ဆရာဝန်အား အခမဲ့မေးမြန်းလိုက်ပါ။
Hello ဆရာဝန်မှာ သင့်အတွေးများကို အသိပေးနိုင်ပါတယ်။
ရောဂါတစ်ခုခုခံစားနေရရင် ကိုယ်ဝန်ဆောင်တဲ့အခါမွေးလာမယ့်ကလေးကို ထိခိုက်မလား၊ ကိုယ်ဝန်ရောဆောင်လို့ရပါ့မလားဆိုပြီး စိတ်ပူတတ်ကြတာ အမျိုးသမီးတိုင်းနီးပါးပါ။မေမေဖြစ်ချင်ပေမယ့် အတက်ရောဂါရှိနေလို့မေမေဖြစ်ခွင့်ရပါ့မလားလို့တွေးနေတဲ့မေမေတို့အနေနဲ့ ဒီဆောင်းပါးလေးကို ဖတ်ကြည့်ပါ။
အတက်ရောဂါက အမျိုးသမီးတွေအနေနဲ့ မပေါ့သင့်တဲ့ ကျန်းမာရေးပြဿနာတစ်ခုပါ။ အတက်ရောဂါကိုခံစားရပုံချင်း ကအမျိုးသမီးတစ်ဦးနဲ့ တစ်ဦးမှာလည်း မတူတတ်ကြပြန်ပါဘူး။ ကိုယ်တွင်းကဟော်မုန်းပမာဏ၊ ရာသီစက်ဝန်း၊ ကိုယ်ဝန်ဆောင်ကာလ၊သွေးဆုံးချိန်တွေပေါ်မှာလိုက်ပြီးကွာခြားနိုင်ပါတယ်။ အတက်ရောဂါကို ကုသမှုကဟော်မုန်းပမာဏကို ထိခိုက်နိုင်ပါတယ်။ ကိုယ်တွင်းမှာ အမျိုးသမီးတွေအတွက်အရေးပါတဲ့ အက်စထရိုဂျင်ဟော်မုန်းနဲ့ progesterone တို့မျှတမှုမရှိတဲ့အခါ အတက်ရောဂါဖြစ်လာရတာပါ။
အတက်ရောဂါရှိသူ အမျိုးသမီးအများစုက ကိုယ်ဝန်ဆောင်လို့ရပါတယ်။ ဒါပေမယ့် သာမန်အမျိုးသမီးတွေထက်စာရင်တော့ အန္တရာယ်များတာပေါ့။ ဘယ်လိုထိခိုက်မှုတွေဖြစ်နိုင်လဲဆိုတော့ အတက်ရောဂါကြောင့် မိခင်ကျန်းမာရေးကို ထိခိုက်နိုင်သလိုဘေဘီလေးရဲ့ ကျန်းမာရေးကိုလည်း ထိခိုက်နိုင်ပါတယ်။ ဒီလိုဆိုတာနဲ့ ကိုယ်ဝန်မဆောင်ရတော့ဘူးလားဆိုတော့ မဟုတ်ပါဘူး။ အတက်ရောဂါရှိနေပေမယ့်လည်း ကျန်းမာရေးကိုသေချာလေးဂရုစိုက်မယ်ဆိုရင် အတက်ရောဂါရှိပေမယ့်လည်း ကိုယ်ဝန်ဆောင်နိုင်မှာပါ။
ဒါပေမယ့် အတက်ရောဂါရှိသူတွေက သန္ဓေအောင်နိုင်ခြေနည်းပါတယ်။ အတက်ရောဂါရှိတဲ့လေဒီတွေရဲ့ မျိုးအောင်နိုင်စွမ်းက ပုံမှန်ထက်နည်းနေတတ်ပြီး ရာခိုင်နှုန်းအနေနဲ့ပြောမယ်ဆိုရင် ၂၅ ရာခိုင်နှုန်းကနေ ၃၃ ရာခိုင်နှုန်းအတွင်းမှာပဲရှိပါတယ်။
အတက်ရောဂါရှိပေမယ့် သားသားမီးမီးလေးတွေလည်း လိုချင်တယ်ဆိုရင်တော့ ကိုယ်ဝန်မဆောင်ခင်ကတည်း ကဆရာဝန်နဲ့သေချာတိုင်ပင်ဆွေးနွေးဖို့လိုပါမယ်။ မကြာခဏ တက်မယ်ဆိုရင်တော့ ဒီအခြေအနေမသက်သာမချင်း ကလေးမယူသင့်သေးပါဘူး။ဆေးတွေကို ဆရာဝန်ညွန်ကြားတဲ့အတိုင်းသောက်ပေးပါ။ ကိုယ်သဘောနဲ့ကိုယ်ဆေးတွေကို အတိုးအလျော့မလုပ်ဖို့ပြောပါရစေ။ အတက်ရောဂါကို မထိန်းချုပ်နိုင်ခင် ကလေးယူတာက မိခင်ရောကလေးအတွက်ပါ ထိခိုက်စေနိုင်ပါတယ်။ ဒါကြောင့် အတက်ရောဂါရှိတယ်။ ဒါပေမယ့် ကလေးယူချင်တယ်ဆိုရင် အတက်ရောဂါကို အရင်သက်သာအောင်လုပ်ဖို့ပြောပါရစေ။
ဤကိရိယာသည် အမျိုးသမီးများအတွက် ကိုယ်ဝန်မဆောင်ခင်က ရှိသည့် ကိုယ်အလေးချိန်ပေါ် မူတည်၍ ကိုယ်ဝန်ဆောင်ချိန်တွင် ကိုယ်အလေးချိန် မည်မျှရှိသင့်သည်ကို တွက်ချက်ပေးခြင်း ဖြစ်ပါသည်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။