ခန္ဓါကိုယ်ရဲ့ အကြီးမားဆုံးသော ကိုယ်အင်္ဂါအစိတ်အပိုင်းက ဘာများလဲ။ အရေပြားပါ။ တစ်ကိုယ်လုံးကို ဖုံးအုပ်ထားပါတယ်။ ခန္ဓါကိုယ်ရဲ့ ခံတပ်တစ်ခုဖြစ်သလို အချက်ပြစနစ်တစ်ခုဆိုလည်းဟုတ်ပါတယ်။ အသားအရေပြောင်းလဲမှုကနေတဆင့် ကိုယ်တွင်းအင်္ဂါတွေရဲ့ ကျန်းမာရေးကိုသိနိုင်ပါတယ်နော်။ အရေပြားပြောင်းလဲမှုက တစ်ခါတလေမှာရောဂါကြီးကြီးမားမားတွေရဲ့ရှေ့ပြေးလက္ခဏာတွေတောင်ဖြစ်နိုင်ပါတယ်။
အသားအရေပြောင်းလဲမှု နဲ့ ကျန်းမာရေးအခြေအနေ
အသားအရေက ကိုယ်ခန္ဓါရဲ့ပြတင်းပေါက်ပါ။ရောဂါတွေရဲ့ အစောဆုံးလက္ခဏာဆိုလည်း ဟုတ်ပါတယ်။
- အရေပြားမှာ အဖုအပိမ့်တွေထွက်လာတာက အရေပြားဓါတ်မတည့်တာမျိုးဖြစ်နိုင်ပါတယ်။ ဒါပေမယ့် အမြဲတမ်းတော့မဟုတ်ပါဘူး။ တစ်ခါတလေအရေပြားမှာ အဖုအပိမ့်တွေထွက်တာက အခြားရောဂါတွေခံစားနေရတာကြောင့်ဖြစ်ပါတယ်။
- အဖုအပိမ့်ထွက်တာနဲ့အတူ အဖျားတက်မယ်၊ အဆစ်တွေနာကျင်မယ်၊ ကြွက်သားတွေကိုက်ခဲမယ် ဆိုရင်တော့ ကိုယ်တွင်းအင်္ဂါတစ်ခုခုမှာပြဿနာရှိနေတာဖြစ်နိုင်သလို ရောဂါပိုးတစ်ခုခုကူးစက်ခံရတာလည်းဖြစ်နိုင်ပါတယ်။
- အဖုအပိမ့်တွေကခြေထောက်တွေမှာဖြစ်ပြီးဆေးတွေလိမ်းတာ၊ မှိုသတ်ဆေးတွေသုံးတာမျိုးလုပ်ပေမယ့် သက်သာသွားတာမျိုးမရှိဘူးဆိုရင်တော့ အသည်းရောင် အသားဝါ စီပိုးကူးစက်ခံရတာဖြစ်နိုင်ပါတယ်။
- သောက်နေကျမဟုတ်တဲ့ဆေးတစ်မျိုးမျိုးကိုသောက်သုံးပြီးချိန်မှာ အရေပြားမှာ အဖုအပိမ့်တွေထွက်လာတာဆိုရင်တော့ဆေးနဲ့ဓါတ်မတည့်တာကြောင့်ဖြစ်နိုင်ပါတယ်။
- ပြန်ရည်ကြော ဂလင်းေတွရောင်ရမ်းမယ်။ မျက်နှာတွေရောင်ရမ်းမယ်၊ အဖျားတက်တာမျိုးတွေဖြစ်ပြီး အရေပြားမှာ အဖုအပိမ့်တွေထွက်လာတာဆိုရင်တော့ ကိုယ်တွင်းအင်္ဂါတွေဖြစ်ကြတဲ့ အသည်း၊နှလုံး၊အဆုတ်နဲ့ သိုင်းရွိုက်မှာပြဿနာရှိနေတာမျိုးဖြစ်နိုင်တာကြောင့် ဆရာဝန်နဲ့ပြသစစ်ဆေးကြည့် သင့်ပါတယ်။
- သတိထားရမယ့်နောက်တစ်ချက်က အရေပြားမှာ အဖုအပိမ့်ဖြစ်တာက ကင်ဆာရောဂါတွေရဲ့ အစောပိုင်းလက္ခဏာတွေလည်းဖြစ်နိုင်ပါတယ်။ အပေါ်မျက်ခွံပေါ်မှာ ခရမ်းရောင်သန်းတဲ့ အဖုအပိမ့်လေးတွေဖြစ်နေမယ်ဆိုရင် ဒါမှမဟုတ်နေရောင်နဲ့ထိတွေ့တဲ့နေရာမှာ လက်ဆစ်တွေပေါ်မှာ အရေပြားခပထူထူအဖုအပိမ့်တွေဖြစ်နေမယ်ဆိုရင် ကင်ဆာရောဂါခံစားနေရတာဖြစ်နိုင်ပါတယ်။ အမျိုးသမီးတွေမှာဆိုရင်တော့ သားအိမ်ကင်ဆာခံစားနေရတာဖြစ်နိုင်ပါတယ်။နောက်တစ်ခုကကျောက်ကပ်ကင်ဆာအစောပိုင်းလက္ခဏာလည်းဖြစ်နိုင်ပါတယ်။
အရေပြားမှာ အသားပိုလိုအရာတွေထွက်လာတာ
အရေပြားမှာ ယခင်ကမရှိခဲ့တဲ့ အရာတွေဖြစ်လာတာမျိုးပါ။ အသားပိုထွက်လာတာဖြစ်ဖြစ် မှဲ့လိုလို အမှတ်လိုလိုအရာတွေထွက်လာမယ်ဆိုရင်တော့ သေချာလေးစစ်ဆေးသင့်ပါတယ်။
- ဒါက အရေပြားကင်ဆာရဲ့ လက္ခဏာဖြစ်နေနိုင်ပါတယ်။
- ကိုယ်တွင်းအင်္ဂါတစ်ခုခုမှာ ရောဂါခံစားနေရတာကြောင့်လည်း အရေပြားမှာ ဒီလိုလက္ခဏာတွေဖြစ်နိုင်ပါတယ်။
အရေပြားမှာ အဖုအကျိတ်တွေထွက်လာတာ
အရေပြားမှာ အဆီကျိတ်လိုမျိုး အဖုအပိမ့်တွေထွက်လာတာက
- သွေးတွင်းမှာ ကိုလက်စထရောများနေတာကြောင့်ဖြစ်နိုင်ပါတယ်။
- ဆီးချိုကို မထိန်းနိုင်တာကြောင့်လည်း အရေပြားမှာ အဆီကျိတ်လိုမျိုး အရာတွေဖြစ်နိုင်ပါတယ်။
- နှလုံးသွေးကြောဆိုင်ရာရောဂါတွေခံစားရနိုင်တာကြောင့်လည်း အရေပြားမှာ အကျိတ်တွေဖြစ်လာနိုင်ပါတယ်။
အသားအရေအရောင်ပြောင်းလဲခြင်း
အသားအရေအရောင်ပြောင်းလာတာက ကိုယ်တွင်းမှာရောဂါတွေခံစားနေရတာကိုပြသနေတဲ့ လက္ခဏာပါ။
- အသားအရောင်ဝါလာတာက အသည်းရောဂါခံစားနေရတာပါ။ အသည်းရောဂါခံစားရတဲ့အခါ အသားဝါလာတာအပြင် အသားညစ်သွားတာလိုမျိုး အရောင်ပြောင်းသွားတာလည်းဖြစ်နိုင်ပါတယ်။
- အရေပြားမှာ အမဲရောင်အကွက်တွေဖြစ်ပေါ်တာက၊ အဆစ်တွေနေရာမှာ မဲနေတာ၊ အမာရွတ်တွေ မပျောက်ဘဲကျန်နေတာကadrenal ဂလင်းကဟော်မုန်းတွေလုံလောက်စွာမထုတ်လုပ်နိုင်တဲ့ရောဂါကို ခံစားနေရတာဖြစ်နိုင်ပါတယ်။
အသားအရေတွေခြောက်သွေ့မယ်၊ ကြမ်းလာမယ်
အသားအရေတွေက ပုံမှန်မဟုတ်ဘဲခြောက်သွေ့ကြမ်းတမ်းလာမယ်ဆိုရင်တော့ ဒီဝေဒနာတွေခံစားရတာဖြစ်နိုင်ပါတယ်။
- ညို့သကျည်းမှာ အရေပြားက ခပ်ထူထူဖြစ်လာမယ်ဆိုရင်သွေးတိုးနေတာဖြစ်နိုင်သလိုကျောက်ကပ်ပြဿနာခံစားနေရတာဖြစ်နိုင်ပါတယ်။
- အသားအရေကအရမ်းခြောက်ပြီး ယားယံနေမယ်ဆိုရင်တော့ဟော်မုန်းပြဿနာဖြစ်နိုင်သလို သိုင်းရွိုက်ကောင်းကောင်းအလုပ်မလုပ်တာဖြစ်နိုင်ပါတယ်။
- အရေပြားအရမ်းခြောက်ပြီး နှင်းခြူဖစ်လာတာက သိုင်းရွိုက်လုပ်ဆောင်နိုင်စွမ်းကျနေတာကြောင့်ပါ။
- အသားအရေကြမ်းတမ်းလာတာက ကိုယ်တွင်းအင်္ဂါတွေဖြစ်ကြတဲ့ အဆုတ်၊ နှလုံးတို့မကျန်းမာတာကြောင့်ပါ။
- အသားအရေပျော့တွဲတွဲဖြစ်တာကသွေးကင်ဆာခံစားနေရတာဖြစ်နိုင်သလို ကိုယ်တွင်းအင်္ဂါတွေ မကောင်းတာကြောင့်လည်းဖြစ်နိုင်ပါတယ်။
ဒါကြောင့်အသားအရေကို ကျန်းမာအောင် ထိန်းသိမ်းပြီးနေ့စဉ်ဂရုတစိုက်လေးကြည့်ရှု့စစ်ဆေးလိုက ကိုယ့်ကျန်းမာရေးကို ဂရုစိုက်လိုက်ပါ။
Hello Health Groupသည် ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။
[embed-health-tool-bmi]
