သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

သွေးဖြူဥနည်းသူတွေ ဘာတွေစားရမလဲ

    သွေးဖြူဥနည်းသူတွေ ဘာတွေစားရမလဲ

    သွေးဖြူဥနည်းလို့ဆိုပြီး စိတ်ညစ်နေသူတွေများရှိလား။ သွေးဖြူဥနည်းသူတွေအတွက် သဘာဝနည်းအတိုင်းသွေးဖြူဥအရေအတွက်တိုးလာစေမယ့် အစားအသောက်လေးတွေအကြောင်းပြောပြပေးပါရစေ။

    သွေးဖြူဥဆိုတာ ဘာလဲ…….

    သွေးဖြူဥဆိုတာက ခန္ဓါကိုယ်ထဲမှာ စီးဆင်းနေတဲ့သွေးတွေထဲမှာပါဝင်နေတဲ့သွေးနီဥ၊သွေးဥမွှား၊သွေးဆဲလ်တွေလိုမျိုးသွေးတွင်းမှာရှိနေတဲ့ အရာတစ်ခုပါ။

    သွေးဖြူဥတွေက ကိုယ်တွင်းကိုပြင်ပက ရောဂါတွေဝင်မလာအောင်တားဆီးပေးပါတယ်။ ကိုယ်ခံအားကောင်းစေဖို့ထောက်ကူပေးတယ်။ရောဂါပိုးတွေကို တိုက်ထုတ်ဖို့ ပဋိပစ္စည်းတွေထုတ်ပေးပါတယ်။

    ဘယ်လိုအခြေအနေကိုသွေးဖြူဥနည်းတယ်လို့ဆိုတာလဲ…………

    သွေးဖြူဥပမာဏက လူတစ်ယောက်နဲ့တစ်ယောက်မှာ မတူနိုင်ပါဘူး။

    ပုံမှန်ရှိသင့်တဲ့ ပမာဏ – ၃၅၀၀ ကနေ ၁၀၅၀၀per microliter

    ပမာဏနည်းနေတယ်ဆိုရင် – ၄၅၀၀per microliter ထက်နည်းနေတာ

    ပမာဏများနေတယ်ဆိုရင် – ၁၁၀၀၀per microliter ထက်များနေတာပါ။

    သွေးဖြူဥနည်းနေလား ဘယ်လိုသိနိုင်မလဲ

    သွေးဖြူဥနည်းနေတဲ့အခါ ခန္ဓါကိုယ်မှာ အခုလိုလက္ခဏာတွေတွေ့ရနိုင်ပါတယ်။

    • အဖျားတက်မယ်
    • ချမ်းပြီးတုန်မယ်
    • ချွေးတွေအရမ်းထွက်မယ်
    • အရေပြားတွေရောင်ရမ်းမယ်
    • နီမြန်းမယ်
    • လည်ချောင်းနာမယ်
    • ချောင်းအရမ်းဆိုးမယ်
    • အသက်ရှုတာပြတ်တောင်းပြတ်တောင်းဖြစ်နေမယ်။ စတဲ့ လက္ခဏာတွေခံစားရနိုင်ပါတယ်။

    သွေးဖြူနည်းသူတွေ ဘာတွေစားရမလဲ

    သွေးဖြူဥနည်းသူတွေအနေနဲ့သွေးတွင်း ကသွေးဖြူဥပမာဏတိုးစေဖို့ ဒီအစားအစာလေးတွေကို စားပေးလို့ရပါတယ်။

    ကြက်သွန်ဖြူ

    ကြက်သွန်ဖြူမှာallicinဒြပ်ပေါင်းပါဝင်တာကြောင့်သွေးဖြူဥဆဲလ်တွေထွက်ရှိလာအောင် လှုံ့ဆော်ပေးပြီး ကိုယ်ခံအားကိုကောင်းစေနိုင်ပါတယ်။ တစ်နေ့ကို နုတ်နုတ်စဉ်းထားတဲ့ ကြက်သွန်ဖြူ လက်ဖက်ရည်ဇွန်း ၁ ဇွန်းစာကနေ ၂ ဇွန်းစာအထိစားသုံးပေးပါ။ ဟင်းချက်စားလို့ရသလို တို့စားပေးလို့လည်းရပါတယ်။

    ဟင်းနုနွယ်

    ဗီတာမင်အေ၊ စီ နဲ့ ဗီတာမင် အီးတို့ပါဝင်တာကြောင့်သွေးဖြူဥဆဲလ်အရေအတွက်ကို တိုးစေနိုင်ပါတယ်။နေ့တိုင်း ဟင်းနုနွယ်ကြော် ပန်းကန်လုံးတစ်လုံးစာ စားပေးသင့်ပါတယ်။

    သင်္ဘောရွက်

    သွေးတွင်းသွေးဖြူဥ ပမာဏကိုတိုးစေနိုင်တဲ့ အရေးပါတဲ့ဒြပ်ပေါင်းတစ်ခုဖြစ်တဲ့acetogenins ပါဝင်တာကြောင့်သွေးဖြူဥအရေအတွက် တိုးချင်သူတွေအတွက် သင့်တော်ပါတယ်။ သင်္ဘောရွက်ကိုရေနဲ့ရောကြိတ်ပြီး ပျားရည်နည်းနည်းထည့်လို့သောက်ပေးလို့ရပါတယ်။

    ဒိန်ချဉ်

    ဒိန်ချဉ်မှာပါတဲ့ အကျိုးပြုဘက်တီးရီးယားလေးတွေကသွေးဖြူဥတွေထွက်ရှိလာအောင် လှုံ့ဆော်ပေးပြီး ကိုယ်ခံအားကိုကောင်းစေနိုင်ပါတယ်။နေ့တိုင်း ဒိန်ချဉ်တစ်ခွက်သောက်ပေးပါ။

    ပန်းဂေါ်ဖီစိမ်း

    ပန်းဂေါ်ဖီစိမ်းမှာsulforaphane (SFN) လို့ခေါ်တဲ့ ဓါတုဒြပ်ပေါင်းတစ်ခုပါဝင်တာကြောင့်သွေးဖြူဥဆဲလ်အရေအတွက်ကို တိုးစေနိုင်ပြီး ကိုယ်ခံအားကိုမြှင့်တင်ပေးနိုင်ပါတယ်။နေ့တိုင်း ချက်ထားတဲ့ ပန်းဂေါ်ဖီတစ်ခွက်စာ စားပေးပါ။

    ကီဝီသီး

    ကီဝီသီးက ဓါတ်တိုးဆန့်ကျင်အာနိသင်ကြွယ်ဝသလို ပိုတက်ဆီယမ်၊ ဗီတာမင် စီ နဲ့ ဗီတာမင် အီးတို့ပါဝင်တာကြောင့် ကိုယ်ခံအားကောင်းစေနိုင်သလိုသွေးဖြူဥအရေအတွက်ကိုလည်း တိုးစေနိုင်ပါတယ်။ တစ်နေ့ကို ကီဝီသီး တစ်လုံး၊ နှစ်လုံးလောက်စားပေးလို့ရပါတယ်။

    လိမ္မော်သီး

    ဓါတ်တိုးဆန့်ကျင်ပစ္စည်းနဲ့ ဗီတာမင် စီကြွယ်ဝစွာပါဝင်တာကြောင့် ကိုယ်ခံအားကောင်းစေပြီးသွေးဖြူဥအရေအတွက်ကိုလည်း တိုးစေနိုင်ပါတယ်။ တစ်နေ့ကို လိမ္မော်သီးတစ်လုံးကနေ ၃ လုံးလောက်အထိစားပေးလို့ရပါတယ်။ အခြားအချဉ်ပါတဲ့အသီးတွေဖြစ်တဲ့ စတော်ဘယ်ရီ၊ ဂရိတ်ဖရုစ် နဲ့ စပျစ်သီးတို့ကိုလည်း စားပေးလို့ရပါတယ်။

    ရဲယိုသီး

    ရဲယိုသီးမှာ ဗီတာမင် စီပါဝင်တာကြောင့် ကိုယ်ခံအားကိုကောင်းစေနိုင်ပါတယ်။သွေးဖြူဥဆဲလ်တွေကို တိုးပွားစေနိုင်ပါတယ်။ တစ်နေ့ကို ရဲယိုသီး အရွယ်တော် တစ်လုံး ဒါမှမဟုတ် အချိုမပါတဲ့ ရဲယိုသီးဖျော်ရည်တစ်ခွက်သောက်ပေးပါ။

    Hello Health Groupသည်ဆေးပညာအကြံပေးချက်များ၊ရောဂါရှာဖွေမှုများ၊ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 08/07/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: