ကိုယ့်ရင်သွေးကျန်းမာပျော်ရွှင်နေဖို့က မိခင်တိုင်းတောင့်တမိတဲ့ဆုပါ။ မိခင်ဆိုတာမျိုးက ကိုယ့်သားသမီးတွေ ဆော့ရင်းမောသွားလို့ဖြစ်ဖြစ် အိပ်ချင်လို့ဖြစ်ဖြစ် အိပ်ပျော်သွားတာလေးကို ကြည့်ရင်းနဲ့တောင် ငါ့သားလေး သနားပါတယ်။ ငါ့သမီးလေးသနားပါတယ်လို့ တွေးမိတတ်သူတွေမဟုတ်လား။ ဒီတော့ ဘယ်လိုအခြေအနေမျိုးမှာမဆို ရင်သွေးကို သနားစိတ်ဖြစ်နေမိတတ်တဲ့ မေမေတို့အနေနဲ့ ကလေးက နို့သောက်ပြီးတိုင်း အန်နေမယ်ဆိုရင် ဘယ်လောက်တောင်စိုးရိမ်လိုက်မလဲနော်။ ကလေးကဆာလို့ နို့တိုက်လိုက်တယ်။ နို့သောက်ပြီး မကြာဘူး ကလေးကပြန်အန်တယ်။ ဘာဖြစ်မှန်းလဲမသိဘူး။ ဘာလုပ်ပေးရမှန်းလဲမသိဘူးဆိုတဲ့ မေမေတို့ ဒီဆောင်းပါးလေးဖတ်ကြည့်နော်။
Hello Sayarwon မှ ထွက်မည်။
ထွက်မှာ သေချာပြီလား။
ကျန်းမာရေး ဆောင်းပါးများ
ကျန်းမာရေး ကဏ္ဍများ
ကျန်းမာပျော်ရွှင်သော လိင်မှုဘဝလမ်းညွှန်
အန္တရာယ်ကင်းစွာ လိင်ဆက်ဆံခြင်း/လိင်မှကူးစက်သောရောဂါများမှ ကာကွယ်ခြင်းChalamydia ပိုးဝင်ခြင်းဆစ်ဖလစ်ပိုးဝင်ခြင်း(ကာလသားရောဂါ)ဂနိုရောဂါ(ဆီးပူညောင်းကျ)လိင်အင်္ဂါကြွက်နို့များTrichomoniasis ရောဂါပိုးဝင်ခြင်းHIV နှင့် AIDS ရောဂါလိင်မှတစ်ဆင့်ကူးစက်သော အခြားရောဂါများသားဆက်ခြားခြင်းလိင်မှုဘဝသာယာပျော်ရွှင်ရေး လမ်းညွှန်ချက်များရေယုန်
ကူးစက်ရောဂါများ
ကိုရိုနာဗိုင်းရပ်စ်အသက်ရှူလမ်းကြောင်းဆိုင်ရာကူးစက်ရောဂါများအစားအသောက်မှကူးစက်သောရောဂါများတခြား ဘက်တီးရီးယား ကူးစက်ရောဂါများလေထဲမှတဆင့် ကူးစက်သော ရောဂါများဇီကာဗိုင်းရပ်စ်သွေးလွန်တုပ်ကွေးအင်းဆက်မှတဆင့် ကူးစက်သော ရောဂါများတခြား ဗိုင်းရပ်စ် ကူးစက်ရောဂါများဦးနှောက်အမြှေးရောင်ခြင်းရေယုန်တိုက်ဖွိုက် (အူရောင်ငန်းဖျား)
အစာအိမ်နှင့်အူလမ်းကြောင်း ကျန်းမာရေး
အစာအိမ်အနာဗိုက်ကယ်ခြင်း နှင့် လေပွခြင်းဝမ်းချုပ်ခြင်းဝမ်းပျက်ဝမ်းလျှောခြင်းအူရောင်ရောဂါများ (IBD)အူမကြီးရောဂါများ (IBS)ရင်ပူခြင်း၊ ရင်ခေါင်းအောင့်ခြင်းအစာအိမ်အက်ဆစ်ရည်ပြန်ဆန်တက်ခြင်းအစာအိမ်နှင့် အူလမ်းကြောင်းအနာအစာအိမ်ရောင်ခြင်းအခြားအစာအိမ်နှင့်အူလမ်းကြောင်းပြဿနာများဗိုင်းရပ်စ်ကြောင့် အထက်လန်အောက်လျှောခြင်းအူသိမ်တွင်ဘက်တီးရီးယားပိုးပေါက်ခြင်းသည်းခြေဆိုင်ရာရောဂါများလိပ်ခေါင်းရောဂါများအထက်လန်အောက်လျှောခြင်းအသည်းရောဂါများ
ကဏ္ဍအားလုံး ကြည့်ရှုမည်
ကျန််းမာရေး ကိရိယာများ
ကိုယ်လက်လှုပ်ရှားမှု
ကိုယ်ဝန်ဆောင်နှင့် ကလေးပြုစုစောင့်ရှောက်ခြင်း
ကျန်းမာရေး ကိရိယာ အားလုံးကို ကြည့်ရှုမည်
ကလေးနို့အန်လို့ စိတ်ပူနေပြီလား
ကလေးတွေ နို့အန်တာက ပုံမှန်ပဲလား
ကလေးကမွေးစမှာ အစာခြေစနစ်ကစလို့ အခြားကိုယ်တွင်းစနစ်တွေက ဖွံ့ဖြိုးဆဲအချိန်မို့ သောက်လိုက်တဲ့နို့တိုင်းကို ချေဖျက်နိုင်ဖို့ မလွယ်တာကြောင့် ပြန်အန်တာမျိုးဖြစ်နိုင်ပါတယ်။ ကလေးက နည်းနည်းလောက်ပဲပြန်အန်ရင်တော့ သိပ်စိုးရိမ်စရာမရှိဘူးလို့ဆိုရပါမယ်။ အများကြီးပြန်အန်တဲ့အခါမှာတော့ ကလေးအနေနဲ့ လန့်ပြီး ငိုတာမျိုး နှာခေါင်းထဲမှာ မွှန်သွားတာမျိုးဖြစ်နိုင်ပါတယ်။ ဒီလိုအချိန်မှာ ကလေးကို ခပ်မတ်မတ်လေးထားပေးပါနော်။ ဒါမှ အန်တဲ့နို့တွေ အသက်ရှူလမ်းကြောင်းထဲမဝင်မှာပါ။
ကလေးက ကားမူးတဲ့အခါ၊ အဖျားရှိတဲ့အခါမျိုးနဲ့ အချိန်အတော်ကြာငိုတဲ့အခါမျိုးမှာလည်း အော့အန်တာမျိုးဖြစ်နိုင်ပါတယ်။ ကလေးကမွေးစကနေ တစ်နှစ်လောက်အတွင်းမှာ မကြာခဏဆိုသလို အန်နိုင်ပါတယ်။ အသက်လေးရလာတာနဲ့ အမျှ အန်တာလည်းဖြည်းဖြည်းချင်းနည်းသွားပါလိမ့်မယ်နော် မေမေတို့ရေ။ မစိုးရိမ်ပါနဲ့လို့ပြောပါရစေ။
ဒီအချက်တွေကြောင့် ဘေဘီလေးတွေ နို့အန်တာပါ
ဘေဘီလေးကို နို့အန်စေရတဲ့ အကြောင်းအရင်းတွေက တော်တော်လေးများပါတယ်။ ကလေးတွေကို နို့အန်တာအများဆုံးဖြစ်စေနိုင်တဲ့အချက်တွေကတော့ –
ကလေးက မကြာခဏဆိုသလို နို့အန်နေမယ်ဆိုရင် ဒီအချက်လေးတွေကို စမ်းကြည့်သင့်ပါတယ်။
တိတ်ဆိတ်တဲ့နေရာမှာ နို့တိုက်ပါ – ကလေးကို တိတ်ဆိတ်ငြိမ်သက်တဲ့နေရာမှာနို့တိုက်ပေးတာက ကလေးကိုအာရုံပျံ့လွှင့်မှုနည်းစေပြီး မလိုအပ်ဘဲနို့တွေအများကြီးသောက်မိတာမျိုးမဖြစ်အောင်ကာကွယ်ပေးနိုင်ပါတယ်။
နည်းနည်းချင်းစီနဲ့ အကြိမ်များများတိုက်ပေးပါ – ကလေးကို နို့တိုက်တဲ့အခါ တစ်ကြိမ်နဲ့ တစ်ကြိမ်ကြားမှာ အချိန်အများကြီးမခြားထားပါနဲ့။ ဒီလိုလုပ်တာက ကလေးကိုအရမ်းဆာစေပြီး နို့အများကြီးသောက်မိတာမျိုး ဖြစ်စေနိုင်ပါတယ်။ ကလေးကနို့ကို ခပ်မြန်မြန်နဲ့ အများကြီးသောက်မိတဲ့အခါ လေတွေဝင်သွားပြီး နို့ပြန်အန်နိုင်ခြေတော်တော်များသွားမှာပါ။
ကလေးကိုနို့တိုက်ပြီးတိုင်း လေထုတ်ပေးပါ – ကလေးတွေကအမြဲလိုလို ပက်လက်အနေအထားနဲ့နေရတာပါ။ ဒါကြောင့် ကလေးအစာအိမ်ထဲမှာ လေတွေရှိနေတာမျိုးဖြစ်နိုင်ပါတယ်။ ဒါကြောင့် ကလေးကို နို့တိုက်ပြီးတိုင်းမှာ လေထုတ်ပေးဖို့မမေ့ပါနဲ့။
နို့တိုက်တဲ့ပုံစံ ပြောင်းပေးပါ – ကလေးကို နို့တိုက်တဲ့အခါ ခေါင်းလေးကို ခပ်မြင့်မြင့်အနေအထားမျိုးနဲ့ ချီပေးထားတာမျိုးလုပ်ပေးပါ။
နို့တိုက်ပြီးရင် ခပ်မတ်မတ်လေးချီပေးပါ –ကလေးကို နို့တိုက်ပြီးတဲ့အခါ ကြမ်းပြင်မှာ ပက်လက်ချထားတာမျိုး မလုပ်ပါနဲ့။ ဦးခေါင်းလေးကို ခပ်မြင့်မြင့်လေးထားပေးတာမျိုးလုပ်ပေးပါ။ ဒီလိုမှမလုပ်ချင်ရင် ကလေးကို မိခင်ရင်ဘတ်နဲ့ကပ်ပြီး ခပ်မတ်မတ်လေးချီပေးပါနော်။
ကလေးကို နို့တိုက်ပြီးချိန်မှာ မမွှေနှောက်ပါနဲ့ – ကလေးကချစ်ဖို့ကောင်းလို့ဆိုပြီး မွှေချင်နှောက်ချင် စချင်နောက်ချင်ရင်တောင် နို့တိုက်ပြီးချိန်မှာ မလုပ်ပါနဲ့။ နို့တိုက်ပြီးရင် ကလေးကို သက်သောင့်သက်သာနေစေတာကအကောင်းဆုံးပါ။
ဒီလိုမျိုးဆိုရင်တော့ ဆရာဝန်နဲ့ပြသဖို့လိုပါမယ်
ကလေးတွေအန်တာက ပုံမှန်ပဲဆိုပေမယ့် ဒီလိုအခြေအနေမျိုးဖြစ်လာမယ်ဆိုရင်တော့ ဆရာဝန်နဲ့ပြသကြည့်ဖို့ပြောပါရစေ။
- ကလေးက ခဏခဏအန်နေမယ်
- တစ်ခါအန်ရင် အများကြီးအန်နေမယ်
- ကလေးအန်တာက ၂၄ နာရီကျော်တဲ့အထိမသက်သာဘူးဖြစ်နေမယ်
- အန်တဲ့အခါ အစိမ်းရောင်အရည်တွေ ဒါမှမဟုတ်သွေးတွေပါနေမယ်
- ကလေးကိုကြည့်ရတာ ဗိုက်နာနေတဲ့ပုံပေါ်နေတယ်ဆိုရင်
- ကလေးက ကိုယ်အလေးချိန်ကျလာမယ် ဒါမှမဟုတ် ကိုယ်အလေးချိန်တက်မလာဘဲ ဖြစ်နေမယ်ဆိုရင်
- ကလေးက နို့သောက်နေရက်နဲ့ ရေဓာတ်ခမ်းခြောက်တဲ့ ပုံပေါက်နေမယ်ဆိုရင်တော့ ဆရာဝန်နဲ့သွားရောက်ပြသကြည့်ဖို့ပြောပါရစေ။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
Breastfeeding and Infant Spit Upshttps://www.verywellfamily.com/breastfeeding-and-infant-spit-ups-431719 Accessed Date 12 November 2018
My baby frequently vomits. What’s causing this?https://www.babycentre.co.uk/x554826/my-baby-frequently-vomits-whats-causing-this Accessed Date 12 November 2018
Vomiting: what’s normal and what’s nothttps://www.babycentre.co.uk/a536689/vomiting-whats-normal-and-whats-not Accessed Date 12 November 2018
7 Reasons Why She’s Pouring It All Out!https://www.newbornhub.com/baby-vomiting.html Accessed Date 12 November 2018