ဂရိတ်ဖရုမှာ ဗီတာမင်စီလို ဓာတ်တိုးဆန့်ကျင်ပစ္စည်း ပါဝင်ပါတယ်။ ဒါဟာ ကင်ဆာဖြစ်ပေါ်ဖို့ အားပေးတဲ့ ဖရီးရယ်ဒီကယ်တွေကို ဖျက်ဆီးပေးပါတယ်။
ဂရိတ်ဖရုခပ်သေးသေးတလုံးမှာ ဗီတာမင်စီ ၆၈.၈ မီလီဂရမ် ပါဝင်ပါတယ်။ ဗီတာမင်စီ တနေ့တာ စားသုံးသင့်တဲ့ ပမာဏကတော့ အမျိုးသမီးများအတွက် ၇၅ မီလီဂရမ်ဖြစ်ပြီး အမျိုးသားများအတွက် ၈၀ မီလီဂရမ် ဖြစ်ပါတယ်။
ဂရိတ်ဖရုသီး ခပ်သေးသေးတလုံးမှာ တခြား ဓာတ်တိုးဆန့်ကျင်ပစ္စည်းတမျိုးဖြစ်တဲ့ lycopene ဓာတ် ၂၂၇၀ မိုက္ခရိုဂရမ် ပါဝင်ပါတယ်။ Lycopene ဟာ ဆီးကျိတ်ကင်ဆာဖြစ်ပါားနိုငခြေကို လျော့နည်းစေတယ်လို့ သိရပါတယ်။
ဂရိတ်ဖရုမှာ ရေနဲ့အမျှင်ဓာတ် မျှတစွာ ပါဝင်ပါတယ်။ တိတိကျကျပြောရရင် ၂၀၀ ဂရမ်လောက် အလေးချိန်ရှိတဲ့ ဂရိတ်ဖရုတလုံးမှာ ရေ ၁၈၂ ဂရမ်နဲပ အမျှင်ဓာတ် ၂.၂ ဂရမ် ပါဝင်ပါတယ်။ ရေနဲ့အမျှင်ဓာတ်နှစ်မျိုးစလုံးဟာ အစာအိမ်အူလမ်းကြောင်း ပုံမှန်လုပ်ဆောင်နိုင်ရေးအတွက် အရေးကြီးပြီး ဝမ်းချုပ်ခြင်းကိုလည်း ကာကွယ်ပေးပါတယ်။
အရွယ်ရောက်ပြီးသူတွေအနေနဲ့ တနေ့ကို အမျှင်ဓာတ် ၂၈ ဂရမ်ကနေ ၃၃.၆ ဂရမ်ထိ လိုအပ်ပါတယ်။ အမျှင်ဓာတ်လုံလောက်စွာ စားသုံးခြင်းဟာ အူမကြီးကင်ဆာကို ကာကွယ်ပေးနိုင်ပါတယ်။
ဂရိတ်ဖရုမှာပါဝင်တဲ့ ဗီတာမင်စီဟာ ကော်လဂျင်ဖွဲ့စည်းဖြစ်ပေါ်ရာမှာ အဓိကပါဝင်ပါတယ်။ ကော်လဂျင်ဟာ အရေပြားတင်းရင်းစေဖို့ အရေးပါပါတယ်။ ဗီတာမင်စီဟာ နေရောင်ခြည်ဒဏ်နဲ့ အသက်အရွယ်အိုမင်းခြင်းကြောင့် ရင့်ရော်ပျက်စီးခြင်းကို ကာကွယ်ပေးပါတယ်။ ဗီတာမင်စီကို ဂရိတ်ဖရုအပြင် တခြားသော သံပုရာမျိုးနွယ်ဝင် အသီးတွေကလည်း ရနိုင်ပါတယ်။
ဗီတာမင်စီဟာ ကိုယ်ခံအားစနစ်ကို များစွာ အထောက်အကူပြုပါတယ်။ ဗီတာမင်စီပါဝင်တဲ့ အစားအစာတွေကို စားသုံးခြင်းအားဖြင့် အသက်ရှူလမ်းကြောင်း ပိုးဝင်ခြင်းနဲ့ တခြားရောဂါပိုးဝင်ခြင်းတွေကို ကာကွယ်နိုင်ပါတယ်။ အထူးသဖြင့် သက်ကြီးပိုင်းများ၊ နာတာရှည်ရောဂါသည်များ၊ ဆေးလိပ်သောက်သူများဟာ ဗီတာမင်စီကို လိုအပ်ပါတယ်။ ဗီတာမင်စီရဖို့ ဂရိတ်ဖရုသီးကို စားသုံးနိုင်ပါတယ်။
Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။