မွေးကင်းစကလေးလေးရဲ့ မိန်းမကိုယ်ကနေ သွေးဆင်းတာ ဘာကြောင့်ဖြစ်ရတာလဲ။ ပုံမှန်ဖြစ်တတ်လား။

မွေးကင်းစကလေးတစ်ယောက်ရဲ့ သေးခံလဲပေးနေတဲ့အချိန် မိန်းမကိုယ်ကနေ သွေးဆင်းတာမျိုး မြင်လိုက်ရတဲ့အခါအထိတ်တလန့်ဖြစ်သွားတတ်ကြတာ မိခင်တိုင်းပါ။ မိန်းမကိုယ်ကနေ သွေးဆင်းတယ်ဆိုတာ အသက် ၁၃ နှစ် အပျိုဖော်ဝင်စ အချိန်မှပဲဖြစ်တတ်တာမျိုးဆိုတော့ နို့စို့အရွယ်ကိုယ့်ကလေးရဲ့ မိန်းမကိုယ်ကနေ သွေးဆင်းတာဟာ ပုံမှန်ဟုတ်ရဲ့လား။ ဘာရောဂါများဖြစ်လို့လဲ ။ ဘာကြောင့်ဖြစ်ရတာလဲ ။ ။

မွေးကင်းစကလေးရဲ့ မိန်းမကိုယ်ကနေ သွေးဆင်းတယ်ဆိုတာ ပုံမှန်ဟုတ်ရဲ့လား ။ ။

မွေးကင်းစကလေးရဲ့ မိန်းမကိုယ်ကနေ သွေးဆင်းတာကို မြင်လိုက်ရရင် အရမ်းကြီး ထိတ်လန့်မသွားပါနဲ့။ ဒါက ပုံမှန်ဖြစ်တတ်တဲ့ အရာတစ်ခုပါ။ မွေးပြီးခါစ ၂ ရက် ၃ ရက်လောက်မှာ ကလေးတွေရဲ့ မိန်းမကိုယ်ကနေ သွေးဆင်းလေ့ရှိပါတယ် ။ ဘာကြောင့်လဲဆိုတော့ မိခင် သားအိမ်အတွင်းမှာနေခဲ့စဉ်က ကလေးရဲ့ မျိုးပွားအဂါၤအပေါ်သက်ရောက်တဲ့ဟော်မုန်းတွေရဲ့ အရှိန် ကလေးဆီပါလာတာကြောင့် မိန်းမကိုယ်ကနေ သွေးဆင်းတာဖြစ်နိုင်ပါတယ်။

ဘယ်နှစ်ရက်လောက်ကြာတတ်လဲ ။ ။

ဒီလိုသွေးဆင်းတာမျိုးဟာ ၂ ရက် ၃ ရက်လောက်ကြာတတ်ပါတယ်။ ဟော်မုန်းတွေ ပုံမှန် ပမာဏ ပြန်ရောက်သွားပြီဆိုတာနဲ့ သွေးဆင်းတာ ရပ်သွားပါလိမ့်မယ် ။ ပြီးတော့ ဒီလိုသွေးဆင်းတာမျိုးဟာ အပျိုဖော်ဝင်ချိန် မရောက်ခင်နှစ်တွေအတွင်းမှာ တစ်ကြိမ်ပဲ ဖြစ်သင့်ပါတယ်။

မွေးကင်းစကလေးတွေမှာ မိန်းမကိုယ်ကနေ သွေးဆင်းခြင်းကိုဖြစ်စေတဲ့ အကြောင်းအရင်းတွေက ဘာများလဲ ။

• သေးခံလောင်ပြီး မိန်းမကိုယ်ထိခိုက်သွားတဲ့အခါမျိုးမှာ
• မိန်းမကိုယ်ထဲ အပြင်ကပစ္စည်းတစ်ခုခု ဝင်သွားတဲ့အခါ
• မွေးရာပါ adrenal ဂလင်း ပုံမှန် မဟုတ်တဲ့အခါ
• သေးခံကိုလဲပြီး သေချာသန့်ရှင်းရေးမလုပ်တဲ့အခါ မိန်းမကိုယ်ထဲပိုးဝင်ြပီး မိန်းမကိုယ်ကနေ သွေးဆင်းခြင်းများဖြစ်နိုင်ပါတယ်။

ဒီလိုအချိန်မျိုးမှာ မိခင်တွေဘက်က ဘယ်လိုလုပ်ပေးရမလဲ ။ ။

သွေးဆင်းလို့ ပေကျံနေတဲ့ နေရာကို ရေကြက်သီးနွေးလေးနဲ့ သန့်ရှင်းရေးလုပ်ပေးဖို့က အဓိက ပါပဲ။ ဝမ်းသွားပြီးလို့ သန့်စင်ပေးတဲ့အခါမှာလည်း ဝမ်းကို ရှေ့ကနေ နောက်ကို ဆွဲယူတဲ့နည်းနဲ့ သန့်စင်ပေးဖို့လိုအပ်ပါတယ်။ ဒါမှ မိန်းမကိုယ်ထဲပိုးဝင်တာမျိုး မဖြစ်တော့မှာပါ။ ။

ဘယ်လို အချိန်မျိုးမှာ စိတ်ပူစရာလိုမလဲ ။ ။

မွေးကင်းစ ကလေးတွေမှာ သွေးဆင်းတာ ပုံမှန်ဖြစ်တတ်တဲ့ အရာတစ်ခုဆိုပေမယ့်လည်း ဆရာဝန်ဆီကိုသွားပြီး ဆွေးနွေးဖို့တော့ ပေါ့ဆမနေသင့်ပါဘူး။ စိုးရိမ်သင့်တဲ့အချိန်တွေကတော့

• သွေးဆင်းတာ တစ်ပတ်တောင်ရှိနေပြီ ဆက်ဆင်းနေတုန်း
• ဆင်းတဲ့သွေးတွေကလည်း အရမ်းများပြီး
• အပုပ်နံ့လိုမျိုး နံနေမယ်
• ကလေးကလည်း အပြင်းဖျားနေမယ် ဆိုရင်တော့ ဆရာဝန်ဆီကို ချက်ချင်းသွားသင့်ပါတယ်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။