်းစိမ်းရည်သောက်ပေးပါ။
• ငှက်ပျောသီး။
• ထမင်းခပ်ပျော့ပျော့။
• အာလူးပြုတ်။
• အရေခွံမပါတဲ့ ကြက်သား။
• ကြက်စွပ်ပြုတ်။
• ကြက်ဥအကာ။
• ပေါင်မုန့်မီးကင်။
• ကြက်ဆင်သား။
• ပျားရည်။
• မြေပဲထောပတ်။ စတာတွေ စားပေးလို့ရပါတယ်။

ဘာတွေရှောင်ရမလဲ……..

အစာအဆိပ်သင့်မှုကြောင့် အစာအိမ်နဲ့ အူနံရံတွေက ရောင်နေတာတွေ ဖြစ်နေနိုင်ပါတယ်။ ဒီလိုအခြေအနေမှာ ရောင်ရမ်းနေတဲ့ အစာအိမ်နဲ့ အူနံရံတွေကို ထပ်မံထိခိုက်တာမျိုး မဖြစ်စေဖို့အတွက် ဒါတွေကို မစားသင့်သေးပါဘူး။

• နို့
• နို့ထွက်ပစ္စည်းတွေ
• အဆီများတဲ့ အစားအစာတွေ
• အပူအစပ်တွေ
• ဆီကြော်စာတွေ
• ကဖင်းပါတဲ့ အစားအစာတွေ
• ဘီယာနဲ့ အရက် စတာတွေကို မစားသင့်သေးပါဘူး။