ရေဆူဆေးပြားသောက်တာ ကောင်းလား

ရေခွက်လေးထဲပစ်ထည့်လိုက်ရင်ရေလေးတွေဆူလာပြီး အမြှုပ်လေးတွေတက်လာတာကို သဘောကျလို့ ငယ်ငယ်ကတည်းက သောက်ခဲ့ဖူးမယ်ထင်ပါတယ်နော်။ ဒီရေဆူဆေးပြားလေးတွေက အမြှုပ်လေးတွေတက်လာလို့ ကြည့်လို့ကောင်းတယ်ဆိုတာထက်တော်တော်လေးပိုပါတယ်။ဖျော်ရည်လေးလို အရသာကောင်းကောင်းနဲ့သောက်လို့ကောင်းရုံတင်၊ လန်းဆန်းသွားစေရုံတင်မဟုတ်ပါဘူး။ ခန္ဓါကိုယ်မှာ လိုအပ်တဲ့ ဓါတ်တွေကိုပါဖြည့်စွမ်းပေးပါသေးတယ်။

ရေဆူဆေးပြားသောက်တာကောင်းလား………

ရေဆူဆေးပြားကိုသောက်ဖို့ရေတစ်ခွက်ပဲလိုတာပါ။ရေတစ်ခွက်ရှိရုံနဲ့ အဆင်ပြေပြေသောက်လို့ရပါတယ်။ဆေးကြောက်တဲ့သူတွေအတွက်ဆိုရင်လည်းတော်တော်လေးအဆင်ပြေစေတာပါ။ လိုအပ်တဲ့ ဗီတာမင် နဲ့ သတ္တုဓါတ်တွေကိုဖျော်ရည်လို အရသာရှိတဲ့ရေလေးတစ်ခွက်သောက်ရုံနဲ့ ရရှိမယ်ဆိုတော့ရေဆူဆေးပြားသောက်တာကောင်းတယ်၊ လို့ပဲပြောရမှာပါ။

ရေဆူဆေးပြား နဲ့သောက်ဆေးတွေဘာကိုရွေးမလဲ………..

ဆေးတိုက်ရခက်တဲ့သူတွေ၊ မျိုချရခက်ခဲနေတဲ့သူတွေ၊ အသက်အရွယ်ကြီးရင့်နေတဲ့ ဖိုးဖိုးဖွားဖွားတွေနဲ့ဆေးကြောက်တတ်တဲ့ကလေးတွေအတွက်ကတော့ရေဆူဆေးပြားက အဆင်ပြေပါလိမ့်မယ်။ အချို့သောလိုအပ်တဲ့ ဗီတာမင် နဲ့ သတ္တုဓါတ်တွေကိုပြည့်စုံဖို့ မဖြစ်မနေဆေးသောက်ဖို့လိုမယ်။ ဒါပေမယ့်ဆေးသောက်ဖို့အတွက် မလွယ်ကူဘူး၊ဆိုရင် ဒီပြဿနာကိုဖြေရှင်းနိုင်ဖို့ အကောင်းဆုံးနည်းလမ်းတစ်ရပ်အနေနဲ့လည်းရေဆူဆေးပြားတွေကိုသုံးပေးလို့ရပါတယ်။

ရေဆူဆေးပြားဝယ်တဲ့အခါမှာတော့ လိုအပ်တဲ့ ဗီတာမင် နဲ့ သတ္တုဓါတ်တွေပါဝင်ရဲ့လားဆိုတာကိုသေချာလေးရွေးချယ်မိဖို့တော့လိုပါမယ်။ ဒါပေမယ့်ရေဆူဆေးပြား အများစုမှာ ကိုယ်တွင်းသွေးပမာဏကို ထိန်းညှိပေးနိုင်ပြီး ကြွက်သားနဲ့အာရုံကြောလုပ်ဆောင်မှုတွေကို အကောင်းဆုံးဖြစ်အောင်လုပ်ဆောင်ပေးတဲ့ ဆိုဒီယမ်ကလိုရိုက်ပါဝင်နေပါတယ်။ ဒါ့အပြင်ရေဆူဆေးပြားဝယ်တဲ့အခါ ဗီတာမင် C ပါတာကိုရွေးချယ်ဝယ်ယူမယ်ဆိုရင် ကိုယ်ခံအားကိုကောင်းစေပြီး အသားအရေကိုကြည်လင်စေမှာပါ။ စိတ်ပင်ပန်းတာကို သက်သာစေပြီး၊ သွားနဲ့ သွားဖုံးပြဿနာတွေကို ထိထိရောက်ရောက်ကာကွယ်ပေးနိုင်ပါတယ်။ အအေးမိတုပ်ကွေးဖြစ်နေတဲ့အခါမျိုးမှာရော၊ အအေးမိတုပ်ကွေးကို ကာကွယ်တဲ့အနေနဲ့ပါသောက်သုံးပေးလို့ရပါတယ်။

အရိုးအဆစ်တွေနဲ့ သွားတွေကြံ့ခိုင်သန်စွမ်းဖို့အတွက်ကတော့ ကယ်လ်ဆီယမ်ပါတဲ့ရေဆူဆေးပြားမျိုးကအဆင်ပြေစေမှာပါ။ အသက်အရွယ်ကြီးရင့်လာပြီဖြစ်တဲ့မေမေဖေဖေ၊ ဖိုးဖိုးဖွားဖွားတို့ ကျန်းမာသန်စွမ်းဖို့ အကောင်းဆုံးထောက်ပံ့ပေးနိုင်မှာပါ။ ဒါ့အပြင် ဇင့်နဲ့ အခြားဆေးဖက်ဝင် အပင်တွေကို ထည့်သွင်းထုတ်လုပ်ထားတဲ့ရေဆူဆေးပြားတွေကိုသောက်သုံးပေးမှုက ခန္ဓါကိုယ်ကို မှိုတွေ၊ ဘက်တီးရီးယားတွေ အန္တရာယ်ကနေ အထိရောက်ဆုံးတားဆီးပေးနိုင်မှာပါ။ ဒါ့အြပ်ငနေ့စဉ်ထိတွေ့နေရတဲ့ ညစ်ညမ်းမှုတွေကြောင့် ကျန်းမာရေးမထိခိုက်အောင်ကာကွယ်ပေးမှာဖြစ်တဲ့အပြင် လှုပ်ရှားမှုကြောင့်ချွေးထွက်တဲ့အခါ ဆုံးရှုံးသွားတဲ့ ဓါတ်ဆားဓါတ်ကို အမြန်ဆုံးပြန်လည်ဖြည့်တင်းပေးနိုင်မှာဖြစ်ပါတယ်။

အစာအိမ်ထဲကိုဆေးလုံးအနေနဲ့မဟုတ်ဘဲ အရည်အနေနဲ့ရောက်ရှိသွားမှာဖြစ်တဲ့အတွက် အစာအိမ်နံရံတွေက အာဟာရဓါတ်တွေကို ခပ်မြန်မြန်စုပ်ယူနိုင်စေမှာဖြစ်တာကြောင့် ထိရောက်မှုအာနိသင်ကလည်းပိုကောင်းမှာပါ။ချွေးထွက်များတဲ့အချိန်၊ ဝမ်းသွားနေတဲ့အချိန်တွေမှာရေဆူဆေးပြားသောက်သုံးပေးတာက ဆုံးရှုံးသွားတဲ့ရေဓါတ်တွေကိုမြန်မြန်ပြန်လည်ဖြည့်တင်းပေးနိုင်မှာပါ။ရေသောက်နည်းတဲ့သူတွေအတွက်ဆိုလည်း ခန္ဓါကိုယ်ကိုရေဓါတ်ဖြည့်တင်းပေးနိုင်မယ့် အထိရောက်ဆုံးနည်းလမ်းတစ်ခုပါ။နွေရာသီလိုပူပြင်းတဲ့ရာသီအခြေအနေမှာရေဓါတ်မဆုံးရှုံးစေဖို့လည်း အကောင်းဆုံးထောက်ပံ့ပေးနိုင်မှာပါ။

ရေလိုပဲသောက်ရတာဖြစ်တဲ့အတွက်ကြောင့်ဆေးလုံးနင်မှာကိုလည်း ပူစရာမလိုပါဘူး။ အခြားသောက်ဆေးတွေလို အပေါ်က Coating တစ်ထပ်မပါတာကြောင့်ဆေးအာနိသင်တွေကို ထိထိရောက်ရောက်ရရှိစေနိုင်မှာပါ။ဆေးသောက်ရမှာကြောက်တဲ့သူတွေအနေနဲ့ အရသာရှိရှိနဲ့သောက်သုံးနိုင်မယ့်ဆေးတစ်မျိုးပါ။ တစ်ခုပဲ သတိထားဖို့လိုတာက လိုအပ်ချက်နဲ့ ကိုက်ညီအောင်ရွေးချယ်ပေးဖို့ပါ။

ကဲ…..ဆေးသောက်ရမှာကြောက်တဲ့သူလေးတွေအတွက် လိုအပ်တဲ့ဓါတ်တွေကိုရေဆူဆေးပြားလေးကနေတဆင့် ရယူလိုက်ပါ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

[embed-health-tool-bmi]