ဇီဝကမ္မဖြစ်စဉ်ဆိုတာ ကိုယ်ခန္ဓါတွင်းပိုင်းမှာ ဖြစ်ပျက်နေတဲ့ ဖြစ်စဉ်တစ်ုခဆိုပြီး ရှင်းရှင်းလေးသာ သိထားခဲ့ကြပေမယ့ိ ခုနောက်ပိုင်းမှာတော့ ဇီဝကမ္မဖြစ်စဉ် ကို ကိုယ်အလေးချိန် လျှော့ချတဲ့နေရာနဲ့ တွဲပြီး သိလာကြပါပြီ။ တစ်ချို့ပြောတာမျိုးတွေ ကြားဖူးမှာပါ။ ဇီဝကမ္မဖြစ်စဉ်နှေးလို့ ဝိတ်မချလို့ မရဘူးဆိုတာတွေပေါ့။ တကယ်တော့ အစားအသောက်နဲ့ လေ့ကျင့်ခန်းက ကိုယ်အလေးချိန် လျှော့ချတဲ့နေရာမှာ အဓိက ၂ ခုဖြစ်ပေမယ့် ဇီဝကမ္မဖြစ်စဉ် ကိုလည်း ချန်ထားခဲ့လို့မရသေးပါဘူး။
ဒီတော့ ဇီဝကမ္မဖြစ်စဉ်ဆိုတာ ဘာလဲ။
ဇီဝကမ္မဖြစ်စဉ်ဆိုတာ စားလိုက်တဲ့ အစားအသောက်တွေ၊ ကယ်လိုရီ တွေကို ဖြိုခွဲပြီး ကိုယ်ခန္ဓါအတွက် လိုအပ်တဲ့စွမ်းအင်ထုတ်ပေးတဲ့ ဖြစ်စဉ်ကိုပြောတာပါ။ ဒီ ဖြစ်စဉ်ကြီးဟာ လူသားတွေမှာတင်ရှိတာမဟုတ်ပါဘူး။ လှုပ်ရှားသွားလာနေတဲ့ သတ္တဝါတိုင်းမှာ ရှိပါတယ်။
ဇီဝကမ္မဖြစ်စဉ်အပေါ်ဘာတွေက သက်ရောက်မှုရှိလဲ ။ ။
- တစ်ချို့ဆေးတွေ ကြောင့် သင့်ဇီဝကမ္မဖြစ်စဉ် နှေးသွားနိုင်သလို အရမ်းကြီးမြန်သွားတာမျိုးတွေလည်း ဖြစ်နိုင်ပါတယ်။
- တစ်နေ့တာမှာ ဇီဝဖြစ်စဉ် ပထမဦးဆုံးဖြစ်တဲ့ဖြစ်တဲ့အချိန်က မနက်စာစားပြီးတဲ့ အချိန်ပါ။
ကိုယ်အလေးချိန်လျှော့ချနေတဲ့သူတွေအနေနဲ့ ဘာတွေသိထားဖို့လိုသလဲ ။ ။
- အစားလျှော့လွန်းလေ ဇီဝကမ္မဖြစ်စဉ်နှေးလေလေပါ။ ဘာ့ကြောင့်လဲဆိုတော့ ကိုယ်ခန္ဓါအတွက်လုံလောက်တဲ့ အစားတွေ မစားပေးတဲ့အခါ လိုအပ်တဲ့ ENERGY တွေကို မထုတ်ပေးသေးဘဲ သိုလှောင်ထားဖို့လိုတာကြောင့် ဇီဝကမ္မဖြစ်စဉ်လည်း နှေးသွားပါတယ်။
- အသက်အရွယ်ကလည်း ဇီဝကမ္မဖြစ်စဉ် ကို နှေးစေတဲ့ အရာတစ်ခုပါ။ ပိုဆိုးတာက အသက်ကြီးလာတဲ့အခါ လှုပ်ရှားမှုတွေလည်း နည်းသွားတတ်ပါတယ်။ ဒါေ့ကြာင့် အသက်ကြီးလာလေလေ အဆီတွေစုလာပြီး ကိုယ်အလေးချိန် တက်လာလေလေဖြစ်တာပါ။
- ဒါ့ကြောင့် ကိုယ်အလေးချိန်လျှော့ချချင်တဲ့သူတွေ အစားလျှော့ရမယ် လေ့ကျင့်ခန်းလုပ်ရမယ်။ ဒါတွေအပြင် ဇီဝကမ္မဖြစ်စဉ် မြန်အောင်လည်း လုပ်ပေးရပါဦးမယ်။
ဇီဝကမ္မဖြစ်စဉ် မြန်အောင် ဘယ်လိုလုပ်ရမလဲ ။ ။
- ပရိုတင်းများများစားပါ။
- ရေအေးတွေ ပိုသောက်ပါ။
- လေ့ကျင့်ခန်း ပြင်းပြင်းထန်ထန်လုပ်ပါ၊
- အလေးတုံးတွေ မပေးပါ
- တစ်ချိန်လုံးထိုင်မနေဘဲ မတ်တပ်ရပ် အလုပ်လုပ်ပါ။
- လက်ဖက်စိမ်းရည်တွေ သောက်ပါ
- အစပ်တွေစားပါ။
- ညဘက် အိပ်ရေးဝဝအိပ်ပါ။
အချုပ် ပြောရလို့ရှိရင် ကိုယ်အလေးချိန် ကျဖို့ဆို ကိုယ်စားလိုက်တဲ့ အစားအစာရဲ့ ကယ်လိုရီထက် လောင်ကျွမ်းတဲ့ ကယ်လိုရီက ပိုများနေဖို့လိုအပ်ပါတယ်။ ကယ်လိုရီတွေ လောင်ကျွမ်းဖို့ လေ့ကျင့်ခန်း များများလုပ်ပေးရမှာ ဖြစ်သလို ကယ်လိုရီတွေ လောင်ကျွမ်းပေးတဲ့ ဇီဝကမ္မဖြစ်စဉ် မြန်နေဖို့လည်း လိုအပ်ပါသေးတယ်။
[embed-health-tool-bmi]
