ဆီးချိုရှိသူတွေ ဖျားတဲ့အခါ

ဖျားနေချိန်မှာ ဘာလို့သွေးတွင်းသကြားဓာတ် မြင့်တက်ရတာလဲ….

အဖျား ရှိတဲ့အခါ ခန္ဓာကိုယ်က ကိုယ်တွင်းကို ရောက်လာတဲ့ ရောဂါပိုးတွေကို တိုက်ထုတ်ဖို့ ဟော်မုန်းတွေကို ထုတ်လွှတ်ပါတယ်။ ဒီအခြေအနေက ကိုယ်တွင်းမှာ အင်ဆူလင် ထွက်ရှိမှုကို နှေးစေပြီး သွေးတွင်းသကြားဓာတ်က မြင့်တက်လာနိုင် ပါတယ်။

တကယ်လို့ အမျိုးအစား – ၁ ဆီးချိုရောဂါသာ ရှိနေမယ် ဆိုရင် ဒီအခြေအနေက ထိန်းချုပ်ရခက်ခဲနိုင်ပြီး သွေးတွင်းမှာ အက်ဆစ်ဓာတ်တွေများလာပြီး အသက်အန္တရာယ် ထိခိုက်သည်အထိပြင်းထန်လာနိုင်ပါတယ်။ တကယ်လို့ အမျိုးအစား -၂ ဆီးချိုရောဂါကို ခံစားနေရသူတစ်ယောက်အနေနဲ့ အဖျားဝင်မယ်ဆိုရင် သွေးတွင်းသကြားဓာတ်က အဆမတန်မြင့်တက်ပြီး ဆီးချိုကြောင့်ဖြစ်တဲ့ ကိုမာဝင်တာမျိုးဖြစ်သွားနိုင်ပါတယ်။

ဆီးချိုရှိသူတွေ ဖျားတဲ့အခါ

ပြည့်ပြည့်ဝဝအနားယူပါ – ဖျားနေတဲ့ အချိန်မျာ ကိုယ်ခံအား ကောင်းလာစေဖို့ ဆိုရင် ပြည့်ပြည့်ဝဝ အနားယူဖို့ကလည်း မဖြစ်မနေ လိုအပ်ပါတယ်။ ဒါကြောင့် ဖျားနေချိန်မှာ ပြည့်ပြည့်ဝဝလေး အနားယူပေးပါ။

ဆေးသောက်ပေးပါ – ကိုယ်ဖြစ်တဲ့ လက္ခဏာပေါ် မူတည်ပြီး သက်သာစေဖို့ ဆေးဝါးတွေကို သောက်သုံးပါ။ လိုအပ်ရင် ဆရာဝန်နဲ့ ပြသပါ။ ဆီးချိုရှိနေတာကြောင့် ဘာဆေးမှ သောက်လို့ မရတာ မဟုတ်ပါဘူး။ အဖျားတာမရှည် စေဖို့ ဆေးတွေ သေချာသောက်ဖို့ လိုပါတယ်။

ဒီနည်းလမ်းတွေ လိုက်နာမယ်ဆိုရင် မတော်တဆဖျားနာခဲ့ရင်တောင် အခြေအနေဆိုးတဲ့အထိ ဖြစ်မှာ မဟုတ်ပါဘူး။