ပုံပြင်ပြောတဲ့အခါ ကိုယ်ကပြောပြလိုက် ဘေဘီလေးက မေးခွန်း ထုတ်လိုက် လုပ်ရင်းက အပြန်အလှန် ဆွေးနွေးဖြစ်သွားပါမယ်။ ဒီလိုကနေ အကျင့်ရပြီး ဘေဘီလေးရဲ့ လူမှုဆက်ဆံရေးက ကောင်းမွန်လာပါလိမ့်မယ်။ ဘေဘီလေးကို လူမှုဆက်ဆံရေး ကောင်းစေဖို့ဆိုရင် ဘေဘီလေးက မေးခွန်းထုတ်တဲ့အခါ စိတ်ရှည်လက်ရှည်နဲ့ ပြန်ဖြေပေးဖို့ မမေ့ပါနဲ့။
ပုံပြင် နားထောင်တာက ဘေဘီလေးရဲ့ မှတ်ဉာဏ်ကို ထက်မြက်စေဖို့ အကောင်းဆုံး အားဖြည့်ပေးနိုင်ပါတယ်။ အကြောင်းအရာ အသေးစိတ်ကို လိုက်မှတ်သားတတ်တဲ့ အလေ့အထလည်း ရရှိသွားမှာပါ။ ဒီလိုကနေ ဘေဘီလေးကို မှတ်သားတတ်တဲ့ အလေ့အထ ရရှိစေပြီး မှတ်ဉာဏ်ကောင်းလာစေဖို့ ထောက်ကူပေးနိုင်မှာပါ။
ပုံပြင် နားထောင်တတ်တဲ့ အလေ့အထက ဘေဘီလေးကို သင်ယူနိုင်စွမ်းတိုးစေဖို့ လုပ်ဆောင်ပေးပြီး သင်ယူလေ့လာမှုကို လွယ်ကူစေဖို့ ထောက်ကူပေးပါတယ်။ ဘေဘီလေးကို နားစိုက်ထောင်တတ်တဲ့ အကျင့်ရစေပြီး အာရုံစူးစိုက်မှုလည်း ကောင်းစေပါတယ်။
ပုံပြင်ပြောပြတာက ဘေဘီလေးကို စကားလုံးသစ်တွေကို သင်ယူခွင့် ရရှိစေတာပါ။ စကားလုံးတွေရဲ့ အဓိပ္ပါယ်ကို နားလည်စေနိုင်ပြီး ဘေဘီလေးကို ဝေါဟာရကြွယ်စေဖို့ အကောင်းဆုံး ထောက်ကူပေးနိုင်မှာပါ။
ပုံပြင်တွေက ဘေဘီလေးကို အပျင်းပြေစေရုံတင် မဟုတ်ပါဘူး။ စိတ်ဖိစီးမှုတွေကို ပြေလျော့စေသလို စိုးရိမ်စိတ်တွေကိုလည်း လျော့ကျစေနိုင်ပါတယ်။ ပုံပြင်လေးတွေရဲ့ ပျော်စရာကောင်းတဲ့ ဇာတ်သိမ်းက ဘေဘီလေးတွေကို စိတ်ပျော်ရွှင်မှုပါ ရရှိစေနိုင်ပါတယ်။
EQ ကောင်းတဲ့သူတွေဟာ လုပ်ငန်းခွင်မှာ ပိုမို အောင်မြင်တတ်ကြပါတယ်။ ဘေဘီလေးကို ငယ်စဉ်ကတည်းက ပုံပြောပြတာက စိတ်ခံစားမှုကို အကောင်းဆုံး ထိန်းချုပ်နိုင်ပြီး EQ ကောင်းစေပါတယ်။
ကဲ…….. ဘေဘီလေးကို လူရည်ချွန်လေးအဖြစ် ကြီးပြင်းလာစေချင်တယ်ဆိုရင်တော့ ပုံပြောပြဖို့ ပုံပြင် ကောင်းကောင်းလေးတွေကို ရှာဖတ် ထားလိုက်တော့နော်…………….
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။